ಶ್ರೀ ರಾಮಾನುಜ ಅಷ್ಟಕಂ

sri ramanujashtakam in kannada

ರಾಮಾನುಜಾಯ ಮುನಯೇ ನಮ ಉಕ್ತಿ ಮಾತ್ರಂ
ಕಾಮಾತುರೋಽಪಿ ಕುಮತಿಃ ಕಲಯನ್ನಭೀಕ್ಷಮ್ ।
ಯಾಮಾಮನಂತಿ ಯಮಿನಾಂ ಭಗವಜ್ಜನಾನಾಂ
ತಾಮೇವ ವಿಂದತಿ ಗತಿಂ ತಮಸಃ ಪರಸ್ತಾತ್ ॥ 1 ॥

ಸೋಮಾವಚೂಡಸುರಶೇಖರದುಷ್ಕರೇಣ
ಕಾಮಾತಿಗೋಽಪಿ ತಪಸಾ ಕ್ಷಪಯನ್ನಘಾನಿ ।
ರಾಮಾನುಜಾಯ ಮುನಯೇ ನಮ ಇತ್ಯನುಕ್ತ್ವಾ
ಕೋವಾ ಮಹೀಸಹಚರೇ ಕುರುತೇಽನುರಾಗಮ್ ॥ 2 ॥

ರಾಮಾನುಜಾಯ ನಮ ಇತ್ಯಸಕೃದ್ಗೃಣೀತೇ
ಯೋ ಮಾನ ಮಾತ್ಸರ ಮದಸ್ಮರ ದೂಷಿತೋಽಪಿ ।
ಪ್ರೇಮಾತುರಃ ಪ್ರಿಯತಮಾಮಪಹಾಯ ಪದ್ಮಾಂ
ಭೂಮಾ ಭುಜಂಗಶಯನಸ್ತಮನುಪ್ರಯಾತಿ ॥ 3 ॥

ವಾಮಾಲಕಾನಯನವಾಗುರಿಕಾಗೃಹೀತಂ
ಕ್ಷೇಮಾಯ ಕಿಂಚಿದಪಿ ಕರ್ತುಮನೀಹಮಾನಮ್ ।
ರಾಮಾನುಜೋ ಯತಿಪತಿರ್ಯದಿ ನೇಕ್ಷತೇ ಮಾಂ
ಮಾ ಮಾಮಕೋಽಯಮಿತಿ ಮುಂಚತಿ ಮಾಧವೋಽಪಿ ॥ 4 ॥

ರಾಮಾನುಜೇತಿ ಯದಿತಂ ವಿದಿತಂ ಜಗತ್ಯಾಂ
ನಾಮೀಪಿ ನ ಶ್ರುತಿಸಮೀಪಮುಪೈತಿ ಯೇಷಾಮ್ ।
ಮಾ ಮಾ ಮದೀಯ ಇತಿ ಸದ್ಭಿರುಪೇಕ್ಷಿತಾಸ್ತೇ
ಕಾಮಾನುವಿದ್ಧಮನಸೋ ನಿಪತಂತ್ಯಧೋಽಧಃ ॥ 5 ॥

ನಾಮಾನುಕೀರ್ತ್ಯ ನರಕಾರ್ತಿಹರಂ ಯದೀಯಂ
ವ್ಯೋಮಾಧಿರೋಹತಿ ಪದಂ ಸಕಲೋಽಪಿ ಲೋಕಃ ।
ರಾಮಾನುಜೋ ಯತಿಪತಿರ್ಯದಿ ನಾವಿರಾಸೀತ್
ಕೋ ಮಾದೃಶಃ ಪ್ರಭವಿತಾ ಭವಮುತ್ತರೀತುಮ್ ॥ 6 ॥

ಸೀಮಾಮಹೀಧ್ರಪರಿಧಿಂ ಪೃಥಿವೀಮವಾಪ್ತುಂ
ವೈಮಾನಿಕೇಶ್ವರಪುರೀಮಧಿವಾಸಿತುಂ ವಾ ।
ವ್ಯೋಮಾಧಿರೋಢುಮಪಿ ನ ಸ್ಪೃಹಯಂತಿ ನಿತ್ಯಂ
ರಾಮಾನುಜಾಂಘ್ರಿಯುಗಳಂ ಶರಣಂ ಪ್ರಪನ್ನಾಃ ॥ 7 ॥

ಮಾ ಮಾ ಧುನೋತಿ ಮನಸೋಽಪಿ ನ ಗೋಚರಂ ಯತ್
ಭೂಮಾಸಖೇನ ಪುರುಷೇಣ ಸಹಾನುಭೂಯ ।
ಪ್ರೇಮಾನುವಿದ್ಧಹೃದಯಪ್ರಿಯಭಕ್ತಲಭ್ಯೇ
ರಾಮಾನುಜಾಂಘ್ರಿಕಮಲೇ ರಮತಾಂ ಮನೋ ಮೇ ॥ 8 ॥

ಶ್ಲೋಕಾಷ್ಟಕಮಿದಂ ಪುಣ್ಯಂ ಯೋ ಭಕ್ತ್ಯಾ ಪ್ರತ್ಯಹಂ ಪಠೇತ್ ।
ಆಕಾರತ್ರಯಸಂಪನ್ನಃ ಶೋಕಾಬ್ಧಿಂ ತರತಿ ದ್ರುತಮ್ ॥

sri ramanujashtakam in kannada