ચૌરાષ્ટકમ્ (શ્રી ચૌરાગ્રગણ્ય પુરુષાષ્ટકમ્)

chaurashtakam sri chauragraganya purushashtakam in gujarati

વ્રજે પ્રસિદ્ધં નવનીતચૌરં
ગોપાંગનાનાં ચ દુકૂલચૌરમ્ ।
અનેકજન્માર્જિતપાપચૌરં
ચૌરાગ્રગણ્યં પુરુષં નમામિ ॥ 1॥

શ્રીરાધિકાયા હૃદયસ્ય ચૌરં
નવાંબુદશ્યામલકાંતિચૌરમ્ ।
પદાશ્રિતાનાં ચ સમસ્તચૌરં
ચૌરાગ્રગણ્યં પુરુષં નમામિ ॥ 2॥

અકિંચનીકૃત્ય પદાશ્રિતં યઃ
કરોતિ ભિક્ષું પથિ ગેહહીનમ્ ।
કેનાપ્યહો ભીષણચૌર ઈદૃગ્-
દૃષ્ટઃશ્રુતો વા ન જગત્ત્રયેઽપિ ॥ 3॥

યદીય નામાપિ હરત્યશેષં
ગિરિપ્રસારાન્ અપિ પાપરાશીન્ ।
આશ્ચર્યરૂપો નનુ ચૌર ઈદૃગ્
દૃષ્ટઃ શ્રુતો વા ન મયા કદાપિ ॥ 4॥

ધનં ચ માનં ચ તથેંદ્રિયાણિ
પ્રાણાંશ્ચ હૃત્વા મમ સર્વમેવ ।
પલાયસે કુત્ર ધૃતોઽદ્ય ચૌર
ત્વં ભક્તિદામ્નાસિ મયા નિરુદ્ધઃ ॥ 5॥

છિનત્સિ ઘોરં યમપાશબંધં
ભિનત્સિ ભીમં ભવપાશબંધમ્ ।
છિનત્સિ સર્વસ્ય સમસ્તબંધં
નૈવાત્મનો ભક્તકૃતં તુ બંધમ્ ॥ 6॥

મન્માનસે તામસરાશિઘોરે
કારાગૃહે દુઃખમયે નિબદ્ધઃ ।
લભસ્વ હે ચૌર! હરે! ચિરાય
સ્વચૌર્યદોષોચિતમેવ દંડમ્ ॥ 7॥

કારાગૃહે વસ સદા હૃદયે મદીયે
મદ્ભક્તિપાશદૃઢબંધનનિશ્ચલઃ સન્ ।
ત્વાં કૃષ્ણ હે! પ્રલયકોટિશતાંતરેઽપિ
સર્વસ્વચૌર! હૃદયાન્ ન હિ મોચયામિ ॥ 8॥

ઇતિ શ્રીબિલ્વમંગલઠાકૂરવિરચિતં ચૌરાષ્ટકં સંપૂર્ણમ્ ।

ચૌરગ્રગણ્ય પુરુષાષ્ટકમ્ ।

chaurashtakam sri chauragraganya purushashtakam in gujarati