೧ (ರುದ್ರಯಾಮಲೇ)

ಬ್ರಹ್ಮಾಸ್ತ್ರರೂಪಿಣೀ ದೇವೀ ಮಾತಾ ಶ್ರೀಬಗಳಾಮುಖೀ |
ಚಿಚ್ಛಿಕ್ತಿರ್ಜ್ಞಾನರೂಪಾ ಚ ಬ್ರಹ್ಮಾನಂದಪ್ರದಾಯಿನೀ || ೧ ||

ಮಹಾವಿದ್ಯಾ ಮಹಾಲಕ್ಷ್ಮೀಃ ಶ್ರೀಮತ್ತ್ರಿಪುರಸುಂದರೀ |
ಭುವನೇಶೀ ಜಗನ್ಮಾತಾ ಪಾರ್ವತೀ ಸರ್ವಮಂಗಳಾ || ೨ ||

ಲಲಿತಾ ಭೈರವೀ ಶಾಂತಾ ಅನ್ನಪೂರ್ಣಾ ಕುಲೇಶ್ವರೀ |
ವಾರಾಹೀ ಛಿನ್ನಮಸ್ತಾ ಚ ತಾರಾ ಕಾಳೀ ಸರಸ್ವತೀ || ೩ ||

ಜಗತ್ಪೂಜ್ಯಾ ಮಹಾಮಾಯಾ ಕಾಮೇಶೀ ಭಗಮಾಲಿನೀ |
ದಕ್ಷಪುತ್ರೀ ಶಿವಾಂಕಸ್ಥಾ ಶಿವರೂಪಾ ಶಿವಪ್ರಿಯಾ || ೪ ||

ಸರ್ವಸಂಪತ್ಕರೀ ದೇವೀ ಸರ್ವಲೋಕವಶಂಕರೀ |
ವೇದವಿದ್ಯಾ ಮಹಾಪೂಜ್ಯಾ ಭಕ್ತಾದ್ವೇಷೀ ಭಯಂಕರೀ || ೫ ||

ಸ್ತಂಭರೂಪಾ ಸ್ತಂಭಿನೀ ಚ ದುಷ್ಟಸ್ತಂಭನಕಾರಿಣೀ |
ಭಕ್ತಪ್ರಿಯಾ ಮಹಾಭೋಗಾ ಶ್ರೀವಿದ್ಯಾ ಲಲಿತಾಂಬಿಕಾ || ೬ ||

ಮೈನಾಪುತ್ರೀ ಶಿವಾನಂದಾ ಮಾತಂಗೀ ಭುವನೇಶ್ವರೀ |
ನಾರಸಿಂಹೀ ನರೇಂದ್ರಾ ಚ ನೃಪಾರಾಧ್ಯಾ ನರೋತ್ತಮಾ || ೭ ||

ನಾಗಿನೀ ನಾಗಪುತ್ರೀ ಚ ನಗರಾಜಸುತಾ ಉಮಾ |
ಪೀತಾಂಬಾ ಪೀತಪುಷ್ಪಾ ಚ ಪೀತವಸ್ತ್ರಪ್ರಿಯಾ ಶುಭಾ || ೮ ||

ಪೀತಗಂಧಪ್ರಿಯಾ ರಾಮಾ ಪೀತರತ್ನಾರ್ಚಿತಾ ಶಿವಾ |
ಅರ್ಧಚಂದ್ರಧರೀ ದೇವೀ ಗದಾಮುದ್ಗರಧಾರಿಣೀ || ೯ ||

ಸಾವಿತ್ರೀ ತ್ರಿಪದಾ ಶುದ್ಧಾ ಸದ್ಯೋರಾಗವಿವರ್ಧಿನೀ |
ವಿಷ್ಣುರೂಪಾ ಜಗನ್ಮೋಹಾ ಬ್ರಹ್ಮರೂಪಾ ಹರಿಪ್ರಿಯಾ || ೧೦ ||

ರುದ್ರರೂಪಾ ರುದ್ರಶಕ್ತಿಶ್ಚಿನ್ಮಯೀ ಭಕ್ತವತ್ಸಲಾ |
ಲೋಕಮಾತಾ ಶಿವಾ ಸಂಧ್ಯಾ ಶಿವಪೂಜನತತ್ಪರಾ || ೧೧ ||

ಧನಾಧ್ಯಕ್ಷಾ ಧನೇಶೀ ಚ ಧರ್ಮದಾ ಧನದಾ ಧನಾ |
ಚಂಡದರ್ಪಹರೀ ದೇವೀ ಶುಂಭಾಸುರನಿಬರ್ಹಿಣೀ || ೧೨ ||

ರಾಜರಾಜೇಶ್ವರೀ ದೇವೀ ಮಹಿಷಾಸುರಮರ್ದಿನೀ |
ಮಧುಕೈಟಭಹಂತ್ರೀ ಚ ರಕ್ತಬೀಜವಿನಾಶಿನೀ || ೧೩ ||

ಧೂಮ್ರಾಕ್ಷದೈತ್ಯಹಂತ್ರೀ ಚ ಭಂಡಾಸುರವಿನಾಶಿನೀ |
ರೇಣುಪುತ್ರೀ ಮಹಾಮಾಯಾ ಭ್ರಾಮರೀ ಭ್ರಮರಾಂಬಿಕಾ || ೧೪ ||

ಜ್ವಾಲಾಮುಖೀ ಭದ್ರಕಾಳೀ ಬಗಳಾ ಶತ್ರುನಾಶಿನೀ |
ಇಂದ್ರಾಣೀ ಇಂದ್ರಪೂಜ್ಯಾ ಚ ಗುಹಮಾತಾ ಗುಣೇಶ್ವರೀ || ೧೫ ||

ವಜ್ರಪಾಶಧರಾ ದೇವೀ ಜಿಹ್ವಾಮುದ್ಗರಧಾರಿಣೀ |
ಭಕ್ತಾನಂದಕರೀ ದೇವೀ ಬಗಳಾ ಪರಮೇಶ್ವರೀ || ೧೬ ||

ಅಷ್ಟೋತ್ತರಶತಂ ನಾಮ್ನಾಂ ಬಗಳಾಯಾಸ್ತು ಯಃ ಪಠೇತ್ |
ರಿಪುಬಾಧಾವಿನಿರ್ಮುಕ್ತಃ ಲಕ್ಷ್ಮೀಸ್ಥೈರ್ಯಮವಾಪ್ನುಯಾತ್ || ೧೭ ||

ಭೂತಪ್ರೇತಪಿಶಾಚಾಶ್ಚ ಗ್ರಹಪೀಡಾನಿವಾರಣಮ್ |
ರಾಜಾನೋ ವಶಮಾಯಾಂತಿ ಸರ್ವೈಶ್ವರ್ಯಂ ಚ ವಿಂದತಿ || ೧೮ ||

ನಾನಾವಿದ್ಯಾಂ ಚ ಲಭತೇ ರಾಜ್ಯಂ ಪ್ರಾಪ್ನೋತಿ ನಿಶ್ಚಿತಮ್ |
ಭುಕ್ತಿಮುಕ್ತಿಮವಾಪ್ನೋತಿ ಸಾಕ್ಷಾತ್ ಶಿವಸಮೋ ಭವೇತ್ || ೧೯ ||

ಇತಿ ಶ್ರೀರುದ್ರಯಾಮಲೇ ಸರ್ವಸಿದ್ಧಿಪ್ರದ ಶ್ರೀ ಬಗಳಾಮುಖೀ ಅಷ್ಟೋತ್ತರಶತನಾಮ ಸ್ತೋತ್ರಮ್ ||