භවානී භුජංග ප්රයාත ස්තෝත්රං

bhavani bhujanga prayata stotram in sinhala

ෂඩාධාරපංකේරුහාංතර්විරාජ-
-ත්සුෂුම්නාංතරාලේऽතිතේජෝල්ලසංතීම් ।
සුධාමංඩලං ද්රාවයංතීං පිබංතීං
සුධාමූර්තිමීඩේ චිදානංදරූපාම් ॥ 1 ॥

ජ්වලත්කෝටිබාලාර්කභාසාරුණාංගීං
සුලාවණ්යශෘංගාරශෝභාභිරාමාම් ।
මහාපද්මකිංජල්කමධ්යේ විරාජ-
-ත්ත්රිකෝණේ නිෂණ්ණාං භජේ ශ්රීභවානීම් ॥ 2 ॥

ක්වණත්කිංකිණීනූපුරෝද්භාසිරත්න-
-ප්රභාලීඪලාක්ෂාර්ද්රපාදාබ්ජයුග්මම් ।
අජේශාච්යුතාද්යෛඃ සුරෛඃ සේව්යමානං
මහාදේවි මන්මූර්ධ්නි තේ භාවයාමි ॥ 3 ॥

සුශෝණාංබරාබද්ධනීවීවිරාජ-
-න්මහාරත්නකාංචීකලාපං නිතංබම් ।
ස්ඵුරද්දක්ෂිණාවර්තනාභිං ච තිස්රෝ
වලීරංබ තේ රෝමරාජිං භජේऽහම් ॥ 4 ॥

ලසද්වෘත්තමුත්තුංගමාණික්යකුංභෝ-
-පමශ්රි ස්තනද්වංද්වමංබාංබුජාක්ෂි ।
භජේ දුග්ධපූර්ණාභිරාමං තවේදං
මහාහාරදීප්තං සදා ප්රස්නුතාස්යම් ॥ 5 ॥

ශිරීෂප්රසූනෝල්ලසද්බාහුදංඩෛ-
-ර්ජ්වලද්බාණකෝදංඩපාශාංකුශෛශ්ච ।
චලත්කංකණෝදාරකේයූරභූෂෝ-
-ජ්ජ්වලද්භිර්ලසංතීං භජේ ශ්රීභවානීම් ॥ 6 ॥

ශරත්පූර්ණචංද්රප්රභාපූර්ණබිංබා-
-ධරස්මේරවක්ත්රාරවිංදාං සුශාංතාම් ।
සුරත්නාවළීහාරතාටංකශෝභාං
මහාසුප්රසන්නාං භජේ ශ්රීභවානීම් ॥ 7 ॥

සුනාසාපුටං සුංදරභ්රූලලාටං
තවෞෂ්ඨශ්රියං දානදක්ෂං කටාක්ෂම් ।
ලලාටේ ලසද්ගංධකස්තූරිභූෂං
ස්ඵුරච්ඡ්රීමුඛාංභෝජමීඩේऽහමංබ ॥ 8 ॥

චලත්කුංතලාංතර්භ්රමද්භෘංගබෘංදං
ඝනස්නිග්ධධම්මිල්ලභූෂෝජ්ජ්වලං තේ ।
ස්ඵුරන්මෞළිමාණික්යබද්ධේංදුරේඛා-
-විලාසෝල්ලසද්දිව්යමූර්ධානමීඩේ ॥ 9 ॥

ඉති ශ්රීභවානි ස්වරූපං තවේදං
ප්රපංචාත්පරං චාතිසූක්ෂ්මං ප්රසන්නම් ।
ස්ඵුරත්වංබ ඩිංභස්ය මේ හෘත්සරෝජේ
සදා වාඞ්මයං සර්වතේජෝමයං ච ॥ 10 ॥

ගණේශාභිමුඛ්යාඛිලෛඃ ශක්තිබෘංදෛ-
-ර්වෘතාං වෛ ස්ඵුරච්චක්රරාජෝල්ලසංතීම් ।
පරාං රාජරාජේශ්වරි ත්රෛපුරි ත්වාං
ශිවාංකෝපරිස්ථාං ශිවාං භාවයාමි ॥ 11 ॥

ත්වමර්කස්ත්වමිංදුස්ත්වමග්නිස්ත්වමාප-
-ස්ත්වමාකාශභූවායවස්ත්වං මහත්ත්වම් ।
ත්වදන්යෝ න කශ්චිත් ප්රපංචෝऽස්ති සර්වං
සදානංදසංවිත්ස්වරූපං භජේऽහම් ॥ 12 ॥

ශ්රුතීනාමගම්යේ සුවේදාගමජ්ඤා
මහිම්නෝ න ජානංති පාරං තවාංබ ।
ස්තුතිං කර්තුමිච්ඡාමි තේ ත්වං භවානි
ක්ෂමස්වේදමත්ර ප්රමුග්ධඃ කිලාහම් ॥ 13 ॥

ගුරුස්ත්වං ශිවස්ත්වං ච ශක්තිස්ත්වමේව
ත්වමේවාසි මාතා පිතා ච ත්වමේව ।
ත්වමේවාසි විද්යා ත්වමේවාසි බංධු-
-ර්ගතිර්මේ මතිර්දේවි සර්වං ත්වමේව ॥ 14 ॥

ශරණ්යේ වරේණ්යේ සුකාරුණ්යමූර්තේ
හිරණ්යෝදරාද්යෛරගණ්යේ සුපුණ්යේ ।
භවාරණ්යභීතේශ්ච මාං පාහි භද්රේ
නමස්තේ නමස්තේ නමස්තේ භවානි ॥ 15 ॥

ඉතීමාං මහච්ඡ්රීභවානීභුජංගං
ස්තුතිං යඃ පඨේද්භක්තියුක්තශ්ච තස්මෛ ।
ස්වකීයං පදං ශාශ්වතං වේදසාරං
ශ්රියං චාෂ්ටසිද්ධිං භවානී දදාති ॥ 16 ॥

භවානී භවානී භවානී ත්රිවාරං
උදාරං මුදා සර්වදා යේ ජපංති ।
න ශෝකං න මෝහං න පාපං න භීතිඃ
කදාචිත්කථංචිත්කුතශ්චිජ්ජනානාම් ॥ 17 ॥

॥ ඉති ශ්රීමච්ඡංකරාචාර්යවිරචිතා භවානී භුජංගං සංපූර්ණම් ॥

bhavani bhujanga prayata stotram in sinhala