নারাযণীয়ং দশক 22 – অজামিলোপাখ্য়ানম্

narayaniyam dashaka 22 in bengali

অজামিলো নাম মহীসুরঃ পুরা
চরন্ বিভো ধর্মপথান্ গৃহাশ্রমী ।
গুরোর্গিরা কাননমেত্য় দৃষ্টবান্
সুধৃষ্টশীলাং কুলটাং মদাকুলাম্ ॥1॥

স্বতঃ প্রশাংতোঽপি তদাহৃতাশয়ঃ
স্বধর্মমুত্সৃজ্য় তয়া সমারমন্ ।
অধর্মকারী দশমী ভবন্ পুন-
র্দধৌ ভবন্নাময়ুতে সুতে রতিম্ ॥2॥

স মৃত্য়ুকালে যমরাজকিংকরান্
ভয়ংকরাংস্ত্রীনভিলক্ষযন্ ভিয়া ।
পুরা মনাক্ ত্বত্স্মৃতিবাসনাবলাত্
জুহাব নারাযণনামকং সুতম্ ॥3॥

দুরাশযস্য়াপি তদাত্বনির্গত-
ত্বদীযনামাক্ষরমাত্রবৈভবাত্ ।
পুরোঽভিপেতুর্ভবদীযপার্ষদাঃ
চতুর্ভুজাঃ পীতপটা মনোরমাঃ ॥4॥

অমুং চ সংপাশ্য় বিকর্ষতো ভটান্
বিমুংচতেত্য়ারুরুধুর্বলাদমী ।
নিবারিতাস্তে চ ভবজ্জনৈস্তদা
তদীযপাপং নিখিলং ন্যবেদযন্ ॥5॥

ভবংতু পাপানি কথং তু নিষ্কৃতে
কৃতেঽপি ভো দংডনমস্তি পংডিতাঃ ।
ন নিষ্কৃতিঃ কিং বিদিতা ভবাদৃশা-
মিতি প্রভো ত্বত্পুরুষা বভাষিরে ॥6॥

শ্রুতিস্মৃতিভ্য়াং বিহিতা ব্রতাদয়ঃ
পুনংতি পাপং ন লুনংতি বাসনাম্ ।
অনংতসেবা তু নিকৃংততি দ্বয়ী-
মিতি প্রভো ত্বত্পুরুষা বভাষিরে ॥7॥

অনেন ভো জন্মসহস্রকোটিভিঃ
কৃতেষু পাপেষ্বপি নিষ্কৃতিঃ কৃতা ।
যদগ্রহীন্নাম ভয়াকুলো হরে-
রিতি প্রভো ত্বত্পুরুষা বভাষিরে ॥8॥

নৃণামবুদ্ধ্য়াপি মুকুংদকীর্তনং
দহত্যঘৌঘান্ মহিমাস্য় তাদৃশঃ ।
যথাগ্নিরেধাংসি যথৌষধং গদা –
নিতি প্রভো ত্বত্পুরুষা বভাষিরে ॥9॥

ইতীরিতৈর্য়াম্যভটৈরপাসৃতে
ভবদ্ভটানাং চ গণে তিরোহিতে ।
ভবত্স্মৃতিং কংচন কালমাচরন্
ভবত্পদং প্রাপি ভবদ্ভটৈরসৌ ॥10॥

স্বকিংকরাবেদনশংকিতো যম-
স্ত্বদংঘ্রিভক্তেষু ন গম্যতামিতি ।
স্বকীযভৃত্য়ানশিশিক্ষদুচ্চকৈঃ
স দেব বাতালযনাথ পাহি মাম্ ॥11॥

narayaniyam dashaka 22 in bengali