শ্রীমদ্ভগবদ্গীতা পারাযণ – গীতা সারম্

bhagavadgita parayana gita saram in assamese

পল্লবি (কীরবাণি)
গীতাসারং শৃণুত সদা
মনসি বিকাসং বহতমুদা
কামং ক্রোধং ত্যজত হৃদা
ভূযাত্ সংবিত্ পরসুখদা

চরণং
বিষাদ যোগাত্ পার্থেন
ভণিতং কিংচিন্মোহ ধিযা
তং সংদিগ্ধং মোচযিতুং
গীতাশাস্ত্রং গীতমিদং ॥ 1 ॥

সাংখ্যং জ্ঞানং জানীহি
শরণাগতি পথ মবাপ্নুহি
আত্ম নিত্য স্সর্বগতো
নৈনং কিংচিত্ ক্লেদযতি ॥ 2 ॥

(মোহন)
ফলেষু সক্তিং মৈব কুরু
কার্যং কর্ম তু সমাচর
কর্মাবদ্ধঃ পরমেতি
কর্মণি সংগঃ পাতযতি ॥ 3 ॥

কর্মাকর্ম বিকর্মত্বং
চিংতয চাত্মনি কর্মগতিং
নাস্তি জ্ঞানসমং লোকে
ত্যজ চাহংকৃতি মিহ দেহে ॥ 4 ॥

(কাপি)
বহ সমবুদ্ধিং সর্বত্র
ভব সমদর্শী ত্বং হি সখে
যোননুরক্তো ন দ্বেষ্টি
যোগী যোগং জানাতি ॥ 5 ॥

মিত্রং তব তে শত্রুরপি
ত্বমেব নান্যো জংতুরযি!
যুক্তস্ত্বং ভব চেষ্টাসু
আহারাদিষু বিবিধাসু ॥ 6 ॥

(কল্যাণি)
অনাত্মরূপা মষ্টবিধাং
প্রকৃতি মবিদ্যাং জানীহি
জীব স্সৈব হি পরমাত্মা
যস্মিন্ প্রোতং সর্বমিদং ॥ 7 ॥

অক্ষর পর বর পুরুষং তং
ধ্যাযন্ প্রেতো যাতি পরং
তত স্তমেব ধ্যাযন্ ত্বং
কালং যাপয নশ্যংতং ॥ 8 ॥

(হিংদোল)
সর্বং ব্রহ্মার্পণ বুদ্ধ্যা
কর্ম ক্রিযতাং সমবুদ্ধ্যা
ভক্ত্যা দত্তং পত্রমপি
ফলমপি তেন স্বীক্রিযতে ॥ 9 ॥

যত্র বিভূতি শ্শ্রী যুক্তা
যত্র বিভূতি স্সত্ত্বযুতা
তত্র তমীশং পশ্যংতং
নের্ষ্যা দ্বেষৌ সজ্জেতে ॥ 10 ॥

(অমৃতবর্ষিণি)
কালস্তস্য মহান্ রূপো
লোকান্ সর্বান্ সংগ্রসতি
ভক্ত্যা ভগবদ্রূপং তং
প্রভবতি লোক স্সংদ্রষ্টুং ॥ 11 ॥

ভক্তি স্তস্মিন্ রতিরূপা
সৈব হি ভক্তোদ্ধরণচণা
ভাবং তস্যা মাধায
বুদ্ধিং তস্মি ন্নিবেশয ॥ 12 ॥

(চারুকেশি)
ক্ষেত্রং তদ্‍জ্ঞং জানীহি
ক্ষেত্রে মমতাং মা কুরু চ
আত্মানং যো জানাতি
আত্মনি সোযং ননু রমতে ॥ 13 ॥

সাত্ত্বিক রাজস তামসিকা
বংধন হেতব অথবর্জ্যঃ
ত্রযং গুণানাং যোতীত-
স্সৈব ব্রাহ্মং সুখমেতি ॥ 14 ॥

(হংসানংদি)
ছিত্বা সাংসারিকবৃক্ষং
পদং গবেষয মুনিলক্ষ্যং
তত্কিল সর্বং তেজো যত্
বেদৈ স্সর্বৈ স্সংবেদ্যং ॥ 15 ॥

সৃষ্টি র্দৈবী চাসুরিকা
দ্বিবিধা প্রোক্তা লোকেস্মিন্
দৈবে সক্তা যাংতি পরং
আসুরসক্তা অসুরগতিং ॥ 16 ॥

(শ্রী)
নিষ্ঠা যজ্ঞে দানে চ
তপসি প্রোক্তা সদিতি পরা
সত্কিল সফলং সশ্রদ্ধং
তত্কিল নিষ্ফল মশ্রদ্ধং ॥ 17 ॥

ধর্মান্ সর্বান্ ত্যক্ত্বা ত্বং
শরণং ব্রজ পর-মাত্মানং
মোক্ষং প্রাপ্স্যসি সত্যং ত্বং
সংতত সচ্চিদানংদ ঘনং ॥ 18 ॥

bhagavadgita parayana gita saram in assamese