ଅଷ୍ଟାଵକ୍ର ଗୀତା ତ୍ରୟୋଦଶୋଽଧ୍ୟାୟଃ

ashtavakra gita chapter 13 in odia

ଜନକ ଉଵାଚ ॥

ଅକିଂଚନଭଵଂ ସ୍ଵାସ୍ଥ୍ୟଂ କୌପୀନତ୍ଵେଽପି ଦୁର୍ଲଭମ୍ ।
ତ୍ୟାଗାଦାନେ ଵିହାୟାସ୍ମାଦହମାସେ ୟଥାସୁଖମ୍ ॥ 13-1॥

କୁତ୍ରାପି ଖେଦଃ କାୟସ୍ୟ ଜିହ୍ଵା କୁତ୍ରାପି ଖିଦ୍ୟତେ ।
ମନଃ କୁତ୍ରାପି ତତ୍ତ୍ୟକ୍ତ୍ଵା ପୁରୁଷାର୍ଥେ ସ୍ଥିତଃ ସୁଖମ୍ ॥ 13-2॥

କୃତଂ କିମପି ନୈଵ ସ୍ୟାଦ୍ ଇତି ସଂଚିଂତ୍ୟ ତତ୍ତ୍ଵତଃ ।
ୟଦା ୟତ୍କର୍ତୁମାୟାତି ତତ୍ କୃତ୍ଵାସେ ୟଥାସୁଖମ୍ ॥ 13-3॥

କର୍ମନୈଷ୍କର୍ମ୍ୟନିର୍ବଂଧଭାଵା ଦେହସ୍ଥୟୋଗିନଃ ।
ସଂୟୋଗାୟୋଗଵିରହାଦହମାସେ ୟଥାସୁଖମ୍ ॥ 13-4॥

ଅର୍ଥାନର୍ଥୌ ନ ମେ ସ୍ଥିତ୍ୟା ଗତ୍ୟା ନ ଶୟନେନ ଵା ।
ତିଷ୍ଠନ୍ ଗଚ୍ଛନ୍ ସ୍ଵପନ୍ ତସ୍ମାଦହମାସେ ୟଥାସୁଖମ୍ ॥ 13-5॥

ସ୍ଵପତୋ ନାସ୍ତି ମେ ହାନିଃ ସିଦ୍ଧିର୍ୟତ୍ନଵତୋ ନ ଵା ।
ନାଶୋଲ୍ଲାସୌ ଵିହାୟାସ୍ମାଦହମାସେ ୟଥାସୁଖମ୍ ॥ 13-6॥

ସୁଖାଦିରୂପା ନିୟମଂ ଭାଵେଷ୍ଵାଲୋକ୍ୟ ଭୂରିଶଃ ।
ଶୁଭାଶୁଭେ ଵିହାୟାସ୍ମାଦହମାସେ ୟଥାସୁଖମ୍ ॥ 13-7॥

ashtavakra gita chapter 13 in odia