অষ্টাবক্র গীতা ত্রয়োদশোঽধ্য়ায়ঃ

ashtavakra gita chapter 13 in bengali

জনক উবাচ ॥

অকিংচনভবং স্বাস্থ্য়ং কৌপীনত্বেঽপি দুর্লভম্ ।
ত্য়াগাদানে বিহায়াস্মাদহমাসে যথাসুখম্ ॥ 13-1॥

কুত্রাপি খেদঃ কাযস্য় জিহ্বা কুত্রাপি খিদ্যতে ।
মনঃ কুত্রাপি তত্ত্যক্ত্বা পুরুষার্থে স্থিতঃ সুখম্ ॥ 13-2॥

কৃতং কিমপি নৈব স্য়াদ্ ইতি সংচিংত্য় তত্ত্বতঃ ।
যদা যত্কর্তুমায়াতি তত্ কৃত্বাসে যথাসুখম্ ॥ 13-3॥

কর্মনৈষ্কর্ম্যনির্বংধভাবা দেহস্থয়োগিনঃ ।
সংয়োগায়োগবিরহাদহমাসে যথাসুখম্ ॥ 13-4॥

অর্থানর্থৌ ন মে স্থিত্য়া গত্য়া ন শযনেন বা ।
তিষ্ঠন্ গচ্ছন্ স্বপন্ তস্মাদহমাসে যথাসুখম্ ॥ 13-5॥

স্বপতো নাস্তি মে হানিঃ সিদ্ধির্যত্নবতো ন বা ।
নাশোল্লাসৌ বিহায়াস্মাদহমাসে যথাসুখম্ ॥ 13-6॥

সুখাদিরূপা নিযমং ভাবেষ্বালোক্য় ভূরিশঃ ।
শুভাশুভে বিহায়াস্মাদহমাসে যথাসুখম্ ॥ 13-7॥

ashtavakra gita chapter 13 in bengali