శ్రీ భువనెశ్వరీ అష్టోత్తర శత నామా స్తోత్రం

sri bhuvaneshwari ashtottara satanama stotram in telugu

కైలాసశిఖరే రమ్యే నానారత్నోపశోభితే ।
నరనారీహితార్థాయ శివం పప్రచ్ఛ పార్వతీ ॥ 1 ॥

దేవ్యువాచ
భువనేశీ మహావిద్యా నామ్నామష్టోత్తరం శతమ్ ।
కథయస్వ మహాదేవ యద్యహం తవ వల్లభా ॥ 2 ॥

ఈశ్వర ఉవాచ
శృణు దేవి మహాభాగే స్తవరాజమిదం శుభమ్ ।
సహస్రనామ్నామధికం సిద్ధిదం మోక్షహేతుకమ్ ॥ 3 ॥

శుచిభిః ప్రాతరుత్థాయ పఠితవ్యః సమాహితైః ।
త్రికాలం శ్రద్ధయా యుక్తైః సర్వకామఫలప్రదః ॥ 4 ॥

అస్య శ్రీభువనేశ్వర్యష్టోత్తరశతనామ స్తోత్రమంత్రస్య శక్తిరృషిః గాయత్రీ ఛందః శ్రీభువనేశ్వరీ దేవతా చతుర్విధఫల పురుషార్థ సిద్ధ్యర్థే జపే వినియోగః ॥

అథ స్తోత్రం
ఓం మహామాయా మహావిద్యా మహాయోగా మహోత్కటా ।
మాహేశ్వరీ కుమారీ చ బ్రహ్మాణీ బ్రహ్మరూపిణీ ॥ 5 ॥

వాగీశ్వరీ యోగరూపా యోగినీకోటిసేవితా ।
జయా చ విజయా చైవ కౌమారీ సర్వమంగళా ॥ 6 ॥

హింగుళా చ విలాసీ చ జ్వాలినీ జ్వాలరూపిణీ ।
ఈశ్వరీ క్రూరసంహారీ కులమార్గప్రదాయినీ ॥ 7 ॥

వైష్ణవీ సుభగాకారా సుకుల్యా కులపూజితా ।
వామాంగా వామచారా చ వామదేవప్రియా తథా ॥ 8 ॥

డాకినీ యోగినీరూపా భూతేశీ భూతనాయికా ।
పద్మావతీ పద్మనేత్రా ప్రబుద్ధా చ సరస్వతీ ॥ 9 ॥

భూచరీ ఖేచరీ మాయా మాతంగీ భువనేశ్వరీ ।
కాంతా పతివ్రతా సాక్షీ సుచక్షుః కుండవాసినీ ॥ 10 ॥

ఉమా కుమారీ లోకేశీ సుకేశీ పద్మరాగిణీ ।
ఇంద్రాణీ బ్రహ్మచండాలీ చండికా వాయువల్లభా ॥ 11 ॥

సర్వధాతుమయీమూర్తిర్జలరూపా జలోదరీ ।
ఆకాశీ రణగా చైవ నృకపాలవిభూషణా ॥ 12 ॥

నర్మదా మోక్షదా చైవ ధర్మకామార్థదాయినీ ।
గాయత్రీ చాఽథ సావిత్రీ త్రిసంధ్యా తీర్థగామినీ ॥ 13 ॥

అష్టమీ నవమీ చైవ దశమ్యైకాదశీ తథా ।
పౌర్ణమాసీ కుహూరూపా తిథిమూర్తిస్వరూపిణీ ॥ 14 ॥

సురారినాశకారీ చ ఉగ్రరూపా చ వత్సలా ।
అనలా అర్ధమాత్రా చ అరుణా పీతలోచనా ॥ 15 ॥

లజ్జా సరస్వతీ విద్యా భవానీ పాపనాశినీ ।
నాగపాశధరా మూర్తిరగాధా ధృతకుండలా ॥ 16 ॥

క్షత్రరూపా క్షయకరీ తేజస్వినీ శుచిస్మితా ।
అవ్యక్తావ్యక్తలోకా చ శంభురూపా మనస్వినీ ॥ 17 ॥

మాతంగీ మత్తమాతంగీ మహాదేవప్రియా సదా ।
దైత్యఘ్నీ చైవ వారాహీ సర్వశాస్త్రమయీ శుభా ॥ 18 ॥

య ఇదం పఠతే భక్త్యా శృణుయాద్వా సమాహితః ।
అపుత్రో లభతే పుత్రం నిర్ధనో ధనవాన్ భవేత్ ॥ 19 ॥

మూర్ఖోఽపి లభతే శాస్త్రం చోరోఽపి లభతే గతిమ్ ।
వేదానాం పాఠకో విప్రః క్షత్రియో విజయీ భవేత్ ॥ 20 ॥

వైశ్యస్తు ధనవాన్ భూయాచ్ఛూద్రస్తు సుఖమేధతే ।
అష్టమ్యాం చ చతుర్దశ్యాం నవమ్యాం చైకచేతసః ॥ 21 ॥

యే పఠంతి సదా భక్త్యా న తే వై దుఃఖభాగినః ।
ఏకకాలం ద్వికాలం వా త్రికాలం వా చతుర్థకమ్ ॥ 22 ॥

యే పఠంతి సదా భక్త్యా స్వర్గలోకే చ పూజితాః ।
రుద్రం దృష్ట్వా యథా దేవాః పన్నగా గరుడం యథా ।
శత్రవః ప్రపలాయంతే తస్య వక్త్రవిలోకనాత్ ॥ 23 ॥

ఇతి శ్రీరుద్రయామలే దేవీశ్వరసంవాదే శ్రీ భువనేశ్వర్యష్టోత్తరశతనామ స్తోత్రమ్ ।

sri bhuvaneshwari ashtottara satanama stotram in telugu