(a.ve.kā-5.sū-31)
yāṁ te̍ ca̱krurā̱me pātre̱ yāṁ ca̱krurmi̱śradhā̍nye |
ā̱me mā̱ṁse kṛ̱tyāṁ yāṁ ca̱kruḥ puna̱: prati̍ harāmi̱ tām || 1 ||
yāṁ te̍ ca̱kruḥ kṛ̍ka̱vākā̍va̱je vā̱ yāṁ ku̍rī̱riṇi̍ |
avyāṁ te kṛtyāṁ yāṁ ca̱kruḥ puna̱: prati̍ harāmi̱ tām || 2 ||
yāṁ te̍ ca̱krureka̍śaphe paśū̱nāmubha̱yāda̍ti |
ga̱rda̱bhe kṛ̱tyāṁ yāṁ ca̱kruḥ puna̱: prati̍ harāmi̱ tām || 3 ||
yāṁ te̍ ca̱krura̍mū̱lāyā̍ṁ vala̱gaṁ vā̍ narā̱cyām |
kṣetre̍ te kṛ̱tyāṁ yāṁ ca̱kruḥ puna̱: prati̍ harāmi̱ tām || 4 ||
yāṁ te̍ ca̱krurgārha̍patye pūrvā̱gnāvu̱ta du̱ścita̍: |
śālā̍yāṁ kṛ̱tyāṁ yāṁ ca̱kruḥ puna̱: prati̍ harāmi̱ tām || 5 ||
yāṁ te̍ ca̱kruḥ sa̱bhāyā̱ṁ yāṁ ca̱krura̍dhi̱deva̍ne |
a̱kṣeṣu̍ kṛ̱tyāṁ yāṁ ca̱kruḥ puna̱: prati̍ harāmi̱ tām || 6 ||
yāṁ te̍ ca̱kruḥ senā̍yā̱ṁ yāṁ ca̱kruri̍ṣvāyu̱dhe |
du̱ndu̱bhau kṛ̱tyāṁ yāṁ ca̱kruḥ puna̱: prati̍ harāmi̱ tām || 7 ||
yāṁ te̍ kṛ̱tyāṁ kūpe̍’vada̱dhuḥ śma̍śā̱ne vā̍ nica̱khnuḥ |
sadma̍ni kṛ̱tyāṁ yāṁ ca̱kruḥ puna̱: prati̍ harāmi̱ tām || 8 ||
yāṁ te̍ ca̱kruḥ pu̍ruṣā̱sthe a̱gnau saṅka̍suke ca̱ yām |
mro̱kaṁ ni̍rdā̱haṁ kra̱vyāda̱ṁ puna̱: prati̍ harāmi̱ tām || 9 ||
apa̍the̱nā ja̍bhāraiṇā̱ṁ tāṁ pa̱thetaḥ pra hi̍ṇmasi |
adhī̍ro maryā̱dhīre̍bhya̱: saṁ ja̍bhā̱rāci̍ttyā || 10 ||
yaśca̱kāra̱ na śa̱śāka̱ kartu̍ṁ śa̱śre pāda̍ma̱ṅguri̍m |
ca̱kāra̍ bha̱drama̱smabhya̍mabha̱go bhaga̍vadbhyaḥ || 11 ||
kṛ̱tyā̱kṛta̍ṁ vala̱gina̍ṁ mū̱lina̍ṁ śapathe̱yyam |
indra̱staṁ ha̍ntu maha̱tā va̱dhenā̱gnirvi̍dhyatva̱stayā̍ || 12 ||
iti atharvavede paṁcamakāṁḍe ṣaṣṭho’nuvāke kṛtyāpariharaṇa sūktam ||
Leave a Comment