ଚୌରାଷ୍ଟକମ୍ (ଶ୍ରୀ ଚୌରାଗ୍ରଗଣ୍ୟ ପୁରୁଷାଷ୍ଟକମ୍)

chaurashtakam sri chauragraganya purushashtakam in odia

ଵ୍ରଜେ ପ୍ରସିଦ୍ଧଂ ନଵନୀତଚୌରଂ
ଗୋପାଂଗନାନାଂ ଚ ଦୁକୂଲଚୌରମ୍ ।
ଅନେକଜନ୍ମାର୍ଜିତପାପଚୌରଂ
ଚୌରାଗ୍ରଗଣ୍ୟଂ ପୁରୁଷଂ ନମାମି ॥ 1॥

ଶ୍ରୀରାଧିକାୟା ହୃଦୟସ୍ୟ ଚୌରଂ
ନଵାଂବୁଦଶ୍ୟାମଲକାଂତିଚୌରମ୍ ।
ପଦାଶ୍ରିତାନାଂ ଚ ସମସ୍ତଚୌରଂ
ଚୌରାଗ୍ରଗଣ୍ୟଂ ପୁରୁଷଂ ନମାମି ॥ 2॥

ଅକିଂଚନୀକୃତ୍ୟ ପଦାଶ୍ରିତଂ ୟଃ
କରୋତି ଭିକ୍ଷୁଂ ପଥି ଗେହହୀନମ୍ ।
କେନାପ୍ୟହୋ ଭୀଷଣଚୌର ଈଦୃଗ୍-
ଦୃଷ୍ଟଃଶ୍ରୁତୋ ଵା ନ ଜଗତ୍ତ୍ରୟେଽପି ॥ 3॥

ୟଦୀୟ ନାମାପି ହରତ୍ୟଶେଷଂ
ଗିରିପ୍ରସାରାନ୍ ଅପି ପାପରାଶୀନ୍ ।
ଆଶ୍ଚର୍ୟରୂପୋ ନନୁ ଚୌର ଈଦୃଗ୍
ଦୃଷ୍ଟଃ ଶ୍ରୁତୋ ଵା ନ ମୟା କଦାପି ॥ 4॥

ଧନଂ ଚ ମାନଂ ଚ ତଥେଂଦ୍ରିୟାଣି
ପ୍ରାଣାଂଶ୍ଚ ହୃତ୍ଵା ମମ ସର୍ଵମେଵ ।
ପଲାୟସେ କୁତ୍ର ଧୃତୋଽଦ୍ୟ ଚୌର
ତ୍ଵଂ ଭକ୍ତିଦାମ୍ନାସି ମୟା ନିରୁଦ୍ଧଃ ॥ 5॥

ଛିନତ୍ସି ଘୋରଂ ୟମପାଶବଂଧଂ
ଭିନତ୍ସି ଭୀମଂ ଭଵପାଶବଂଧମ୍ ।
ଛିନତ୍ସି ସର୍ଵସ୍ୟ ସମସ୍ତବଂଧଂ
ନୈଵାତ୍ମନୋ ଭକ୍ତକୃତଂ ତୁ ବଂଧମ୍ ॥ 6॥

ମନ୍ମାନସେ ତାମସରାଶିଘୋରେ
କାରାଗୃହେ ଦୁଃଖମୟେ ନିବଦ୍ଧଃ ।
ଲଭସ୍ଵ ହେ ଚୌର! ହରେ! ଚିରାୟ
ସ୍ଵଚୌର୍ୟଦୋଷୋଚିତମେଵ ଦଂଡମ୍ ॥ 7॥

କାରାଗୃହେ ଵସ ସଦା ହୃଦୟେ ମଦୀୟେ
ମଦ୍ଭକ୍ତିପାଶଦୃଢବଂଧନନିଶ୍ଚଲଃ ସନ୍ ।
ତ୍ଵାଂ କୃଷ୍ଣ ହେ! ପ୍ରଲୟକୋଟିଶତାଂତରେଽପି
ସର୍ଵସ୍ଵଚୌର! ହୃଦୟାନ୍ ନ ହି ମୋଚୟାମି ॥ 8॥

ଇତି ଶ୍ରୀବିଲ୍ଵମଂଗଲଠାକୂରଵିରଚିତଂ ଚୌରାଷ୍ଟକଂ ସଂପୂର୍ଣମ୍ ।

ଚୌରଗ୍ରଗଣ୍ୟ ପୁରୁଷାଷ୍ଟକମ୍ ।

chaurashtakam sri chauragraganya purushashtakam in odia