අෂ්ටාවක්ර ගීතා ත්රයෝදශෝऽධ්යායඃ

ashtavakra gita chapter 13 in sinhala

ජනක උවාච ॥

අකිංචනභවං ස්වාස්ථ්යං කෞපීනත්වේऽපි දුර්ලභම් ।
ත්යාගාදානේ විහායාස්මාදහමාසේ යථාසුඛම් ॥ 13-1॥

කුත්රාපි ඛේදඃ කායස්ය ජිහ්වා කුත්රාපි ඛිද්යතේ ।
මනඃ කුත්රාපි තත්ත්යක්ත්වා පුරුෂාර්ථේ ස්ථිතඃ සුඛම් ॥ 13-2॥

කෘතං කිමපි නෛව ස්යාද් ඉති සංචිංත්ය තත්ත්වතඃ ।
යදා යත්කර්තුමායාති තත් කෘත්වාසේ යථාසුඛම් ॥ 13-3॥

කර්මනෛෂ්කර්ම්යනිර්බංධභාවා දේහස්ථයෝගිනඃ ।
සංයෝගායෝගවිරහාදහමාසේ යථාසුඛම් ॥ 13-4॥

අර්ථානර්ථෞ න මේ ස්ථිත්යා ගත්යා න ශයනේන වා ।
තිෂ්ඨන් ගච්ඡන් ස්වපන් තස්මාදහමාසේ යථාසුඛම් ॥ 13-5॥

ස්වපතෝ නාස්ති මේ හානිඃ සිද්ධිර්යත්නවතෝ න වා ।
නාශෝල්ලාසෞ විහායාස්මාදහමාසේ යථාසුඛම් ॥ 13-6॥

සුඛාදිරූපා නියමං භාවේෂ්වාලෝක්ය භූරිශඃ ।
ශුභාශුභේ විහායාස්මාදහමාසේ යථාසුඛම් ॥ 13-7॥

ashtavakra gita chapter 13 in sinhala