ଭଵାନୀ ଭୁଜଂଗ ପ୍ରୟାତ ସ୍ତୋତ୍ରଂ

bhavani bhujanga prayata stotram in odia

ଷଡାଧାରପଂକେରୁହାଂତର୍ଵିରାଜ-
-ତ୍ସୁଷୁମ୍ନାଂତରାଲେଽତିତେଜୋଲ୍ଲସଂତୀମ୍ ।
ସୁଧାମଂଡଲଂ ଦ୍ରାଵୟଂତୀଂ ପିବଂତୀଂ
ସୁଧାମୂର୍ତିମୀଡେ ଚିଦାନଂଦରୂପାମ୍ ॥ 1 ॥

ଜ୍ଵଲତ୍କୋଟିବାଲାର୍କଭାସାରୁଣାଂଗୀଂ
ସୁଲାଵଣ୍ୟଶୃଂଗାରଶୋଭାଭିରାମାମ୍ ।
ମହାପଦ୍ମକିଂଜଲ୍କମଧ୍ୟେ ଵିରାଜ-
-ତ୍ତ୍ରିକୋଣେ ନିଷଣ୍ଣାଂ ଭଜେ ଶ୍ରୀଭଵାନୀମ୍ ॥ 2 ॥

କ୍ଵଣତ୍କିଂକିଣୀନୂପୁରୋଦ୍ଭାସିରତ୍ନ-
-ପ୍ରଭାଲୀଢଲାକ୍ଷାର୍ଦ୍ରପାଦାବ୍ଜୟୁଗ୍ମମ୍ ।
ଅଜେଶାଚ୍ୟୁତାଦ୍ୟୈଃ ସୁରୈଃ ସେଵ୍ୟମାନଂ
ମହାଦେଵି ମନ୍ମୂର୍ଧ୍ନି ତେ ଭାଵୟାମି ॥ 3 ॥

ସୁଶୋଣାଂବରାବଦ୍ଧନୀଵୀଵିରାଜ-
-ନ୍ମହାରତ୍ନକାଂଚୀକଲାପଂ ନିତଂବମ୍ ।
ସ୍ଫୁରଦ୍ଦକ୍ଷିଣାଵର୍ତନାଭିଂ ଚ ତିସ୍ରୋ
ଵଲୀରଂବ ତେ ରୋମରାଜିଂ ଭଜେଽହମ୍ ॥ 4 ॥

ଲସଦ୍ଵୃତ୍ତମୁତ୍ତୁଂଗମାଣିକ୍ୟକୁଂଭୋ-
-ପମଶ୍ରି ସ୍ତନଦ୍ଵଂଦ୍ଵମଂବାଂବୁଜାକ୍ଷି ।
ଭଜେ ଦୁଗ୍ଧପୂର୍ଣାଭିରାମଂ ତଵେଦଂ
ମହାହାରଦୀପ୍ତଂ ସଦା ପ୍ରସ୍ନୁତାସ୍ୟମ୍ ॥ 5 ॥

ଶିରୀଷପ୍ରସୂନୋଲ୍ଲସଦ୍ବାହୁଦଂଡୈ-
-ର୍ଜ୍ଵଲଦ୍ବାଣକୋଦଂଡପାଶାଂକୁଶୈଶ୍ଚ ।
ଚଲତ୍କଂକଣୋଦାରକେୟୂରଭୂଷୋ-
-ଜ୍ଜ୍ଵଲଦ୍ଭିର୍ଲସଂତୀଂ ଭଜେ ଶ୍ରୀଭଵାନୀମ୍ ॥ 6 ॥

ଶରତ୍ପୂର୍ଣଚଂଦ୍ରପ୍ରଭାପୂର୍ଣବିଂବା-
-ଧରସ୍ମେରଵକ୍ତ୍ରାରଵିଂଦାଂ ସୁଶାଂତାମ୍ ।
ସୁରତ୍ନାଵଳୀହାରତାଟଂକଶୋଭାଂ
ମହାସୁପ୍ରସନ୍ନାଂ ଭଜେ ଶ୍ରୀଭଵାନୀମ୍ ॥ 7 ॥

ସୁନାସାପୁଟଂ ସୁଂଦରଭ୍ରୂଲଲାଟଂ
ତଵୌଷ୍ଠଶ୍ରିୟଂ ଦାନଦକ୍ଷଂ କଟାକ୍ଷମ୍ ।
ଲଲାଟେ ଲସଦ୍ଗଂଧକସ୍ତୂରିଭୂଷଂ
ସ୍ଫୁରଚ୍ଛ୍ରୀମୁଖାଂଭୋଜମୀଡେଽହମଂବ ॥ 8 ॥

ଚଲତ୍କୁଂତଲାଂତର୍ଭ୍ରମଦ୍ଭୃଂଗବୃଂଦଂ
ଘନସ୍ନିଗ୍ଧଧମ୍ମିଲ୍ଲଭୂଷୋଜ୍ଜ୍ଵଲଂ ତେ ।
ସ୍ଫୁରନ୍ମୌଳିମାଣିକ୍ୟବଦ୍ଧେଂଦୁରେଖା-
-ଵିଲାସୋଲ୍ଲସଦ୍ଦିଵ୍ୟମୂର୍ଧାନମୀଡେ ॥ 9 ॥

ଇତି ଶ୍ରୀଭଵାନି ସ୍ଵରୂପଂ ତଵେଦଂ
ପ୍ରପଂଚାତ୍ପରଂ ଚାତିସୂକ୍ଷ୍ମଂ ପ୍ରସନ୍ନମ୍ ।
ସ୍ଫୁରତ୍ଵଂବ ଡିଂଭସ୍ୟ ମେ ହୃତ୍ସରୋଜେ
ସଦା ଵାଙ୍ମୟଂ ସର୍ଵତେଜୋମୟଂ ଚ ॥ 10 ॥

ଗଣେଶାଭିମୁଖ୍ୟାଖିଲୈଃ ଶକ୍ତିବୃଂଦୈ-
-ର୍ଵୃତାଂ ଵୈ ସ୍ଫୁରଚ୍ଚକ୍ରରାଜୋଲ୍ଲସଂତୀମ୍ ।
ପରାଂ ରାଜରାଜେଶ୍ଵରି ତ୍ରୈପୁରି ତ୍ଵାଂ
ଶିଵାଂକୋପରିସ୍ଥାଂ ଶିଵାଂ ଭାଵୟାମି ॥ 11 ॥

ତ୍ଵମର୍କସ୍ତ୍ଵମିଂଦୁସ୍ତ୍ଵମଗ୍ନିସ୍ତ୍ଵମାପ-
-ସ୍ତ୍ଵମାକାଶଭୂଵାୟଵସ୍ତ୍ଵଂ ମହତ୍ତ୍ଵମ୍ ।
ତ୍ଵଦନ୍ୟୋ ନ କଶ୍ଚିତ୍ ପ୍ରପଂଚୋଽସ୍ତି ସର୍ଵଂ
ସଦାନଂଦସଂଵିତ୍ସ୍ଵରୂପଂ ଭଜେଽହମ୍ ॥ 12 ॥

ଶ୍ରୁତୀନାମଗମ୍ୟେ ସୁଵେଦାଗମଜ୍ଞା
ମହିମ୍ନୋ ନ ଜାନଂତି ପାରଂ ତଵାଂବ ।
ସ୍ତୁତିଂ କର୍ତୁମିଚ୍ଛାମି ତେ ତ୍ଵଂ ଭଵାନି
କ୍ଷମସ୍ଵେଦମତ୍ର ପ୍ରମୁଗ୍ଧଃ କିଲାହମ୍ ॥ 13 ॥

ଗୁରୁସ୍ତ୍ଵଂ ଶିଵସ୍ତ୍ଵଂ ଚ ଶକ୍ତିସ୍ତ୍ଵମେଵ
ତ୍ଵମେଵାସି ମାତା ପିତା ଚ ତ୍ଵମେଵ ।
ତ୍ଵମେଵାସି ଵିଦ୍ୟା ତ୍ଵମେଵାସି ବଂଧୁ-
-ର୍ଗତିର୍ମେ ମତିର୍ଦେଵି ସର୍ଵଂ ତ୍ଵମେଵ ॥ 14 ॥

ଶରଣ୍ୟେ ଵରେଣ୍ୟେ ସୁକାରୁଣ୍ୟମୂର୍ତେ
ହିରଣ୍ୟୋଦରାଦ୍ୟୈରଗଣ୍ୟେ ସୁପୁଣ୍ୟେ ।
ଭଵାରଣ୍ୟଭୀତେଶ୍ଚ ମାଂ ପାହି ଭଦ୍ରେ
ନମସ୍ତେ ନମସ୍ତେ ନମସ୍ତେ ଭଵାନି ॥ 15 ॥

ଇତୀମାଂ ମହଚ୍ଛ୍ରୀଭଵାନୀଭୁଜଂଗଂ
ସ୍ତୁତିଂ ୟଃ ପଠେଦ୍ଭକ୍ତିୟୁକ୍ତଶ୍ଚ ତସ୍ମୈ ।
ସ୍ଵକୀୟଂ ପଦଂ ଶାଶ୍ଵତଂ ଵେଦସାରଂ
ଶ୍ରିୟଂ ଚାଷ୍ଟସିଦ୍ଧିଂ ଭଵାନୀ ଦଦାତି ॥ 16 ॥

ଭଵାନୀ ଭଵାନୀ ଭଵାନୀ ତ୍ରିଵାରଂ
ଉଦାରଂ ମୁଦା ସର୍ଵଦା ୟେ ଜପଂତି ।
ନ ଶୋକଂ ନ ମୋହଂ ନ ପାପଂ ନ ଭୀତିଃ
କଦାଚିତ୍କଥଂଚିତ୍କୁତଶ୍ଚିଜ୍ଜନାନାମ୍ ॥ 17 ॥

॥ ଇତି ଶ୍ରୀମଚ୍ଛଂକରାଚାର୍ୟଵିରଚିତା ଭଵାନୀ ଭୁଜଂଗଂ ସଂପୂର୍ଣମ୍ ॥

bhavani bhujanga prayata stotram in odia