శ్రీ ధూమావతీ అష్టోత్తర శత నామా స్తోత్రం

sri dhumavati ashtottara satanama stotram in telugu

ఈశ్వర ఉవాచ
ఓం ధూమావతీ ధూమ్రవర్ణా ధూమ్రపానపరాయణా ।
ధూమ్రాక్షమథినీ ధన్యా ధన్యస్థాననివాసినీ ॥ 1 ॥

అఘోరాచారసంతుష్టా అఘోరాచారమండితా ।
అఘోరమంత్రసంప్రీతా అఘోరమంత్రపూజితా ॥ 2 ॥

అట్టాట్టహాసనిరతా మలినాంబరధారిణీ ।
వృద్ధా విరూపా విధవా విద్యా చ విరళద్విజా ॥ 3 ॥

ప్రవృద్ధఘోణా కుముఖీ కుటిలా కుటిలేక్షణా ।
కరాళీ చ కరాళాస్యా కంకాళీ శూర్పధారిణీ ॥ 4 ॥

కాకధ్వజరథారూఢా కేవలా కఠినా కుహూః ।
క్షుత్పిపాసార్దితా నిత్యా లలజ్జిహ్వా దిగంబరీ ॥ 5 ॥

దీర్ఘోదరీ దీర్ఘరవా దీర్ఘాంగీ దీర్ఘమస్తకా ।
విముక్తకుంతలా కీర్త్యా కైలాసస్థానవాసినీ ॥ 6 ॥

క్రూరా కాలస్వరూపా చ కాలచక్రప్రవర్తినీ ।
వివర్ణా చంచలా దుష్టా దుష్టవిధ్వంసకారిణీ ॥ 7 ॥

చండీ చండస్వరూపా చ చాముండా చండనిఃస్వనా ।
చండవేగా చండగతిశ్చండముండవినాశినీ ॥ 8 ॥

చాండాలినీ చిత్రరేఖా చిత్రాంగీ చిత్రరూపిణీ ।
కృష్ణా కపర్దినీ కుల్లా కృష్ణారూపా క్రియావతీ ॥ 9 ॥

కుంభస్తనీ మహోన్మత్తా మదిరాపానవిహ్వలా ।
చతుర్భుజా లలజ్జిహ్వా శత్రుసంహారకారిణీ ॥ 10 ॥

శవారూఢా శవగతా శ్మశానస్థానవాసినీ ।
దురారాధ్యా దురాచారా దుర్జనప్రీతిదాయినీ ॥ 11 ॥

నిర్మాంసా చ నిరాకారా ధూమహస్తా వరాన్వితా ।
కలహా చ కలిప్రీతా కలికల్మషనాశినీ ॥ 12 ॥

మహాకాలస్వరూపా చ మహాకాలప్రపూజితా ।
మహాదేవప్రియా మేధా మహాసంకటనాశినీ ॥ 13 ॥

భక్తప్రియా భక్తగతిర్భక్తశత్రువినాశినీ ।
భైరవీ భువనా భీమా భారతీ భువనాత్మికా ॥ 14 ॥

భేరుండా భీమనయనా త్రినేత్రా బహురూపిణీ ।
త్రిలోకేశీ త్రికాలజ్ఞా త్రిస్వరూపా త్రయీతనుః ॥ 15 ॥

త్రిమూర్తిశ్చ తథా తన్వీ త్రిశక్తిశ్చ త్రిశూలినీ ।
ఇతి ధూమామహత్ స్తోత్రం నామ్నామష్టశతాత్మకమ్ ॥ 16 ॥

మయా తే కథితం దేవి శత్రుసంఘవినాశనమ్ ।
కారాగారే రిపుగ్రస్తే మహోత్పాతే మహాభయే ॥ 17 ॥

ఇదం స్తోత్రం పఠేన్మర్త్యో ముచ్యతే సర్వసంకటైః ।
గుహ్యాద్గుహ్యతరం గుహ్యం గోపనీయం ప్రయత్నతః ॥ 18 ॥

చతుష్పదార్థదం నౄణాం సర్వసంపత్ప్రదాయకమ్ ॥ 19 ॥

ఇతి శ్రీధూమావత్యష్టోత్తరశతనామస్తోత్రమ్ ।

sri dhumavati ashtottara satanama stotram in telugu