શ્રી ધૂમાવતી અષ્ટોત્તર શત નામા સ્તોત્રં

sri dhumavati ashtottara satanama stotram in gujarati

ઈશ્વર ઉવાચ
ઓં ધૂમાવતી ધૂમ્રવર્ણા ધૂમ્રપાનપરાયણા ।
ધૂમ્રાક્ષમથિની ધન્યા ધન્યસ્થાનનિવાસિની ॥ 1 ॥

અઘોરાચારસંતુષ્ટા અઘોરાચારમંડિતા ।
અઘોરમંત્રસંપ્રીતા અઘોરમંત્રપૂજિતા ॥ 2 ॥

અટ્ટાટ્ટહાસનિરતા મલિનાંબરધારિણી ।
વૃદ્ધા વિરૂપા વિધવા વિદ્યા ચ વિરળદ્વિજા ॥ 3 ॥

પ્રવૃદ્ધઘોણા કુમુખી કુટિલા કુટિલેક્ષણા ।
કરાળી ચ કરાળાસ્યા કંકાળી શૂર્પધારિણી ॥ 4 ॥

કાકધ્વજરથારૂઢા કેવલા કઠિના કુહૂઃ ।
ક્ષુત્પિપાસાર્દિતા નિત્યા લલજ્જિહ્વા દિગંબરી ॥ 5 ॥

દીર્ઘોદરી દીર્ઘરવા દીર્ઘાંગી દીર્ઘમસ્તકા ।
વિમુક્તકુંતલા કીર્ત્યા કૈલાસસ્થાનવાસિની ॥ 6 ॥

ક્રૂરા કાલસ્વરૂપા ચ કાલચક્રપ્રવર્તિની ।
વિવર્ણા ચંચલા દુષ્ટા દુષ્ટવિધ્વંસકારિણી ॥ 7 ॥

ચંડી ચંડસ્વરૂપા ચ ચામુંડા ચંડનિઃસ્વના ।
ચંડવેગા ચંડગતિશ્ચંડમુંડવિનાશિની ॥ 8 ॥

ચાંડાલિની ચિત્રરેખા ચિત્રાંગી ચિત્રરૂપિણી ।
કૃષ્ણા કપર્દિની કુલ્લા કૃષ્ણારૂપા ક્રિયાવતી ॥ 9 ॥

કુંભસ્તની મહોન્મત્તા મદિરાપાનવિહ્વલા ।
ચતુર્ભુજા લલજ્જિહ્વા શત્રુસંહારકારિણી ॥ 10 ॥

શવારૂઢા શવગતા શ્મશાનસ્થાનવાસિની ।
દુરારાધ્યા દુરાચારા દુર્જનપ્રીતિદાયિની ॥ 11 ॥

નિર્માંસા ચ નિરાકારા ધૂમહસ્તા વરાન્વિતા ।
કલહા ચ કલિપ્રીતા કલિકલ્મષનાશિની ॥ 12 ॥

મહાકાલસ્વરૂપા ચ મહાકાલપ્રપૂજિતા ।
મહાદેવપ્રિયા મેધા મહાસંકટનાશિની ॥ 13 ॥

ભક્તપ્રિયા ભક્તગતિર્ભક્તશત્રુવિનાશિની ।
ભૈરવી ભુવના ભીમા ભારતી ભુવનાત્મિકા ॥ 14 ॥

ભેરુંડા ભીમનયના ત્રિનેત્રા બહુરૂપિણી ।
ત્રિલોકેશી ત્રિકાલજ્ઞા ત્રિસ્વરૂપા ત્રયીતનુઃ ॥ 15 ॥

ત્રિમૂર્તિશ્ચ તથા તન્વી ત્રિશક્તિશ્ચ ત્રિશૂલિની ।
ઇતિ ધૂમામહત્ સ્તોત્રં નામ્નામષ્ટશતાત્મકમ્ ॥ 16 ॥

મયા તે કથિતં દેવિ શત્રુસંઘવિનાશનમ્ ।
કારાગારે રિપુગ્રસ્તે મહોત્પાતે મહાભયે ॥ 17 ॥

ઇદં સ્તોત્રં પઠેન્મર્ત્યો મુચ્યતે સર્વસંકટૈઃ ।
ગુહ્યાદ્ગુહ્યતરં ગુહ્યં ગોપનીયં પ્રયત્નતઃ ॥ 18 ॥

ચતુષ્પદાર્થદં નૄણાં સર્વસંપત્પ્રદાયકમ્ ॥ 19 ॥

ઇતિ શ્રીધૂમાવત્યષ્ટોત્તરશતનામસ્તોત્રમ્ ।

sri dhumavati ashtottara satanama stotram in gujarati