brahmāstrarūpiṇī devī mātā śrībagalāmukhī |
cicchiktirjñānarūpā ca brahmānandapradāyinī || 1 ||
mahāvidyā mahālakṣmīḥ śrīmattripurasundarī |
bhuvaneśī jaganmātā pārvatī sarvamaṅgalā || 2 ||
lalitā bhairavī śāntā annapūrṇā kuleśvarī |
vārāhī chinnamastā ca tārā kālī sarasvatī || 3 ||
jagatpūjyā mahāmāyā kāmeśī bhagamālinī |
dakṣaputrī śivāṅkasthā śivarūpā śivapriyā || 4 ||
sarvasampatkarī devī sarvalokavaśaṅkarī |
vedavidyā mahāpūjyā bhaktādveṣī bhayaṅkarī || 5 ||
stambharūpā stambhinī ca duṣṭastambhanakāriṇī |
bhaktapriyā mahābhogā śrīvidyā lalitāmbikā || 6 ||
maināputrī śivānandā mātaṅgī bhuvaneśvarī |
nārasiṃhī narendrā ca nṛpārādhyā narottamā || 7 ||
nāginī nāgaputrī ca nagarājasutā umā |
pītāmbā pītapuṣpā ca pītavastrapriyā śubhā || 8 ||
pītagandhapriyā rāmā pītaratnārcitā śivā |
ardhacandradharī devī gadāmudgaradhāriṇī || 9 ||
sāvitrī tripadā śuddhā sadyorāgavivardhinī |
viṣṇurūpā jaganmohā brahmarūpā haripriyā || 10 ||
rudrarūpā rudraśaktiścinmayī bhaktavatsalā |
lokamātā śivā sandhyā śivapūjanatatparā || 11 ||
dhanādhyakṣā dhaneśī ca dharmadā dhanadā dhanā |
caṇḍadarpaharī devī śumbhāsuranibarhiṇī || 12 ||
rājarājeśvarī devī mahiṣāsuramardinī |
madhukaiṭabhahantrī ca raktabījavināśinī || 13 ||
dhūmrākṣadaityahantrī ca bhaṇḍāsuravināśinī |
reṇuputrī mahāmāyā bhrāmarī bhramarāmbikā || 14 ||
jvālāmukhī bhadrakālī bagalā śatrunāśinī |
indrāṇī indrapūjyā ca guhamātā guṇeśvarī || 15 ||
vajrapāśadharā devī jihvāmudgaradhāriṇī |
bhaktānandakarī devī bagalā parameśvarī || 16 ||
aṣṭottaraśataṃ nāmnāṃ bagalāyāstu yaḥ paṭhet |
ripubādhāvinirmuktaḥ lakṣmīsthairyamavāpnuyāt || 17 ||
bhūtapretapiśācāśca grahapīḍānivāraṇam |
rājāno vaśamāyānti sarvaiśvaryaṃ ca vindati || 18 ||
nānāvidyāṃ ca labhate rājyaṃ prāpnoti niścitam |
bhuktimuktimavāpnoti sākṣāt śivasamo bhavet || 19 ||
iti śrīrudrayāmale sarvasiddhiprada śrī bagalāmukhī aṣṭottaraśatanāma stotram ||
Leave a Comment