শ্রী ভুবনেশ্বরী অষ্টোত্তর শত নামা স্তোত্রং

sri bhuvaneshwari ashtottara satanama stotram in assamese

কৈলাসশিখরে রম্যে নানারত্নোপশোভিতে ।
নরনারীহিতার্থায শিবং পপ্রচ্ছ পার্বতী ॥ 1 ॥

দেব্যুবাচ
ভুবনেশী মহাবিদ্যা নাম্নামষ্টোত্তরং শতম্ ।
কথযস্ব মহাদেব যদ্যহং তব বল্লভা ॥ 2 ॥

ঈশ্বর উবাচ
শৃণু দেবি মহাভাগে স্তবরাজমিদং শুভম্ ।
সহস্রনাম্নামধিকং সিদ্ধিদং মোক্ষহেতুকম্ ॥ 3 ॥

শুচিভিঃ প্রাতরুত্থায পঠিতব্যঃ সমাহিতৈঃ ।
ত্রিকালং শ্রদ্ধযা যুক্তৈঃ সর্বকামফলপ্রদঃ ॥ 4 ॥

অস্য শ্রীভুবনেশ্বর্যষ্টোত্তরশতনাম স্তোত্রমংত্রস্য শক্তিরৃষিঃ গাযত্রী ছংদঃ শ্রীভুবনেশ্বরী দেবতা চতুর্বিধফল পুরুষার্থ সিদ্ধ্যর্থে জপে বিনিযোগঃ ॥

অথ স্তোত্রম্
ওং মহামাযা মহাবিদ্যা মহাযোগা মহোত্কটা ।
মাহেশ্বরী কুমারী চ ব্রহ্মাণী ব্রহ্মরূপিণী ॥ 5 ॥

বাগীশ্বরী যোগরূপা যোগিনীকোটিসেবিতা ।
জযা চ বিজযা চৈব কৌমারী সর্বমংগলা ॥ 6 ॥

হিংগুলা চ বিলাসী চ জ্বালিনী জ্বালরূপিণী ।
ঈশ্বরী ক্রূরসংহারী কুলমার্গপ্রদাযিনী ॥ 7 ॥

বৈষ্ণবী সুভগাকারা সুকুল্যা কুলপূজিতা ।
বামাংগা বামচারা চ বামদেবপ্রিযা তথা ॥ 8 ॥

ডাকিনী যোগিনীরূপা ভূতেশী ভূতনাযিকা ।
পদ্মাবতী পদ্মনেত্রা প্রবুদ্ধা চ সরস্বতী ॥ 9 ॥

ভূচরী খেচরী মাযা মাতংগী ভুবনেশ্বরী ।
কাংতা পতিব্রতা সাক্ষী সুচক্ষুঃ কুংডবাসিনী ॥ 10 ॥

উমা কুমারী লোকেশী সুকেশী পদ্মরাগিণী ।
ইংদ্রাণী ব্রহ্মচংডালী চংডিকা বাযুবল্লভা ॥ 11 ॥

সর্বধাতুমযীমূর্তির্জলরূপা জলোদরী ।
আকাশী রণগা চৈব নৃকপালবিভূষণা ॥ 12 ॥

নর্মদা মোক্ষদা চৈব ধর্মকামার্থদাযিনী ।
গাযত্রী চাঽথ সাবিত্রী ত্রিসংধ্যা তীর্থগামিনী ॥ 13 ॥

অষ্টমী নবমী চৈব দশম্যৈকাদশী তথা ।
পৌর্ণমাসী কুহূরূপা তিথিমূর্তিস্বরূপিণী ॥ 14 ॥

সুরারিনাশকারী চ উগ্ররূপা চ বত্সলা ।
অনলা অর্ধমাত্রা চ অরুণা পীতলোচনা ॥ 15 ॥

লজ্জা সরস্বতী বিদ্যা ভবানী পাপনাশিনী ।
নাগপাশধরা মূর্তিরগাধা ধৃতকুংডলা ॥ 16 ॥

ক্ষত্ররূপা ক্ষযকরী তেজস্বিনী শুচিস্মিতা ।
অব্যক্তাব্যক্তলোকা চ শংভুরূপা মনস্বিনী ॥ 17 ॥

মাতংগী মত্তমাতংগী মহাদেবপ্রিযা সদা ।
দৈত্যঘ্নী চৈব বারাহী সর্বশাস্ত্রমযী শুভা ॥ 18 ॥

য ইদং পঠতে ভক্ত্যা শৃণুযাদ্বা সমাহিতঃ ।
অপুত্রো লভতে পুত্রং নির্ধনো ধনবান্ ভবেত্ ॥ 19 ॥

মূর্খোঽপি লভতে শাস্ত্রং চোরোঽপি লভতে গতিম্ ।
বেদানাং পাঠকো বিপ্রঃ ক্ষত্রিযো বিজযী ভবেত্ ॥ 20 ॥

বৈশ্যস্তু ধনবান্ ভূযাচ্ছূদ্রস্তু সুখমেধতে ।
অষ্টম্যাং চ চতুর্দশ্যাং নবম্যাং চৈকচেতসঃ ॥ 21 ॥

যে পঠংতি সদা ভক্ত্যা ন তে বৈ দুঃখভাগিনঃ ।
এককালং দ্বিকালং বা ত্রিকালং বা চতুর্থকম্ ॥ 22 ॥

যে পঠংতি সদা ভক্ত্যা স্বর্গলোকে চ পূজিতাঃ ।
রুদ্রং দৃষ্ট্বা যথা দেবাঃ পন্নগা গরুডং যথা ।
শত্রবঃ প্রপলাযংতে তস্য বক্ত্রবিলোকনাত্ ॥ 23 ॥

ইতি শ্রীরুদ্রযামলে দেবীশ্বরসংবাদে শ্রী ভুবনেশ্বর্যষ্টোত্তরশতনাম স্তোত্রম্ ।

sri bhuvaneshwari ashtottara satanama stotram in assamese