આદિત્ય કવચમ્

aditya kavacham in gujarati

અસ્ય શ્રી આદિત્યકવચસ્તોત્રમહામંત્રસ્ય અગસ્ત્યો ભગવાનૃષિઃ અનુષ્ટુપ્છંદઃ આદિત્યો દેવતા શ્રીં બીજં ણીં શક્તિઃ સૂં કીલકં મમ આદિત્યપ્રસાદસિદ્ધ્યર્થે જપે વિનિયોગઃ ।

ધ્યાનં
જપાકુસુમસંકાશં દ્વિભુજં પદ્મહસ્તકમ્
સિંદૂરાંબરમાલ્યં ચ રક્તગંધાનુલેપનમ્ ।
માણિક્યરત્નખચિત-સર્વાભરણભૂષિતમ્
સપ્તાશ્વરથવાહં તુ મેરું ચૈવ પ્રદક્ષિણમ્ ॥

દેવાસુરવરૈર્વંદ્યં ઘૃણિભિઃ પરિસેવિતમ્ ।
ધ્યાયેત્પઠેત્સુવર્ણાભં સૂર્યસ્ય કવચં મુદા ॥

કવચં
ઘૃણિઃ પાતુ શિરોદેશે સૂર્યઃ પાતુ લલાટકમ્ ।
આદિત્યો લોચને પાતુ શ્રુતી પાતુ દિવાકરઃ ॥

ઘ્રાણં પાતુ સદા ભાનુઃ મુખં પાતુ સદારવિઃ ।
જિહ્વાં પાતુ જગન્નેત્રઃ કંઠં પાતુ વિભાવસુઃ ॥

સ્કંધૌ ગ્રહપતિઃ પાતુ ભુજૌ પાતુ પ્રભાકરઃ ।
કરાવબ્જકરઃ પાતુ હૃદયં પાતુ નભોમણિઃ ॥

દ્વાદશાત્મા કટિં પાતુ સવિતા પાતુ સક્થિની ।
ઊરૂ પાતુ સુરશ્રેષ્ટો જાનુની પાતુ ભાસ્કરઃ ॥

જંઘે મે પાતુ માર્તાંડો ગુલ્ફૌ પાતુ ત્વિષાંપતિઃ ।
પાદૌ દિનમણિઃ પાતુ પાતુ મિત્રોઽખિલં વપુઃ ॥

આદિત્યકવચં પુણ્યમભેદ્યં વજ્રસન્નિભમ્ ।
સર્વરોગભયાદિભ્યો મુચ્યતે નાત્ર સંશયઃ ॥

સંવત્સરમુપાસિત્વા સામ્રાજ્યપદવીં લભેત્ ।
અશેષરોગશાંત્યર્થં ધ્યાયેદાદિત્યમંડલમ્ ।

આદિત્ય મંડલ સ્તુતિઃ –
અનેકરત્નસંયુક્તં સ્વર્ણમાણિક્યભૂષણમ્ ।
કલ્પવૃક્ષસમાકીર્ણં કદંબકુસુમપ્રિયમ્ ॥

સિંદૂરવર્ણાય સુમંડલાય
સુવર્ણરત્નાભરણાય તુભ્યમ્ ।
પદ્માદિનેત્રે ચ સુપંકજાય
બ્રહ્મેંદ્ર-નારાયણ-શંકરાય ॥

સંરક્તચૂર્ણં સસુવર્ણતોયં
સકુંકુમાભં સકુશં સપુષ્પમ્ ।
પ્રદત્તમાદાય ચ હેમપાત્રે
પ્રશસ્તનાદં ભગવન્ પ્રસીદ ॥

ઇતિ આદિત્યકવચમ્ ।

aditya kavacham in gujarati