ନାରାୟଣୀୟଂ ଦଶକ 67 – ଶ୍ରୀକୃଷ୍ଣତିରୋଧାନଂ ତଥା ପୁନଃ ପ୍ରତ୍ୟକ୍ଷୀଭୂୟ ଗୋପିକାଃ ପ୍ରୀଣନମ୍

narayaniyam dashaka 67 in odia

ସ୍ଫୁରତ୍ପରାନଂଦରସାତ୍ମକେନ ତ୍ଵୟା ସମାସାଦିତଭୋଗଲୀଲାଃ ।
ଅସୀମମାନଂଦଭରଂ ପ୍ରପନ୍ନା ମହାଂତମାପୁର୍ମଦମଂବୁଜାକ୍ଷ୍ୟଃ ॥1॥

ନିଲୀୟତେଽସୌ ମୟି ମୟ୍ୟମାୟଂ ରମାପତିର୍ଵିଶ୍ଵମନୋଭିରାମଃ ।
ଇତି ସ୍ମ ସର୍ଵାଃ କଲିତାଭିମାନା ନିରୀକ୍ଷ୍ୟ ଗୋଵିଂଦ୍ ତିରୋହିତୋଽଭୂଃ ॥2॥

ରାଧାଭିଧାଂ ତାଵଦଜାତଗର୍ଵାମତିପ୍ରିୟାଂ ଗୋପଵଧୂଂ ମୁରାରେ ।
ଭଵାନୁପାଦାୟ ଗତୋ ଵିଦୂରଂ ତୟା ସହ ସ୍ଵୈରଵିହାରକାରୀ ॥3॥

ତିରୋହିତେଽଥ ତ୍ଵୟି ଜାତତାପାଃ ସମଂ ସମେତାଃ କମଲାୟତାକ୍ଷ୍ୟଃ ।
ଵନେ ଵନେ ତ୍ଵାଂ ପରିମାର୍ଗୟଂତ୍ୟୋ ଵିଷାଦମାପୁର୍ଭଗଵନ୍ନପାରମ୍ ॥4॥

ହା ଚୂତ ହା ଚଂପକ କର୍ଣିକାର ହା ମଲ୍ଲିକେ ମାଲତି ବାଲଵଲ୍ୟଃ ।
କିଂ ଵୀକ୍ଷିତୋ ନୋ ହୃଦୟୈକଚୋରଃ ଇତ୍ୟାଦି ତାସ୍ତ୍ଵତ୍ପ୍ରଵଣା ଵିଲେପୁଃ ॥5॥

ନିରୀକ୍ଷିତୋଽୟଂ ସଖି ପଂକଜାକ୍ଷଃ ପୁରୋ ମମେତ୍ୟାକୁଲମାଲପଂତୀ ।
ତ୍ଵାଂ ଭାଵନାଚକ୍ଷୁଷି ଵୀକ୍ଷ୍ୟ କାଚିତ୍ତାପଂ ସଖୀନାଂ ଦ୍ଵିଗୁଣୀଚକାର ॥6॥

ତ୍ଵଦାତ୍ମିକାସ୍ତା ୟମୁନାତଟାଂତେ ତଵାନୁଚକ୍ରୁଃ କିଲ ଚେଷ୍ଟିତାନି ।
ଵିଚିତ୍ୟ ଭୂୟୋଽପି ତଥୈଵ ମାନାତ୍ତ୍ଵୟା ଵିମୁକ୍ତାଂ ଦଦୃଶୁଶ୍ଚ ରାଧାମ୍ ॥7॥

ତତଃ ସମଂ ତା ଵିପିନେ ସମଂତାତ୍ତମୋଵତାରାଵଧି ମାର୍ଗୟଂତ୍ୟଃ ।
ପୁନର୍ଵିମିଶ୍ରା ୟମୁନାତଟାଂତେ ଭୃଶଂ ଵିଲେପୁଶ୍ଚ ଜଗୁର୍ଗୁଣାଂସ୍ତେ ॥8॥

ତଥା ଵ୍ୟଥାସଂକୁଲମାନସାନାଂ ଵ୍ରଜାଂଗନାନାଂ କରୁଣୈକସିଂଧୋ ।
ଜଗତ୍ତ୍ରୟୀମୋହନମୋହନାତ୍ମା ତ୍ଵଂ ପ୍ରାଦୁରାସୀରୟି ମଂଦହାସୀ ॥9॥

ସଂଦିଗ୍ଧସଂଦର୍ଶନମାତ୍ମକାଂତଂ ତ୍ଵାଂ ଵୀକ୍ଷ୍ୟ ତନ୍ଵ୍ୟଃ ସହସା ତଦାନୀମ୍ ।
କିଂ କିଂ ନ ଚକ୍ରୁଃ ପ୍ରମଦାତିଭାରାତ୍ ସ ତ୍ଵଂ ଗଦାତ୍ ପାଲୟ ମାରୁତେଶ ॥10॥

narayaniyam dashaka 67 in odia