ஶ்ரீ பீதாம்ப³ரோபநிஷத்

ஓம் அத² ஹைநாம் ப்³ரஹ்மரந்த்⁴ரே ஸுப⁴கா³ம் ப்³ரஹ்மாஸ்த்ரஸ்வரூபிணீமாப்நோதி ப்³ரஹ்மாஸ்த்ராம் மஹாவித்³யாம் ஶாம்ப⁴வீம் ஸர்வஸ்தம்ப⁴கரீம் ஸித்³தா⁴ம் சதுர்பு⁴ஜாம் த³க்ஷாப்⁴யாம் கராப்⁴யாம் முத்³க³ரபாஶௌ வாமாப்⁴யாம் ஶத்ருஜிஹ்வாவஜ்ரே த³தா⁴நாம் பீதவாஸஸம் பீதாலங்காரஸம்பந்நாம் த்³ருடீ⁴பூ⁴தபீநோந்நதபயோத⁴ரயுக்³மாட்⁴யாம் தப்தகார்தஸ்வரகுண்ட³லத்³வயவிராஜிதமுகா²ம்போ⁴ஜாம் லலாடபட்டோல்லஸத்பீதசந்த்³ரார்த⁴மநுபி³ப்⁴ரதீமுத்³யத்³தி³வாகரோத்³யோதாம் ஸ்வர்ணஸிம்ஹாஸநமத்⁴யகமலஸம்ஸ்தா²ம் தி⁴யா ஸஞ்சிந்த்ய தது³பரி த்ரிகோணஷட்கோணவஸுபத்ரவ்ருத்தாந்த꞉ ஷோட³ஶத³ளகமலோபரி பூ⁴பி³ம்ப³த்ரயமநுஸந்தா⁴ய தத்ராத்³யயோந்யந்தரே தே³வீமாஹூய த்⁴யாயேத் । யோநிம் ஜக³த்³யோநிம் ஸமாயமுச்சார்ய ஶிவாந்தே பூ⁴மாக்³ரபி³ந்து³மிந்து³க²ண்ட³மக்³நிபீ³ஜம் ததோ வருணாங்ககு³ணார்ணமத்ரியுதம் ஸ்தி²ராமுகி² இதி ஸம்போ³த்⁴ய ஸர்வது³ஷ்டாநாமித³ம் சாபா⁴ஷ்ய வாசமிதி முக²மிதி பத³மிதி ஸ்தம்ப⁴யேதி வோச்சார்ய ஜிஹ்வாம் வைஶாரதீ³ம் கீலயேதி பு³த்³தி⁴ம் விநாஶயேதி ப்ரோச்சார்ய பூ⁴மாயாம் வேதா³த்³யம் ததோ யஜ்ஞபூ⁴கு³ஹாயாம் யோஜயேத் । ஸ மஹாஸ்தம்பே⁴ஶ்வர꞉ ஸர்வேஶ்வர꞉ । ஸ ஸேநாஸ்தம்ப⁴ம் கரோதி । கிம் ப³ஹுநா விவஸ்வத்³த்⁴ருதிஸ்தம்ப⁴கர்தா ஸர்வவாதஸ்தம்ப⁴கர்தேதி । கிம் தி³வாகர்ஷயதி । ஸ ஸர்வவித்³யேஶ்வர꞉ ஸர்வமந்த்ரேஶ்வரோ பூ⁴த்வா பூஜாயா ஆவர்தநம் த்ரைலோக்யஸ்தம்பி⁴ந்யா꞉ குர்யாத் । அங்க³மாத்³யம் த்³வாரதோ க³ணேஶம் வடுகம் யோகி³நீம் க்ஷேத்ராதீ⁴ஶம் ச பூர்வாதி³கமப்⁴யர்ச்ய கு³ருபங்க்திமீஶாஸுராந்தமந்த꞉ ப்ராச்யாதௌ³ க்ரமாநுக³தா ப³க³ளா ஸ்தம்பி⁴நீ ஜ்ரும்பி⁴ணீ மோஹிநீ வஶ்யா அசலா சலா து³ர்த⁴ரா அகல்மஷா ஆதா⁴ரா கல்பநா காலகர்ஷிணீ ப்⁴ரமரிகா மத³க³மநா போ⁴கா³ யோகி³கா ஏதா ஹ்யஷ்டத³ளாநுக³தா꞉ பூஜ்யா꞉ । ப்³ராஹ்மீ மாஹேஶ்வரீ கௌமாரீ வைஷ்ணவீ வாராஹீ நாரஸிம்ஹீ சாமுண்டா³ மஹாலக்ஷ்மீஶ்ச । ஷட்³யோநிக³ர்பா⁴ந்தா டா³கிநீ ராகிநீ லாகிநீ காகிநீ ஶாகிநீ ஹாகிநீ வேத்³யாத்³யஸ்தி²ரமாயாத்³யா꞉ ஸமப்⁴யர்ச்ய ஶக்ராக்³நியமநிர்ருதிவருணவாயவ்யத⁴நதே³ஶாநப்ரஜாபதிநாகே³ஶா꞉ பரிவாராபி⁴மதா꞉ ஸ்தி²ராதி³வேதா³த்³யா꞉ ஸவாஹநா꞉ ஸத³ஸ்த்ரகா பா³ஹ்யதோ(அ)ப்⁴யர்ச்ய தாம் யோநிம் ரதிப்ரீதிமநோப⁴வா ஏதா꞉ ஸர்வா꞉ ஸமா꞉ பீதாம்ஶுகா த்⁴யேயா꞉ । தத³ந்தமூலாயாம் ப³லாதி³ஷோட³ஶாநுக³தா꞉ பூஜ்யா꞉ நீராஜநை꞉ । ஸ ஹைஶ்வர்யயுக்தோ ப⁴வதி । ய ஏநாம் த்⁴யாயதி ஸ வாக்³மீ ப⁴வதி । ஸோ(அ)ம்ருதமஶ்நுதே । ஸர்வஸித்³தி⁴கர்தா ப⁴வதி । ஸ்ருஷ்டிஸ்தி²திஸம்ஹாரகர்தா ப⁴வதி । ஸ ஸர்வேஶ்வரோ ப⁴வதி । ஸ து ருத்³தீ⁴ஶ்வரோ ப⁴வதி । ஸ ஶாக்த꞉ ஸ வைஷ்ணவ꞉ ஸ க³ணப꞉ ஸ ஶைவ꞉ । ஸ ஜீவந்முக்தோ ப⁴வதி । ஸ ஸந்ந்யாஸீ ப⁴வதி । ந்யஸநம் ந்யாஸ꞉ । ஸம்யங்ந்யாஸ꞉ ஸந்ந்யாஸ꞉ । ந து முண்டி³தமுண்ட³꞉ । ஷட்த்ரிம்ஶத³ஸ்த்ரேஶ்வரோ ப⁴வேத் ஸௌபா⁴க்³யார்சநேநேதி ப்ரோதம் வேத³ । ஓம் ஶிவம் ॥

இதி ஶ்ரீ பீதாம்ப³ரோபநிஷத் ॥