চাণক্য নীতি – দ্বাদশোঽধ্যাযঃ

chanakya neethi chapter 12 in assamese

সানংদং সদনং সুতাস্তু সুধিযঃ কাংতা প্রিযালাপিনী
ইচ্ছাপূর্তিধনং স্বযোষিতি রতিঃ স্বাজ্ঞাপরাঃ সেবকাঃ ।
আতিথ্যং শিবপূজনং প্রতিদিনং মিষ্টান্নপানং গৃহে
সাধোঃ সংগমুপাসতে চ সততং ধন্যো গৃহস্থাশ্রমঃ ॥ 01 ॥

আর্তেষু বিপ্রেষু দযান্বিতশ্চ
যচ্ছ্রদ্ধযা স্বল্পমুপৈতি দানম্ ।
অনংতপারমুপৈতি রাজন্
যদ্দীযতে তন্ন লভেদ্দ্বিজেভ্যঃ ॥ 02 ॥

দাক্ষিণ্যং স্বজনে দযা পরজনে শাঠ্যং সদা দুর্জনে
প্রীতিঃ সাধুজনে স্মযঃ খলজনে বিদ্বজ্জনে চার্জবম্ ।
শৌর্যং শত্রুজনে ক্ষমা গুরুজনে নারীজনে ধূর্ততা
ইত্থং যে পুরুষা কলাসু কুশলাস্তেষ্বেব লোকস্থিতিঃ ॥ 03 ॥

হস্তৌ দানবিবর্জিতৌ শ্রুতিপুটৌ সারস্বতদ্রোহিণৌ
নেত্রে সাধুবিলোকনেন রহিতে পাদৌ ন তীর্থং গতৌ ।
অন্যাযার্জিতবিত্তপূর্ণমুদরং গর্বেণ তুংগং শিরো
রে রে জংবুক মুংচ মুংচ সহসা নীচং সুনিংদ্যং বপুঃ ॥ 04 ॥

যেষাং শ্রীমদ্যশোদাসুতপদকমলে নাস্তি ভক্তির্নরাণাং
যেষামাভীরকন্যাপ্রিযগুণকথনে নানুরক্তা রসজ্ঞা ।
যেষাং শ্রীকৃষ্ণলীলাললিতরসকথাসাদরৌ নৈব কর্ণৌ
ধিক্ তান্ ধিক্ তান্ ধিগেতান্ কথযতি সততং কীর্তনস্থো মৃদংগঃ ॥ 05 ॥

পত্রং নৈব যদা করীলবিটপে দোষো বসংতস্য কিং
নোলূকোঽপ্যবলোকতে যদি দিবা সূর্যস্য কিং দূষণম্ ।
বর্ষা নৈব পতংতি চাতকমুখে মেঘস্য কিং দূষণং
যত্পূর্বং বিধিনা ললাটলিখিতং তন্মার্জিতুং কঃ ক্ষমঃ ॥ 06 ॥

সত্সংগাদ্ভবতি হি সাধুনা খলানাং
সাধূনাং ন হি খলসংগতঃ খলত্বম্ ।
আমোদং কুসুমভবং মৃদেব ধত্তে
মৃদ্গংধং নহি কুসুমানি ধারযংতি ॥ 07 ॥

সাধূনাং দর্শনং পুণ্যং তীর্থভূতা হি সাধবঃ ।
কালেন ফলতে তীর্থং সদ্যঃ সাধুসমাগমঃ ॥ 08 ॥

বিপ্রাস্মিন্নগরে মহান্কথয কস্তালদ্রুমাণাং গণঃ
কো দাতা রজকো দদাতি বসনং প্রাতর্গৃহীত্বা নিশি ।
কো দক্ষঃ পরবিত্তদারহরণে সর্বোঽপি দক্ষো জনঃ
কস্মাজ্জীবসি হে সখে বিষকৃমিন্যাযেন জীবাম্যহম্ ॥ 09 ॥

ন বিপ্রপাদোদককর্দমাণি
ন বেদশাস্ত্রধ্বনিগর্জিতানি ।
স্বাহাস্বধাকারবিবর্জিতানি
শ্মশানতুল্যানি গৃহাণি তানি ॥ 10 ॥

সত্যং মাতা পিতা জ্ঞানং ধর্মো ভ্রাতা দযা সখা ।
শাংতিঃ পত্নী ক্ষমা পুত্রঃ ষডেতে মম বাংধবাঃ ॥ 11 ॥

অনিত্যানি শরীরাণি বিভবো নৈব শাশ্বতঃ ।
নিত্যং সংনিহিতো মৃত্যুঃ কর্তব্যো ধর্মসংগ্রহঃ ॥ 12 ॥

নিমংত্রোত্সবা বিপ্রা গাবো নবতৃণোত্সবাঃ ।
পত্যুত্সাহযুতা ভার্যা অহং কৃষ্ণচরণোত্সবঃ ॥ 13 ॥

মাতৃবত্পরদারেষু পরদ্রব্যেষু লোষ্ট্রবত্ ।
আত্মবত্সর্বভূতেষু যঃ পশ্যতি স পংডিতঃ ॥ 14 ॥

ধর্মে তত্পরতা মুখে মধুরতা দানে সমুত্সাহতা
মিত্রেঽবংচকতা গুরৌ বিনযতা চিত্তেঽতিমভীরতা ।
আচারে শুচিতা গুণে রসিকতা শাস্ত্রেষু বিজ্ঞানতা
রূপে সুংদরতা শিবে ভজনতা ত্বয্যস্তি ভো রাঘব ॥ 15 ॥

কাষ্ঠং কল্পতরুঃ সুমেরুচলশ্চিংতামণিঃ প্রস্তরঃ
সূর্যাস্তীব্রকরঃ শশী ক্ষযকরঃ ক্ষারো হি বারাং নিধিঃ ।
কামো নষ্টতনুর্বলির্দিতিসুতো নিত্যং পশুঃ কামগৌ-
র্নৈতাংস্তে তুলযামি ভো রঘুপতে কস্যোপমা দীযতে ॥ 16 ॥

বিদ্যা মিত্রং প্রবাসে চ ভার্যা মিত্রং গৃহেষু চ ।
ব্যাধিতস্যৌষধং মিত্রং ধর্মো মিত্রং মৃতস্য চ ॥ 17 ॥

বিনযং রাজপুত্রেভ্যঃ পংডিতেভ্যঃ সুভাষিতম্ ।
অনৃতং দ্যূতকারেভ্যঃ স্ত্রীভ্যঃ শিক্ষেত কৈতবম্ ॥ 18 ॥

অনালোক্য ব্যযং কর্তা অনাথঃ কলহপ্রিযঃ ।
আতুরঃ সর্বক্ষেত্রেষু নরঃ শীঘ্রং বিনশ্যতি ॥ 19 ॥

নাহারং চিংতযেত্প্রাজ্ঞো ধর্মমেকং হি চিংতযেত্ ।
আহারো হি মনুষ্যাণাং জন্মনা সহ জাযতে ॥ 20 ॥

ধনধান্যপ্রযোগেষু বিদ্যাসংগ্রহণে তথা ।
আহারে ব্যবহারে চ ত্যক্তলজ্জঃ সুখী ভবেত্ ॥ 21 ॥

জলবিংদুনিপাতেন ক্রমশঃ পূর্যতে ঘটঃ ।
স হেতুঃ সর্ববিদ্যানাং ধর্মস্য চ ধনস্য চ ॥ 22 ॥

বযসঃ পরিণামেঽপি যঃ খলঃ খল এব সঃ ।
সংপক্বমপি মাধুর্যং নোপযাতীংদ্রবারুণম্ ॥ 23 ॥

chanakya neethi chapter 12 in assamese