චෞරාෂ්ටකම් (ශ්රී චෞරාග්රගණ්ය පුරුෂාෂ්ටකම්)

chaurashtakam sri chauragraganya purushashtakam in sinhala

ව්රජේ ප්රසිද්ධං නවනීතචෞරං
ගෝපාංගනානාං ච දුකූලචෞරම් ।
අනේකජන්මාර්ජිතපාපචෞරං
චෞරාග්රගණ්යං පුරුෂං නමාමි ॥ 1॥

ශ්රීරාධිකායා හෘදයස්ය චෞරං
නවාංබුදශ්යාමලකාංතිචෞරම් ।
පදාශ්රිතානාං ච සමස්තචෞරං
චෞරාග්රගණ්යං පුරුෂං නමාමි ॥ 2॥

අකිංචනීකෘත්ය පදාශ්රිතං යඃ
කරෝති භික්ෂුං පථි ගේහහීනම් ।
කේනාප්යහෝ භීෂණචෞර ඊදෘග්-
දෘෂ්ටඃශ්රුතෝ වා න ජගත්ත්රයේऽපි ॥ 3॥

යදීය නාමාපි හරත්යශේෂං
ගිරිප්රසාරාන් අපි පාපරාශීන් ।
ආශ්චර්යරූපෝ නනු චෞර ඊදෘග්
දෘෂ්ටඃ ශ්රුතෝ වා න මයා කදාපි ॥ 4॥

ධනං ච මානං ච තථේංද්රියාණි
ප්රාණාංශ්ච හෘත්වා මම සර්වමේව ।
පලායසේ කුත්ර ධෘතෝऽද්ය චෞර
ත්වං භක්තිදාම්නාසි මයා නිරුද්ධඃ ॥ 5॥

ඡිනත්සි ඝෝරං යමපාශබංධං
භිනත්සි භීමං භවපාශබංධම් ।
ඡිනත්සි සර්වස්ය සමස්තබංධං
නෛවාත්මනෝ භක්තකෘතං තු බංධම් ॥ 6॥

මන්මානසේ තාමසරාශිඝෝරේ
කාරාගෘහේ දුඃඛමයේ නිබද්ධඃ ।
ලභස්ව හේ චෞර! හරේ! චිරාය
ස්වචෞර්යදෝෂෝචිතමේව දංඩම් ॥ 7॥

කාරාගෘහේ වස සදා හෘදයේ මදීයේ
මද්භක්තිපාශදෘඪබංධනනිශ්චලඃ සන් ।
ත්වාං කෘෂ්ණ හේ! ප්රලයකෝටිශතාංතරේऽපි
සර්වස්වචෞර! හෘදයාන් න හි මෝචයාමි ॥ 8॥

ඉති ශ්රීබිල්වමංගලඨාකූරවිරචිතං චෞරාෂ්ටකං සංපූර්ණම් ।

චෞරග්රගණ්ය පුරුෂාෂ්ටකම් ।

chaurashtakam sri chauragraganya purushashtakam in sinhala