ଆଦିତ୍ୟ କଵଚମ୍

aditya kavacham in odia

ଅସ୍ୟ ଶ୍ରୀ ଆଦିତ୍ୟକଵଚସ୍ତୋତ୍ରମହାମଂତ୍ରସ୍ୟ ଅଗସ୍ତ୍ୟୋ ଭଗଵାନୃଷିଃ ଅନୁଷ୍ଟୁପ୍ଛଂଦଃ ଆଦିତ୍ୟୋ ଦେଵତା ଶ୍ରୀଂ ବୀଜଂ ଣୀଂ ଶକ୍ତିଃ ସୂଂ କୀଲକଂ ମମ ଆଦିତ୍ୟପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।

ଧ୍ୟାନଂ
ଜପାକୁସୁମସଂକାଶଂ ଦ୍ଵିଭୁଜଂ ପଦ୍ମହସ୍ତକମ୍
ସିଂଦୂରାଂବରମାଲ୍ୟଂ ଚ ରକ୍ତଗଂଧାନୁଲେପନମ୍ ।
ମାଣିକ୍ୟରତ୍ନଖଚିତ-ସର୍ଵାଭରଣଭୂଷିତମ୍
ସପ୍ତାଶ୍ଵରଥଵାହଂ ତୁ ମେରୁଂ ଚୈଵ ପ୍ରଦକ୍ଷିଣମ୍ ॥

ଦେଵାସୁରଵରୈର୍ଵଂଦ୍ୟଂ ଘୃଣିଭିଃ ପରିସେଵିତମ୍ ।
ଧ୍ୟାୟେତ୍ପଠେତ୍ସୁଵର୍ଣାଭଂ ସୂର୍ୟସ୍ୟ କଵଚଂ ମୁଦା ॥

କଵଚଂ
ଘୃଣିଃ ପାତୁ ଶିରୋଦେଶେ ସୂର୍ୟଃ ପାତୁ ଲଲାଟକମ୍ ।
ଆଦିତ୍ୟୋ ଲୋଚନେ ପାତୁ ଶ୍ରୁତୀ ପାତୁ ଦିଵାକରଃ ॥

ଘ୍ରାଣଂ ପାତୁ ସଦା ଭାନୁଃ ମୁଖଂ ପାତୁ ସଦାରଵିଃ ।
ଜିହ୍ଵାଂ ପାତୁ ଜଗନ୍ନେତ୍ରଃ କଂଠଂ ପାତୁ ଵିଭାଵସୁଃ ॥

ସ୍କଂଧୌ ଗ୍ରହପତିଃ ପାତୁ ଭୁଜୌ ପାତୁ ପ୍ରଭାକରଃ ।
କରାଵବ୍ଜକରଃ ପାତୁ ହୃଦୟଂ ପାତୁ ନଭୋମଣିଃ ॥

ଦ୍ଵାଦଶାତ୍ମା କଟିଂ ପାତୁ ସଵିତା ପାତୁ ସକ୍ଥିନୀ ।
ଊରୂ ପାତୁ ସୁରଶ୍ରେଷ୍ଟୋ ଜାନୁନୀ ପାତୁ ଭାସ୍କରଃ ॥

ଜଂଘେ ମେ ପାତୁ ମାର୍ତାଂଡୋ ଗୁଲ୍ଫୌ ପାତୁ ତ୍ଵିଷାଂପତିଃ ।
ପାଦୌ ଦିନମଣିଃ ପାତୁ ପାତୁ ମିତ୍ରୋଽଖିଲଂ ଵପୁଃ ॥

ଆଦିତ୍ୟକଵଚଂ ପୁଣ୍ୟମଭେଦ୍ୟଂ ଵଜ୍ରସନ୍ନିଭମ୍ ।
ସର୍ଵରୋଗଭୟାଦିଭ୍ୟୋ ମୁଚ୍ୟତେ ନାତ୍ର ସଂଶୟଃ ॥

ସଂଵତ୍ସରମୁପାସିତ୍ଵା ସାମ୍ରାଜ୍ୟପଦଵୀଂ ଲଭେତ୍ ।
ଅଶେଷରୋଗଶାଂତ୍ୟର୍ଥଂ ଧ୍ୟାୟେଦାଦିତ୍ୟମଂଡଲମ୍ ।

ଆଦିତ୍ୟ ମଂଡଲ ସ୍ତୁତିଃ –
ଅନେକରତ୍ନସଂୟୁକ୍ତଂ ସ୍ଵର୍ଣମାଣିକ୍ୟଭୂଷଣମ୍ ।
କଲ୍ପଵୃକ୍ଷସମାକୀର୍ଣଂ କଦଂବକୁସୁମପ୍ରିୟମ୍ ॥

ସିଂଦୂରଵର୍ଣାୟ ସୁମଂଡଲାୟ
ସୁଵର୍ଣରତ୍ନାଭରଣାୟ ତୁଭ୍ୟମ୍ ।
ପଦ୍ମାଦିନେତ୍ରେ ଚ ସୁପଂକଜାୟ
ବ୍ରହ୍ମେଂଦ୍ର-ନାରାୟଣ-ଶଂକରାୟ ॥

ସଂରକ୍ତଚୂର୍ଣଂ ସସୁଵର୍ଣତୋୟଂ
ସକୁଂକୁମାଭଂ ସକୁଶଂ ସପୁଷ୍ପମ୍ ।
ପ୍ରଦତ୍ତମାଦାୟ ଚ ହେମପାତ୍ରେ
ପ୍ରଶସ୍ତନାଦଂ ଭଗଵନ୍ ପ୍ରସୀଦ ॥

ଇତି ଆଦିତ୍ୟକଵଚମ୍ ।

aditya kavacham in odia