ସୁବ୍ରହ୍ମଣ୍ୟ ଭୁଜଂଗ ପ୍ରୟାତ ସ୍ତୋତ୍ରମ୍

subrahmanya bhujanga prayata stotram in odia

ଭଜେଽହଂ କୁମାରଂ ଭଵାନୀକୁମାରଂ
ଗଲୋଲ୍ଲାସିହାରଂ ନମତ୍ସଦ୍ଵିହାରମ୍ ।
ରିପୁସ୍ତୋମପାରଂ ନୃସିଂହାଵତାରଂ
ସଦାନିର୍ଵିକାରଂ ଗୁହଂ ନିର୍ଵିଚାରମ୍ ॥ 1 ॥

ନମାମୀଶପୁତ୍ରଂ ଜପାଶୋଣଗାତ୍ରଂ
ସୁରାରାତିଶତ୍ରୁଂ ରଵୀଂଦ୍ଵଗ୍ନିନେତ୍ରମ୍ ।
ମହାବର୍ହିପତ୍ରଂ ଶିଵାସ୍ୟାବ୍ଜମିତ୍ରଂ
ପ୍ରଭାସ୍ଵତ୍କଳତ୍ରଂ ପୁରାଣଂ ପଵିତ୍ରମ୍ ॥ 2 ॥

ଅନେକାର୍କକୋଟି-ପ୍ରଭାଵଜ୍ଜ୍ଵଲଂ ତଂ
ମନୋହାରି ମାଣିକ୍ୟ ଭୂଷୋଜ୍ଜ୍ଵଲଂ ତମ୍ ।
ଶ୍ରିତାନାମଭୀଷ୍ଟଂ ନିଶାଂତଂ ନିତାଂତଂ
ଭଜେ ଷଣ୍ମୁଖଂ ତଂ ଶରଚ୍ଚଂଦ୍ରକାଂତମ୍ ॥ 3 ॥

କୃପାଵାରି କଲ୍ଲୋଲଭାସ୍ଵତ୍କଟାକ୍ଷଂ
ଵିରାଜନ୍ମନୋହାରି ଶୋଣାଂବୁଜାକ୍ଷମ୍ ।
ପ୍ରୟୋଗପ୍ରଦାନପ୍ରଵାହୈକଦକ୍ଷଂ
ଭଜେ କାଂତିକାଂତଂ ପରସ୍ତୋମରକ୍ଷମ୍ ॥ 4 ॥

ସୁକସ୍ତୂରିସିଂଦୂରଭାସ୍ଵଲ୍ଲଲାଟଂ
ଦୟାପୂର୍ଣଚିତ୍ତଂ ମହାଦେଵପୁତ୍ରମ୍ ।
ରଵୀଂଦୂଲ୍ଲସଦ୍ରତ୍ନରାଜତ୍କିରୀଟଂ
ଭଜେ କ୍ରୀଡିତାକାଶ ଗଂଗାଦ୍ରିକୂଟମ୍ ॥ 5 ॥

ସୁକୁଂଦପ୍ରସୂନାଵଳୀଶୋଭିତାଂଗଂ
ଶରତ୍ପୂର୍ଣଚଂଦ୍ରପ୍ରଭାକାଂତିକାଂତମ୍ ।
ଶିରୀଷପ୍ରସୂନାଭିରାମଂ ଭଵଂତଂ
ଭଜେ ଦେଵସେନାପତିଂ ଵଲ୍ଲଭଂ ତମ୍ ॥ 6 ॥

ସୁଲାଵଣ୍ୟସତ୍ସୂର୍ୟକୋଟିପ୍ରତୀକଂ
ପ୍ରଭୁଂ ତାରକାରିଂ ଦ୍ଵିଷଡ୍ବାହୁମୀଶମ୍ ।
ନିଜାଂକପ୍ରଭାଦିଵ୍ୟମାନାପଦୀଶଂ
ଭଜେ ପାର୍ଵତୀପ୍ରାଣପୁତ୍ରଂ ସୁକେଶମ୍ ॥ 7 ॥

ଅଜଂ ସର୍ଵଲୋକପ୍ରିୟଂ ଲୋକନାଥଂ
ଗୁହଂ ଶୂରପଦ୍ମାଦିଦଂଭୋଳିଧାରମ୍ ।
ସୁଚାରୁଂ ସୁନାସାପୁଟଂ ସଚ୍ଚରିତ୍ରଂ
ଭଜେ କାର୍ତିକେୟଂ ସଦା ବାହୁଲେୟମ୍ ॥ 8 ॥

ଶରାରଣ୍ୟସଂଭୂତମିଂଦ୍ରାଦିଵଂଦ୍ୟଂ
ଦ୍ଵିଷଡ୍ବାହୁସଂଖ୍ୟାୟୁଧଶ୍ରେଣିରମ୍ୟମ୍ ।
ମରୁତ୍ସାରଥିଂ କୁକ୍କୁଟେଶଂ ସୁକେତୁଂ
ଭଜେ ୟୋଗିହୃତ୍ପଦ୍ମମଧ୍ୟାଧିଵାସମ୍ ॥ 9 ॥

ଵିରିଂଚୀଂଦ୍ରଵଲ୍ଲୀଶ ଦେଵେଶମୁଖ୍ୟଂ
ପ୍ରଶସ୍ତାମରସ୍ତୋମସଂସ୍ତୂୟମାନମ୍ ।
ଦିଶ ତ୍ଵଂ ଦୟାଳୋ ଶ୍ରିୟଂ ନିଶ୍ଚଲାଂ ମେ
ଵିନା ତ୍ଵାଂ ଗତିଃ କା ପ୍ରଭୋ ମେ ପ୍ରସୀଦ ॥ 10 ॥

ପଦାଂଭୋଜସେଵା ସମାୟାତବୃଂଦା-
ରକଶ୍ରେଣିକୋଟୀରଭାସ୍ଵଲ୍ଲଲାଟମ୍ ।
କଳତ୍ରୋଲ୍ଲସତ୍ପାର୍ଶ୍ଵୟୁଗ୍ମଂ ଵରେଣ୍ୟଂ
ଭଜେ ଦେଵମାଦ୍ୟଂତହୀନପ୍ରଭାଵମ୍ ॥ 11 ॥

ଭଵାଂଭୋଧିମଧ୍ୟେ ତରଂଗେ ପତଂତଂ
ପ୍ରଭୋ ମାଂ ସଦା ପୂର୍ଣଦୃଷ୍ଟ୍ୟା ସମୀକ୍ଷ୍ୟ ।
ଭଵଦ୍ଭକ୍ତିନାଵୋଦ୍ଧର ତ୍ଵଂ ଦୟାଳୋ
ସୁଗତ୍ୟଂତରଂ ନାସ୍ତି ଦେଵ ପ୍ରସୀଦ ॥ 12 ॥

ଗଳେ ରତ୍ନଭୂଷଂ ତନୌ ମଂଜୁଵେଷଂ
କରେ ଜ୍ଞାନଶକ୍ତିଂ ଦରସ୍ମେରମାସ୍ୟେ ।
କଟିନ୍ୟସ୍ତପାଣିଂ ଶିଖିସ୍ଥଂ କୁମାରଂ
ଭଜେଽହଂ ଗୁହାଦନ୍ୟଦେଵଂ ନ ମନ୍ୟେ ॥ 13 ॥

ଦୟାହୀନଚିତ୍ତଂ ପରଦ୍ରୋହପାତ୍ରଂ
ସଦା ପାପଶୀଲଂ ଗୁରୋର୍ଭକ୍ତିହୀନମ୍ ।
ଅନନ୍ୟାଵଲଂବଂ ଭଵନ୍ନେତ୍ରପାତ୍ରଂ
କୃପାଶୀଲ ମାଂ ଭୋ ପଵିତ୍ରଂ କୁରୁ ତ୍ଵମ୍ ॥ 14 ॥

ମହାସେନ ଗାଂଗେୟ ଵଲ୍ଲୀସହାୟ
ପ୍ରଭୋ ତାରକାରେ ଷଡାସ୍ୟାମରେଶ ।
ସଦା ପାୟସାନ୍ନପ୍ରଦାତର୍ଗୁହେତି
ସ୍ମରିଷ୍ୟାମି ଭକ୍ତ୍ୟା ସଦାହଂ ଵିଭୋ ତ୍ଵାମ୍ ॥ 15 ॥

ପ୍ରତାପସ୍ୟ ବାହୋ ନମଦ୍ଵୀରବାହୋ
ପ୍ରଭୋ କାର୍ତିକେୟେଷ୍ଟକାମପ୍ରଦେତି ।
ୟଦା ୟେ ପଠଂତେ ଭଵଂତଂ ତଦେଵଂ
ପ୍ରସନ୍ନସ୍ତୁ ତେଷାଂ ବହୁଶ୍ରୀଂ ଦଦାସି ॥ 16 ॥

ଅପାରାତିଦାରିଦ୍ର୍ୟଵାରାଶିମଧ୍ୟେ
ଭ୍ରମଂତଂ ଜନଗ୍ରାହପୂର୍ଣେ ନିତାଂତମ୍ ।
ମହାସେନ ମାମୁଦ୍ଧର ତ୍ଵଂ କଟାକ୍ଷା-
ଵଲୋକେନ କିଂଚିତ୍ପ୍ରସୀଦ ପ୍ରସୀଦ ॥ 17 ॥

ସ୍ଥିରାଂ ଦେହି ଭକ୍ତିଂ ଭଵତ୍ପାଦପଦ୍ମେ
ଶ୍ରିୟଂ ନିଶ୍ଚଲାଂ ଦେହି ମହ୍ୟଂ କୁମାର ।
ଗୁହଂ ଚଂଦ୍ରତାରଂ ସୁଵଂଶାଭିଵୃଦ୍ଧିଂ
କୁରୁ ତ୍ଵଂ ପ୍ରଭୋ ମେ ମନଃ କଲ୍ପସାଲଃ ॥ 18 ॥

ନମସ୍ତେ ନମସ୍ତେ ମହାଶକ୍ତିପାଣେ
ନମସ୍ତେ ନମସ୍ତେ ଲସଦ୍ଵଜ୍ରପାଣେ ।
ନମସ୍ତେ ନମସ୍ତେ କଟିନ୍ୟସ୍ତପାଣେ
ନମସ୍ତେ ନମସ୍ତେ ସଦାଭୀଷ୍ଟପାଣେ ॥ 19 ॥

ନମସ୍ତେ ନମସ୍ତେ ମହାଶକ୍ତିଧାରିନ୍
ନମସ୍ତେ ସୁରାଣାଂ ମହାସୌଖ୍ୟଦାୟିନ୍ ।
ନମସ୍ତେ ସଦା କୁକ୍କୁଟେଶାଖ୍ୟକ ତ୍ଵଂ
ସମସ୍ତାପରାଧଂ ଵିଭୋ ମେ କ୍ଷମସ୍ଵ ॥ 20 ॥

କୁମାରାତ୍ପରଂ କର୍ମୟୋଗଂ ନ ଜାନେ
କୁମାରାତ୍ପରଂ କର୍ମଶୀଲଂ ନ ଜାନେ ।
ୟ ଏକୋ ମୁନୀନାଂ ହୃଦବ୍ଜାଧିଵାସଃ
ଶିଵାଂକଂ ସମାରୁହ୍ୟ ସତ୍ପୀଠକଲ୍ପମ୍ ॥ 21 ॥

ଵିରିଂଚାୟ ମଂତ୍ରୋପଦେଶଂ ଚକାର
ପ୍ରମୋଦେନ ସୋଽୟଂ ତନୋତୁ ଶ୍ରିୟଂ ମେ ।
ୟମାହୁଃ ପରଂ ଵେଦ ଶୂରେଷୁ ମୁଖ୍ୟଂ
ସଦା ୟସ୍ୟ ଶକ୍ତ୍ୟା ଜଗତ୍ଭୀତଭୀତା ॥ 22 ॥

ୟମାଶ୍ରିତ୍ୟ ଦେଵାଃ ସ୍ଥିରଂ ସ୍ଵର୍ଗପାଲାଃ
ସଦୋଂକାରରୂପଂ ଚିଦାନଂଦମୀଡେ ।
ଗୁହସ୍ତୋତ୍ରମେତତ୍ କୃତଂ ତାରକାରେ
ଭୁଜଂଗପ୍ରୟାତେନ ହୃଦ୍ୟେନ କାଂତମ୍ ॥ 23 ॥

ଜନା ୟେ ପଠଂତେ ମହାଭକ୍ତିୟୁକ୍ତାଃ
ପ୍ରମୋଦେନ ସାୟଂ ପ୍ରଭାତେ ଵିଶେଷଃ ।
ନ ଜନ୍ମର୍କ୍ଷୟୋଗେ ୟଦା ତେ ରୁଦାଂତା
ମନୋଵାଂଛିତାନ୍ ସର୍ଵକାମାନ୍ ଲଭଂତେ ॥ 23 ॥

ଇତି ଶ୍ରୀ ସୁବ୍ରହ୍ମଣ୍ୟ ଭୁଜଂଗ ପ୍ରୟାତ ସ୍ତୋତ୍ରମ୍ ।

subrahmanya bhujanga prayata stotram in odia