1 (ருத்³ரயாமளே)

ப்³ரஹ்மாஸ்த்ரரூபிணீ தே³வீ மாதா ஶ்ரீப³க³ளாமுகீ² ।
சிச்சி²க்திர்ஜ்ஞாநரூபா ச ப்³ரஹ்மாநந்த³ப்ரதா³யிநீ ॥ 1 ॥

மஹாவித்³யா மஹாலக்ஷ்மீ꞉ ஶ்ரீமத்த்ரிபுரஸுந்த³ரீ ।
பு⁴வநேஶீ ஜக³ந்மாதா பார்வதீ ஸர்வமங்க³ளா ॥ 2 ॥

லலிதா பை⁴ரவீ ஶாந்தா அந்நபூர்ணா குலேஶ்வரீ ।
வாராஹீ சி²ந்நமஸ்தா ச தாரா காளீ ஸரஸ்வதீ ॥ 3 ॥

ஜக³த்பூஜ்யா மஹாமாயா காமேஶீ ப⁴க³மாலிநீ ।
த³க்ஷபுத்ரீ ஶிவாங்கஸ்தா² ஶிவரூபா ஶிவப்ரியா ॥ 4 ॥

ஸர்வஸம்பத்கரீ தே³வீ ஸர்வலோகவஶங்கரீ ।
வேத³வித்³யா மஹாபூஜ்யா ப⁴க்தாத்³வேஷீ ப⁴யங்கரீ ॥ 5 ॥

ஸ்தம்ப⁴ரூபா ஸ்தம்பி⁴நீ ச து³ஷ்டஸ்தம்ப⁴நகாரிணீ ।
ப⁴க்தப்ரியா மஹாபோ⁴கா³ ஶ்ரீவித்³யா லலிதாம்பி³கா ॥ 6 ॥

மைநாபுத்ரீ ஶிவாநந்தா³ மாதங்கீ³ பு⁴வநேஶ்வரீ ।
நாரஸிம்ஹீ நரேந்த்³ரா ச ந்ருபாராத்⁴யா நரோத்தமா ॥ 7 ॥

நாகி³நீ நாக³புத்ரீ ச நக³ராஜஸுதா உமா ।
பீதாம்பா³ பீதபுஷ்பா ச பீதவஸ்த்ரப்ரியா ஶுபா⁴ ॥ 8 ॥

பீதக³ந்த⁴ப்ரியா ராமா பீதரத்நார்சிதா ஶிவா ।
அர்த⁴சந்த்³ரத⁴ரீ தே³வீ க³தா³முத்³க³ரதா⁴ரிணீ ॥ 9 ॥

ஸாவித்ரீ த்ரிபதா³ ஶுத்³தா⁴ ஸத்³யோராக³விவர்தி⁴நீ ।
விஷ்ணுரூபா ஜக³ந்மோஹா ப்³ரஹ்மரூபா ஹரிப்ரியா ॥ 10 ॥

ருத்³ரரூபா ருத்³ரஶக்திஶ்சிந்மயீ ப⁴க்தவத்ஸலா ।
லோகமாதா ஶிவா ஸந்த்⁴யா ஶிவபூஜநதத்பரா ॥ 11 ॥

த⁴நாத்⁴யக்ஷா த⁴நேஶீ ச த⁴ர்மதா³ த⁴நதா³ த⁴நா ।
சண்ட³த³ர்பஹரீ தே³வீ ஶும்பா⁴ஸுரநிப³ர்ஹிணீ ॥ 12 ॥

ராஜராஜேஶ்வரீ தே³வீ மஹிஷாஸுரமர்தி³நீ ।
மது⁴கைடப⁴ஹந்த்ரீ ச ரக்தபீ³ஜவிநாஶிநீ ॥ 13 ॥

தூ⁴ம்ராக்ஷதை³த்யஹந்த்ரீ ச ப⁴ண்டா³ஸுரவிநாஶிநீ ।
ரேணுபுத்ரீ மஹாமாயா ப்⁴ராமரீ ப்⁴ரமராம்பி³கா ॥ 14 ॥

ஜ்வாலாமுகீ² ப⁴த்³ரகாளீ ப³க³ளா ஶத்ருநாஶிநீ ।
இந்த்³ராணீ இந்த்³ரபூஜ்யா ச கு³ஹமாதா கு³ணேஶ்வரீ ॥ 15 ॥

வஜ்ரபாஶத⁴ரா தே³வீ ஜிஹ்வாமுத்³க³ரதா⁴ரிணீ ।
ப⁴க்தாநந்த³கரீ தே³வீ ப³க³ளா பரமேஶ்வரீ ॥ 16 ॥

அஷ்டோத்தரஶதம் நாம்நாம் ப³க³ளாயாஸ்து ய꞉ படே²த் ।
ரிபுபா³தா⁴விநிர்முக்த꞉ லக்ஷ்மீஸ்தை²ர்யமவாப்நுயாத் ॥ 17 ॥

பூ⁴தப்ரேதபிஶாசாஶ்ச க்³ரஹபீடா³நிவாரணம் ।
ராஜாநோ வஶமாயாந்தி ஸர்வைஶ்வர்யம் ச விந்த³தி ॥ 18 ॥

நாநாவித்³யாம் ச லப⁴தே ராஜ்யம் ப்ராப்நோதி நிஶ்சிதம் ।
பு⁴க்திமுக்திமவாப்நோதி ஸாக்ஷாத் ஶிவஸமோ ப⁴வேத் ॥ 19 ॥

இதி ஶ்ரீருத்³ரயாமளே ஸர்வஸித்³தி⁴ப்ரத³ ஶ்ரீ ப³க³ளாமுகீ² அஷ்டோத்தரஶதநாம ஸ்தோத்ரம் ॥