ஶ்ரீ ப³க³ளாமுகீ² ஹ்ருத³ய ஸ்தோத்ரம்

அஸ்ய ஶ்ரீப³க³ளாமுகீ² ஹ்ருத³யஸ்தோத்ரஸ்ய நாரத³ ருஷி꞉ அநுஷ்டுப் ச²ந்த³꞉ ஶ்ரீப³க³ளாமுகீ² தே³வதா ஹ்லீம் பீ³ஜம் க்லீம் ஶக்தி꞉ ஐம் கீலகம் ஶ்ரீப³க³ளாமுகீ² ப்ரஸாத³ஸித்³த்⁴யர்தே² ஜபே விநியோக³꞉ ॥

ருஷ்யாதி³ந்யாஸ꞉ –
ஓம் நாரத³ருஷயே நம꞉ ஶிரஸி ।
ஓம் அநுஷ்டுப் ச²ந்த³ஸே நம꞉ முகே² ।
ஓம் ஶ்ரீப³க³ளாமுகீ² தே³வதாயை நம꞉ ஹ்ருத³யே ।
ஓம் ஹ்லீம் பீ³ஜாய நம꞉ கு³ஹ்யே ।
ஓம் க்லீம் ஶக்தயே நம꞉ பாத³யோ꞉ ।
ஓம் ஐம் கீலகாய நம꞉ ஸர்வாங்கே³ ।

கரந்யாஸ꞉ –
ஓம் ஹ்லீம் அங்கு³ஷ்டா²ப்⁴யாம் நம꞉ ।
ஓம் க்லீம் தர்ஜநீப்⁴யாம் நம꞉ ।
ஓம் ஐம் மத்⁴யமாப்⁴யாம் நம꞉ ।
ஓம் ஹ்லீம் அநாமிகாப்⁴யாம் நம꞉ ।
ஓம் க்லீம் கநிஷ்டி²காப்⁴யாம் நம꞉ ।
ஓம் ஐம் கரதலகரப்ருஷ்டா²ப்⁴யாம் நம꞉ ।

அங்க³ந்யாஸ꞉ –
ஓம் ஹ்லீம் ஹ்ருத³யாய நம꞉ ।
ஓம் க்லீம் ஶிரஸே ஸ்வாஹா ।
ஓம் ஐம் ஶிகா²யை வஷட் ।
ஓம் ஹ்லீம் கவசாய ஹும் ।
ஓம் க்லீம் நேத்ரத்ரயாய வௌஷட் ।
ஓம் ஐம் அஸ்த்ராய ப²ட் ।
ஓம் ஹ்லீம் க்லீம் ஐம் இதி தி³க்³ப³ந்த⁴꞉ ॥

த்⁴யாநம் –
பீதாம்ப³ராம் பீதமால்யாம் பீதாப⁴ரணபூ⁴ஷிதாம் ।
பீதகஞ்ஜபத³த்³வந்த்³வாம் ப³க³ளாம் சிந்தயே(அ)நிஶம் ॥

(இதி த்⁴யாத்வா ஸம்பூஜ்ய ச)

ப்ரார்த²நா –
பீதஶங்க²க³தா³ஹஸ்தே பீதசந்த³நசர்சிதே ।
ப³க³ளே மே வரம் தே³ஹி ஶத்ருஸங்க⁴விதா³ரிணி ॥

(இதி ஸம்ப்ரார்த்²ய)

மநு꞉ –
ஓம் ஹ்லீம் க்லீம் ஐம் ப³க³ளாமுக்²யை க³தா³தா⁴ரிண்யை ப்ரேதாஸநாத்⁴யாஸிந்யை ஸ்வாஹா ॥

(இதி மந்த்ரம் ஜபித்வா புந꞉ பூர்வவத்³த்⁴ருத³யாதி³ ஷட³ங்க³ந்யாஸம் க்ருத்வா ஸ்தோத்ரம் படே²த் தத்³யதா²)

கரந்யாஸ꞉ –
ஓம் ஹ்லீம் அங்கு³ஷ்டா²ப்⁴யாம் நம꞉ ।
ஓம் க்லீம் தர்ஜநீப்⁴யாம் நம꞉ ।
ஓம் ஐம் மத்⁴யமாப்⁴யாம் நம꞉ ।
ஓம் ஹ்லீம் அநாமிகாப்⁴யாம் நம꞉ ।
ஓம் க்லீம் கநிஷ்டி²காப்⁴யாம் நம꞉ ।
ஓம் ஐம் கரதலகரப்ருஷ்டா²ப்⁴யாம் நம꞉ ।

அங்க³ந்யாஸ꞉ –
ஓம் ஹ்லீம் ஹ்ருத³யாய நம꞉ ।
ஓம் க்லீம் ஶிரஸே ஸ்வாஹா ।
ஓம் ஐம் ஶிகா²யை வஷட் ।
ஓம் ஹ்லீம் கவசாய ஹும் ।
ஓம் க்லீம் நேத்ரத்ரயாய வௌஷட் ।
ஓம் ஐம் அஸ்த்ராய ப²ட் ।
ஓம் ஹ்லீம் க்லீம் ஐம் இதி தி³க்³விமோக꞉ ॥

ஹ்ருத³யஸ்தோத்ரம் –
வந்தே³(அ)ஹம் ப³க³ளாம் தே³வீம் பீதபூ⁴ஷணபூ⁴ஷிதாம் ।
தேஜோரூபமயீம் தே³வீம் பீததேஜ꞉ஸ்வரூபிணீம் ॥ 1 ॥

க³தா³ப்⁴ரமணபி⁴ந்நாப்⁴ராம் ப்⁴ருகுடீபீ⁴ஷணாநநாம் ।
பீ⁴ஷயந்தீம் பீ⁴மஶத்ரூந் ப⁴ஜே ப⁴வ்யஸ்ய ப⁴க்திதா³ம் ॥ 2 ॥

பூர்ணசந்த்³ரஸமாநாஸ்யாம் பீதக³ந்தா⁴நுலேபநாம் ।
பீதாம்ப³ரபரீதா⁴நாம் பவித்ராமாஶ்ரயாம்யஹம் ॥ 3 ॥

பாலயந்தீமநுபலம் ப்ரஸமீக்ஷ்யா(அ)வநீதலே ।
பீதாசாரரதாம் ப⁴க்தாஸ்தாம் ப⁴வாநீம் ப⁴ஜாம்யஹம் ॥ 4 ॥

பீதபத்³மபத³த்³வந்த்³வாம் சம்பகாரண்யவாஸிநீம் ।
பீதாவதம்ஸாம் பரமாம் வந்தே³ பத்³மஜவந்தி³தாம் ॥ 5 ॥

லஸச்சாருஸிஞ்ஜத்ஸுமஞ்ஜீரபாதா³ம்
சலத்ஸ்வர்ணகர்ணாவதம்ஸாஞ்சிதாஸ்யாம் ।
வலத்பீதசந்த்³ராநநாம் சந்த்³ரவந்த்³யாம்
ப⁴ஜே பத்³மஜாதீ³ட்³யஸத்பாத³பத்³மாம் ॥ 6 ॥

ஸுபீதாப⁴யாமாலயா பூதமந்த்ரம்
பரம் தே ஜபந்தோ ஜயம் ஸல்லப⁴ந்தே ।
ரணே ராக³ரோஷாப்லுதாநாம் ரிபூணாம்
விவாதே³ ப³லாத்³வைரக்ருத்³கா⁴தமாத꞉ ॥ 7 ॥

ப⁴ரத்பீதபா⁴ஸ்வத்ப்ரபா⁴ஹஸ்கராபா⁴ம்
க³தா³க³ஞ்ஜிதாமித்ரக³ர்வாம் க³ரிஷ்டா²ம் ।
க³ரீயோ கு³ணாகா³ரகா³த்ராம் கு³ணாட்⁴யாம்
க³ணேஶாதி³க³ம்யாம் ஶ்ரயே நிர்கு³ணாட்⁴யாம் ॥ 8 ॥

ஜநா யே ஜபந்த்யுக்³ரபீ³ஜம் ஜக³த்ஸு
பரம் ப்ரத்யஹம் தே ஸ்மரந்த꞉ ஸ்வரூபம் ।
ப⁴வேத்³வாதி³நாம் வாங்முக²ஸ்தம்ப⁴ ஆத்³யே
ஜயோ ஜாயதே ஜல்பதாமாஶு தேஷாம் ॥ 9 ॥

தவ த்⁴யாநநிஷ்டா²ப்ரதிஷ்டா²த்மப்ரஜ்ஞா-
-வதாம் பாத³பத்³மார்சநே ப்ரேமயுக்தா꞉ ।
ப்ரஸந்நா ந்ருபா꞉ ப்ராக்ருதா꞉ பண்டி³தா வா
புராணாதி³கா தா³ஸதுல்யா ப⁴வந்தி ॥ 10 ॥

நமாமஸ்தே மாத꞉ கநககமநீயாங்க்⁴ரிஜலஜம்
ப³லத்³வித்³யுத்³வர்ணாம் க⁴நதிமிரவித்⁴வம்ஸகரணம் ।
ப⁴வாப்³தௌ⁴ மக்³நாத்மோத்தரணகரணம் ஸர்வஶரணம்
ப்ரபந்நாநாம் மாதர்ஜக³தி ப³க³ளே து³꞉க²த³மநம் ॥ 11 ॥

ஜ்வலஜ்ஜ்யோத்ஸ்நாரத்நாகரமணிவிஷக்தாங்கப⁴வநம்
ஸ்மராமஸ்தே தா⁴ம ஸ்மரஹரஹரீந்த்³ரேந்து³ ப்ரமுகை²꞉ ।
அஹோராத்ரம் ப்ராத꞉ ப்ரணயநவநீயம் ஸுவிஶத³ம்
பரம் பீதாகாரம் பரிசிதமணித்³வீபவஸநம் ॥ 12 ॥

வதா³மஸ்தே மாத꞉ ஶ்ருதிஸுக²கரம் நாம லலிதம்
லஸந்மாத்ராவர்ணம் ஜக³தி ப³க³ளேதி ப்ரசரிதம் ।
சலந்தஸ்திஷ்ட²ந்தோ வயமுபவிஶந்தோ(அ)பி ஶயநே
ப⁴ஜாமோ யச்ச்²ரேயோ தி³வி து³ரவலப்⁴யம் தி³விஷதா³ம் ॥ 13 ॥

பதா³ர்சாயாம் ப்ரீதி꞉ ப்ரதிதி³நமபூர்வா ப்ரப⁴வது
யதா² தே ப்ராஸந்ந்யம் ப்ரதிப²லமபேக்ஷ்யம் ப்ரணமதாம் ।
அநல்பம் தந்மாதர்ப⁴வதி ப்⁴ருதப⁴க்த்யா ப⁴வது நோ
தி³ஶாத꞉ ஸத்³ப⁴க்திம் பு⁴வி ப⁴க³வதாம் பூ⁴ரி ப⁴வதா³ம் ॥ 14 ॥

மம ஸகலரிபூணாம் வாங்முகே² ஸ்தம்ப⁴யாஶு
ப⁴க³வதி ரிபுஜிஹ்வாம் கீலய ப்ரஸ்த²துல்யாம் ।
வ்யவஸிதக²லபு³த்³தி⁴ம் நாஶயாஶு ப்ரக³ள்பா⁴ம்
மம குரு ப³ஹுகார்யம் ஸத்க்ருபே(அ)ம்ப³ ப்ரஸீத³ ॥ 15 ॥

வ்ரஜது மம ரிபூணாம் ஸத்³மநி ப்ரேதஸம்ஸ்தா²
கரத்⁴ருதக³த³யா தாந் கா⁴தயித்வாஶு ரோஷாத் ।
ஸக⁴நவஸநதா⁴ந்யம் ஸத்³ம தேஷாம் ப்ரத³ஹ்ய
புநரபி ப³க³ளா ஸ்வஸ்தா²நமாயாது ஶீக்⁴ரம் ॥ 16 ॥

கரத்⁴ருதரிபுஜிஹ்வாபீட³நம் வ்யக்³ரஹஸ்தாம்
புநரபி க³த³யா தாம்ஸ்தாட³யந்தீம் ஸுதந்த்ராம் ।
ப்ரணதஸுரக³ணாநாம் பாலிகாம் பீதவஸ்த்ராம்
ப³ஹுப³ல ப³க³ளாம் தாம் பீதவஸ்த்ராம் நமாம꞉ ॥ 17 ॥

ஹ்ருத³யவசநகாயை꞉ குர்வதாம் ப⁴க்திபுஞ்ஜம்
ப்ரகடித கருணார்த்³ராம் ப்ரீணதி ஜல்பதீதி ।
த⁴நமத² ப³ஹுதா⁴ந்யம் புத்ரபௌத்ராதி³வ்ருத்³தி⁴꞉
ஸகலமபி கிமேப்⁴யோ தே³யமேவம் த்வவஶ்யம் ॥ 18 ॥

தவ சரணஸரோஜம் ஸர்வதா³ ஸேவ்யமாநம்
த்³ருஹிணஹரிஹராத்³யைர்தே³வப்³ருந்தை³꞉ ஶரண்யம் ।
ம்ருது³ளமபி ஶரம் தே ஶர்மத³ம் ஸூரிஸேவ்யம்
வயமிஹ கரவாமோ மாதரேதத்³விதே⁴யம் ॥ 19 ॥

ப³க³ளாஹ்ருத³யஸ்தோத்ரமித³ம் ப⁴க்தி ஸமந்வித꞉ ।
படே²த்³யோ ப³க³ளா தஸ்ய ப்ரஸந்நா பாட²தோ ப⁴வேத் ॥ 20 ॥

பீதாத்⁴யாநபரோ ப⁴க்தோ ய꞉ ஶ்ருணோத்யவிகல்பத꞉ ।
நிஷ்கள்மஷோ ப⁴வேந்மர்த்யோ ம்ருதோ மோக்ஷமவாப்நுயாத் ॥ 21 ॥

ஆஶ்விநஸ்ய ஸிதே பக்ஷே மஹாஷ்டம்யாம் தி³வாநிஶம் ।
யஸ்த்வித³ம் பட²தே ப்ரேம்ணா ப³க³ளா ப்ரீதிமேதி ஸ꞉ ॥ 22 ॥

தே³வ்யாளயே பட²ந் மர்த்யோ ப³க³ளாம் த்⁴யாயதீஶ்வரீம் ।
பீதவஸ்த்ராவ்ருதோ யஸ்து தஸ்ய நஶ்யந்தி ஶத்ரவ꞉ ॥ 23 ॥

பீதாசாரரதோ நித்யம் பீதபூ⁴ஷாம் விசிந்தயந் ।
ப³க³ளாயா꞉ படே²ந்நித்யம் ஹ்ருத³யஸ்தோத்ரமுத்தமம் ॥ 24 ॥

ந கிஞ்சித்³து³ர்லப⁴ம் தஸ்ய த்³ருஶ்யதே ஜக³தீதலே ।
ஶத்ரவோ க்³ளாநிமாயாந்தி தஸ்ய த³ர்ஶநமாத்ரத꞉ ॥ 25 ॥

இதி ஸித்³தே⁴ஶ்வரதந்த்ரே உத்தரக²ண்டே³ ஶ்ரீப³க³ளாபடலே ஶ்ரீ ப³க³ளாமுகீ² ஹ்ருத³ய ஸ்தோத்ரம் ॥