আদিত্য় কবচম্

aditya kavacham in bengali

অস্য় শ্রী আদিত্যকবচস্তোত্রমহামংত্রস্য় অগস্ত্য়ো ভগবানৃষিঃ অনুষ্টুপ্ছংদঃ আদিত্য়ো দেবতা শ্রীং বীজং ণীং শক্তিঃ সূং কীলকং মম আদিত্যপ্রসাদসিদ্ধ্যর্থে জপে বিনিয়োগঃ ।

ধ্য়ানং
জপাকুসুমসংকাশং দ্বিভুজং পদ্মহস্তকম্
সিংদূরাংবরমাল্য়ং চ রক্তগংধানুলেপনম্ ।
মাণিক্যরত্নখচিত-সর্বাভরণভূষিতম্
সপ্তাশ্বরথবাহং তু মেরুং চৈব প্রদক্ষিণম্ ॥

দেবাসুরবরৈর্বংদ্য়ং ঘৃণিভিঃ পরিসেবিতম্ ।
ধ্য়ায়েত্পঠেত্সুবর্ণাভং সূর্যস্য় কবচং মুদা ॥

কবচং
ঘৃণিঃ পাতু শিরোদেশে সূর্য়ঃ পাতু ললাটকম্ ।
আদিত্য়ো লোচনে পাতু শ্রুতী পাতু দিবাকরঃ ॥

ঘ্রাণং পাতু সদা ভানুঃ মুখং পাতু সদারবিঃ ।
জিহ্বাং পাতু জগন্নেত্রঃ কংঠং পাতু বিভাবসুঃ ॥

স্কংধৌ গ্রহপতিঃ পাতু ভুজৌ পাতু প্রভাকরঃ ।
করাবব্জকরঃ পাতু হৃদয়ং পাতু নভোমণিঃ ॥

দ্বাদশাত্মা কটিং পাতু সবিতা পাতু সক্থিনী ।
ঊরূ পাতু সুরশ্রেষ্টো জানুনী পাতু ভাস্করঃ ॥

জংঘে মে পাতু মার্তাংডো গুল্ফৌ পাতু ত্বিষাংপতিঃ ।
পাদৌ দিনমণিঃ পাতু পাতু মিত্রোঽখিলং বপুঃ ॥

আদিত্যকবচং পুণ্যমভেদ্য়ং বজ্রসন্নিভম্ ।
সর্বরোগভয়াদিভ্য়ো মুচ্যতে নাত্র সংশয়ঃ ॥

সংবত্সরমুপাসিত্বা সাম্রাজ্যপদবীং লভেত্ ।
অশেষরোগশাংত্যর্থং ধ্য়ায়েদাদিত্যমংডলম্ ।

আদিত্য় মংডল স্তুতিঃ –
অনেকরত্নসংয়ুক্তং স্বর্ণমাণিক্যভূষণম্ ।
কল্পবৃক্ষসমাকীর্ণং কদংবকুসুমপ্রিযম্ ॥

সিংদূরবর্ণায় সুমংডলায়
সুবর্ণরত্নাভরণায় তুভ্যম্ ।
পদ্মাদিনেত্রে চ সুপংকজায়
ব্রহ্মেংদ্র-নারাযণ-শংকরায় ॥

সংরক্তচূর্ণং সসুবর্ণতোয়ং
সকুংকুমাভং সকুশং সপুষ্পম্ ।
প্রদত্তমাদায় চ হেমপাত্রে
প্রশস্তনাদং ভগবন্ প্রসীদ ॥

ইতি আদিত্যকবচম্ ।

aditya kavacham in bengali