શ્રી રામાનુજ અષ્ટકમ્

sri ramanujashtakam in gujarati

રામાનુજાય મુનયે નમ ઉક્તિ માત્રં
કામાતુરોઽપિ કુમતિઃ કલયન્નભીક્ષમ્ ।
યામામનંતિ યમિનાં ભગવજ્જનાનાં
તામેવ વિંદતિ ગતિં તમસઃ પરસ્તાત્ ॥ 1 ॥

સોમાવચૂડસુરશેખરદુષ્કરેણ
કામાતિગોઽપિ તપસા ક્ષપયન્નઘાનિ ।
રામાનુજાય મુનયે નમ ઇત્યનુક્ત્વા
કોવા મહીસહચરે કુરુતેઽનુરાગમ્ ॥ 2 ॥

રામાનુજાય નમ ઇત્યસકૃદ્ગૃણીતે
યો માન માત્સર મદસ્મર દૂષિતોઽપિ ।
પ્રેમાતુરઃ પ્રિયતમામપહાય પદ્માં
ભૂમા ભુજંગશયનસ્તમનુપ્રયાતિ ॥ 3 ॥

વામાલકાનયનવાગુરિકાગૃહીતં
ક્ષેમાય કિંચિદપિ કર્તુમનીહમાનમ્ ।
રામાનુજો યતિપતિર્યદિ નેક્ષતે માં
મા મામકોઽયમિતિ મુંચતિ માધવોઽપિ ॥ 4 ॥

રામાનુજેતિ યદિતં વિદિતં જગત્યાં
નામીપિ ન શ્રુતિસમીપમુપૈતિ યેષામ્ ।
મા મા મદીય ઇતિ સદ્ભિરુપેક્ષિતાસ્તે
કામાનુવિદ્ધમનસો નિપતંત્યધોઽધઃ ॥ 5 ॥

નામાનુકીર્ત્ય નરકાર્તિહરં યદીયં
વ્યોમાધિરોહતિ પદં સકલોઽપિ લોકઃ ।
રામાનુજો યતિપતિર્યદિ નાવિરાસીત્
કો માદૃશઃ પ્રભવિતા ભવમુત્તરીતુમ્ ॥ 6 ॥

સીમામહીધ્રપરિધિં પૃથિવીમવાપ્તું
વૈમાનિકેશ્વરપુરીમધિવાસિતું વા ।
વ્યોમાધિરોઢુમપિ ન સ્પૃહયંતિ નિત્યં
રામાનુજાંઘ્રિયુગળં શરણં પ્રપન્નાઃ ॥ 7 ॥

મા મા ધુનોતિ મનસોઽપિ ન ગોચરં યત્
ભૂમાસખેન પુરુષેણ સહાનુભૂય ।
પ્રેમાનુવિદ્ધહૃદયપ્રિયભક્તલભ્યે
રામાનુજાંઘ્રિકમલે રમતાં મનો મે ॥ 8 ॥

શ્લોકાષ્ટકમિદં પુણ્યં યો ભક્ત્યા પ્રત્યહં પઠેત્ ।
આકારત્રયસંપન્નઃ શોકાબ્ધિં તરતિ દ્રુતમ્ ॥

sri ramanujashtakam in gujarati