સુબ્રહ્મણ્ય ભુજંગ પ્રયાત સ્તોત્રમ્

subrahmanya bhujanga prayata stotram in gujarati

ભજેઽહં કુમારં ભવાનીકુમારં
ગલોલ્લાસિહારં નમત્સદ્વિહારમ્ ।
રિપુસ્તોમપારં નૃસિંહાવતારં
સદાનિર્વિકારં ગુહં નિર્વિચારમ્ ॥ 1 ॥

નમામીશપુત્રં જપાશોણગાત્રં
સુરારાતિશત્રું રવીંદ્વગ્નિનેત્રમ્ ।
મહાબર્હિપત્રં શિવાસ્યાબ્જમિત્રં
પ્રભાસ્વત્કળત્રં પુરાણં પવિત્રમ્ ॥ 2 ॥

અનેકાર્કકોટિ-પ્રભાવજ્જ્વલં તં
મનોહારિ માણિક્ય ભૂષોજ્જ્વલં તમ્ ।
શ્રિતાનામભીષ્ટં નિશાંતં નિતાંતં
ભજે ષણ્મુખં તં શરચ્ચંદ્રકાંતમ્ ॥ 3 ॥

કૃપાવારિ કલ્લોલભાસ્વત્કટાક્ષં
વિરાજન્મનોહારિ શોણાંબુજાક્ષમ્ ।
પ્રયોગપ્રદાનપ્રવાહૈકદક્ષં
ભજે કાંતિકાંતં પરસ્તોમરક્ષમ્ ॥ 4 ॥

સુકસ્તૂરિસિંદૂરભાસ્વલ્લલાટં
દયાપૂર્ણચિત્તં મહાદેવપુત્રમ્ ।
રવીંદૂલ્લસદ્રત્નરાજત્કિરીટં
ભજે ક્રીડિતાકાશ ગંગાદ્રિકૂટમ્ ॥ 5 ॥

સુકુંદપ્રસૂનાવળીશોભિતાંગં
શરત્પૂર્ણચંદ્રપ્રભાકાંતિકાંતમ્ ।
શિરીષપ્રસૂનાભિરામં ભવંતં
ભજે દેવસેનાપતિં વલ્લભં તમ્ ॥ 6 ॥

સુલાવણ્યસત્સૂર્યકોટિપ્રતીકં
પ્રભું તારકારિં દ્વિષડ્બાહુમીશમ્ ।
નિજાંકપ્રભાદિવ્યમાનાપદીશં
ભજે પાર્વતીપ્રાણપુત્રં સુકેશમ્ ॥ 7 ॥

અજં સર્વલોકપ્રિયં લોકનાથં
ગુહં શૂરપદ્માદિદંભોળિધારમ્ ।
સુચારું સુનાસાપુટં સચ્ચરિત્રં
ભજે કાર્તિકેયં સદા બાહુલેયમ્ ॥ 8 ॥

શરારણ્યસંભૂતમિંદ્રાદિવંદ્યં
દ્વિષડ્બાહુસંખ્યાયુધશ્રેણિરમ્યમ્ ।
મરુત્સારથિં કુક્કુટેશં સુકેતું
ભજે યોગિહૃત્પદ્મમધ્યાધિવાસમ્ ॥ 9 ॥

વિરિંચીંદ્રવલ્લીશ દેવેશમુખ્યં
પ્રશસ્તામરસ્તોમસંસ્તૂયમાનમ્ ।
દિશ ત્વં દયાળો શ્રિયં નિશ્ચલાં મે
વિના ત્વાં ગતિઃ કા પ્રભો મે પ્રસીદ ॥ 10 ॥

પદાંભોજસેવા સમાયાતબૃંદા-
રકશ્રેણિકોટીરભાસ્વલ્લલાટમ્ ।
કળત્રોલ્લસત્પાર્શ્વયુગ્મં વરેણ્યં
ભજે દેવમાદ્યંતહીનપ્રભાવમ્ ॥ 11 ॥

ભવાંભોધિમધ્યે તરંગે પતંતં
પ્રભો માં સદા પૂર્ણદૃષ્ટ્યા સમીક્ષ્ય ।
ભવદ્ભક્તિનાવોદ્ધર ત્વં દયાળો
સુગત્યંતરં નાસ્તિ દેવ પ્રસીદ ॥ 12 ॥

ગળે રત્નભૂષં તનૌ મંજુવેષં
કરે જ્ઞાનશક્તિં દરસ્મેરમાસ્યે ।
કટિન્યસ્તપાણિં શિખિસ્થં કુમારં
ભજેઽહં ગુહાદન્યદેવં ન મન્યે ॥ 13 ॥

દયાહીનચિત્તં પરદ્રોહપાત્રં
સદા પાપશીલં ગુરોર્ભક્તિહીનમ્ ।
અનન્યાવલંબં ભવન્નેત્રપાત્રં
કૃપાશીલ માં ભો પવિત્રં કુરુ ત્વમ્ ॥ 14 ॥

મહાસેન ગાંગેય વલ્લીસહાય
પ્રભો તારકારે ષડાસ્યામરેશ ।
સદા પાયસાન્નપ્રદાતર્ગુહેતિ
સ્મરિષ્યામિ ભક્ત્યા સદાહં વિભો ત્વામ્ ॥ 15 ॥

પ્રતાપસ્ય બાહો નમદ્વીરબાહો
પ્રભો કાર્તિકેયેષ્ટકામપ્રદેતિ ।
યદા યે પઠંતે ભવંતં તદેવં
પ્રસન્નસ્તુ તેષાં બહુશ્રીં દદાસિ ॥ 16 ॥

અપારાતિદારિદ્ર્યવારાશિમધ્યે
ભ્રમંતં જનગ્રાહપૂર્ણે નિતાંતમ્ ।
મહાસેન મામુદ્ધર ત્વં કટાક્ષા-
વલોકેન કિંચિત્પ્રસીદ પ્રસીદ ॥ 17 ॥

સ્થિરાં દેહિ ભક્તિં ભવત્પાદપદ્મે
શ્રિયં નિશ્ચલાં દેહિ મહ્યં કુમાર ।
ગુહં ચંદ્રતારં સુવંશાભિવૃદ્ધિં
કુરુ ત્વં પ્રભો મે મનઃ કલ્પસાલઃ ॥ 18 ॥

નમસ્તે નમસ્તે મહાશક્તિપાણે
નમસ્તે નમસ્તે લસદ્વજ્રપાણે ।
નમસ્તે નમસ્તે કટિન્યસ્તપાણે
નમસ્તે નમસ્તે સદાભીષ્ટપાણે ॥ 19 ॥

નમસ્તે નમસ્તે મહાશક્તિધારિન્
નમસ્તે સુરાણાં મહાસૌખ્યદાયિન્ ।
નમસ્તે સદા કુક્કુટેશાખ્યક ત્વં
સમસ્તાપરાધં વિભો મે ક્ષમસ્વ ॥ 20 ॥

કુમારાત્પરં કર્મયોગં ન જાને
કુમારાત્પરં કર્મશીલં ન જાને ।
ય એકો મુનીનાં હૃદબ્જાધિવાસઃ
શિવાંકં સમારુહ્ય સત્પીઠકલ્પમ્ ॥ 21 ॥

વિરિંચાય મંત્રોપદેશં ચકાર
પ્રમોદેન સોઽયં તનોતુ શ્રિયં મે ।
યમાહુઃ પરં વેદ શૂરેષુ મુખ્યં
સદા યસ્ય શક્ત્યા જગત્ભીતભીતા ॥ 22 ॥

યમાશ્રિત્ય દેવાઃ સ્થિરં સ્વર્ગપાલાઃ
સદોંકારરૂપં ચિદાનંદમીડે ।
ગુહસ્તોત્રમેતત્ કૃતં તારકારે
ભુજંગપ્રયાતેન હૃદ્યેન કાંતમ્ ॥ 23 ॥

જના યે પઠંતે મહાભક્તિયુક્તાઃ
પ્રમોદેન સાયં પ્રભાતે વિશેષઃ ।
ન જન્મર્ક્ષયોગે યદા તે રુદાંતા
મનોવાંછિતાન્ સર્વકામાન્ લભંતે ॥ 23 ॥

ઇતિ શ્રી સુબ્રહ્મણ્ય ભુજંગ પ્રયાત સ્તોત્રમ્ ।

subrahmanya bhujanga prayata stotram in gujarati