നാരായണീയം ദശക 67 – ശ്രീകൃഷ്ണതിരോധാനം തഥാ പുനഃ പ്രത്യക്ഷീഭൂയ ഗോപികാഃ പ്രീണനമ്

narayaniyam dashaka 67 in malayalam

സ്ഫുരത്പരാനംദരസാത്മകേന ത്വയാ സമാസാദിതഭോഗലീലാഃ ।
അസീമമാനംദഭരം പ്രപന്നാ മഹാംതമാപുര്മദമംബുജാക്ഷ്യഃ ॥1॥

നിലീയതേഽസൌ മയി മയ്യമായം രമാപതിർവിശ്വമനോഭിരാമഃ ।
ഇതി സ്മ സർവാഃ കലിതാഭിമാനാ നിരീക്ഷ്യ ഗോവിംദ് തിരോഹിതോഽഭൂഃ ॥2॥

രാധാഭിധാം താവദജാതഗർവാമതിപ്രിയാം ഗോപവധൂം മുരാരേ ।
ഭവാനുപാദായ ഗതോ വിദൂരം തയാ സഹ സ്വൈരവിഹാരകാരീ ॥3॥

തിരോഹിതേഽഥ ത്വയി ജാതതാപാഃ സമം സമേതാഃ കമലായതാക്ഷ്യഃ ।
വനേ വനേ ത്വാം പരിമാര്ഗയംത്യോ വിഷാദമാപുര്ഭഗവന്നപാരമ് ॥4॥

ഹാ ചൂത ഹാ ചംപക കര്ണികാര ഹാ മല്ലികേ മാലതി ബാലവല്യഃ ।
കിം വീക്ഷിതോ നോ ഹൃദയൈകചോരഃ ഇത്യാദി താസ്ത്വത്പ്രവണാ വിലേപുഃ ॥5॥

നിരീക്ഷിതോഽയം സഖി പംകജാക്ഷഃ പുരോ മമേത്യാകുലമാലപംതീ ।
ത്വാം ഭാവനാചക്ഷുഷി വീക്ഷ്യ കാചിത്താപം സഖീനാം ദ്വിഗുണീചകാര ॥6॥

ത്വദാത്മികാസ്താ യമുനാതടാംതേ തവാനുചക്രുഃ കില ചേഷ്ടിതാനി ।
വിചിത്യ ഭൂയോഽപി തഥൈവ മാനാത്ത്വയാ വിമുക്താം ദദൃശുശ്ച രാധാമ് ॥7॥

തതഃ സമം താ വിപിനേ സമംതാത്തമോവതാരാവധി മാര്ഗയംത്യഃ ।
പുനർവിമിശ്രാ യമുനാതടാംതേ ഭൃശം വിലേപുശ്ച ജഗുര്ഗുണാംസ്തേ ॥8॥

തഥാ വ്യഥാസംകുലമാനസാനാം വ്രജാംഗനാനാം കരുണൈകസിംധോ ।
ജഗത്ത്രയീമോഹനമോഹനാത്മാ ത്വം പ്രാദുരാസീരയി മംദഹാസീ ॥9॥

സംദിഗ്ധസംദര്ശനമാത്മകാംതം ത്വാം വീക്ഷ്യ തന്വ്യഃ സഹസാ തദാനീമ് ।
കിം കിം ന ചക്രുഃ പ്രമദാതിഭാരാത് സ ത്വം ഗദാത് പാലയ മാരുതേശ ॥10॥

narayaniyam dashaka 67 in malayalam