ශ්රීමද්භගවද්ගීතා පාරායණ – ගීතා සාරම්

bhagavadgita parayana gita saram in sinhala

පල්ලවි (කීරවාණි)
ගීතාසාරං ශෘණුත සදා
මනසි විකාසං වහතමුදා
කාමං ක්රෝධං ත්යජත හෘදා
භූයාත් සංවිත් පරසුඛදා

චරණං
විෂාද යෝගාත් පාර්ථේන
භණිතං කිංචින්මෝහ ධියා
තං සංදිග්ධං මෝචයිතුං
ගීතාශාස්ත්රං ගීතමිදං ॥ 1 ॥

සාංඛ්යං ජ්ඤානං ජානීහි
ශරණාගති පථ මවාප්නුහි
ආත්ම නිත්ය ස්සර්වගතෝ
නෛනං කිංචිත් ක්ලේදයති ॥ 2 ॥

(මෝහන)
ඵලේෂු සක්තිං මෛව කුරු
කාර්යං කර්ම තු සමාචර
කර්මාබද්ධඃ පරමේති
කර්මණි සංගඃ පාතයති ॥ 3 ॥

කර්මාකර්ම විකර්මත්වං
චිංතය චාත්මනි කර්මගතිං
නාස්ති ජ්ඤානසමං ලෝකේ
ත්යජ චාහංකෘති මිහ දේහේ ॥ 4 ॥

(කාපි)
වහ සමබුද්ධිං සර්වත්ර
භව සමදර්ශී ත්වං හි සඛේ
යෝනනුරක්තෝ න ද්වේෂ්ටි
යෝගී යෝගං ජානාති ॥ 5 ॥

මිත්රං තව තේ ශත්රුරපි
ත්වමේව නාන්යෝ ජංතුරයි!
යුක්තස්ත්වං භව චේෂ්ටාසු
ආහාරාදිෂු විවිධාසු ॥ 6 ॥

(කල්යාණි)
අනාත්මරූපා මෂ්ටවිධාං
ප්රකෘති මවිද්යාං ජානීහි
ජීව ස්සෛව හි පරමාත්මා
යස්මින් ප්රෝතං සර්වමිදං ॥ 7 ॥

අක්ෂර පර වර පුරුෂං තං
ධ්යායන් ප්රේතෝ යාති පරං
තත ස්තමේව ධ්යායන් ත්වං
කාලං යාපය නශ්යංතං ॥ 8 ॥

(හිංදෝළ)
සර්වං බ්රහ්මාර්පණ බුද්ධ්යා
කර්ම ක්රියතාං සමබුද්ධ්යා
භක්ත්යා දත්තං පත්රමපි
ඵලමපි තේන ස්වීක්රියතේ ॥ 9 ॥

යත්ර විභූති ශ්ශ්රී යුක්තා
යත්ර විභූති ස්සත්ත්වයුතා
තත්ර තමීශං පශ්යංතං
නේර්ෂ්යා ද්වේෂෞ සජ්ජේතේ ॥ 10 ॥

(අමෘතවර්ෂිණි)
කාලස්තස්ය මහාන් රූපෝ
ලෝකාන් සර්වාන් සංග්රසති
භක්ත්යා භගවද්රූපං තං
ප්රභවති ලෝක ස්සංද්රෂ්ටුං ॥ 11 ॥

භක්ති ස්තස්මින් රතිරූපා
සෛව හි භක්තෝද්ධරණචණා
භාවං තස්යා මාධාය
බුද්ධිං තස්මි න්නිවේශය ॥ 12 ॥

(චාරුකේශි)
ක්ෂේත්රං තද්‍ජ්ඤං ජානීහි
ක්ෂේත්රේ මමතාං මා කුරු ච
ආත්මානං යෝ ජානාති
ආත්මනි සෝයං නනු රමතේ ॥ 13 ॥

සාත්ත්වික රාජස තාමසිකා
බංධන හේතව අථවර්ජ්යඃ
ත්රයං ගුණානාං යෝතීත-
ස්සෛව බ්රාහ්මං සුඛමේති ॥ 14 ॥

(හංසානංදි)
ඡිත්වා සාංසාරිකවෘක්ෂං
පදං ගවේෂය මුනිලක්ෂ්යං
තත්කිල සර්වං තේජෝ යත්
වේදෛ ස්සර්වෛ ස්සංවේද්යං ॥ 15 ॥

සෘෂ්ටි ර්දෛවී චාසුරිකා
ද්විවිධා ප්රෝක්තා ලෝකේස්මින්
දෛවේ සක්තා යාංති පරං
ආසුරසක්තා අසුරගතිං ॥ 16 ॥

(ශ්රී)
නිෂ්ඨා යජ්ඤේ දානේ ච
තපසි ප්රෝක්තා සදිති පරා
සත්කිල සඵලං සශ්රද්ධං
තත්කිල නිෂ්ඵල මශ්රද්ධං ॥ 17 ॥

ධර්මාන් සර්වාන් ත්යක්ත්වා ත්වං
ශරණං ව්රජ පර-මාත්මානං
මෝක්ෂං ප්රාප්ස්යසි සත්යං ත්වං
සංතත සච්චිදානංද ඝනං ॥ 18 ॥

bhagavadgita parayana gita saram in sinhala