ශ්රී විනායක ස්තවරාජඃ

sri vinayaka stavaraja stotram in sinhala

බීජාපූරගදේක්ෂුකාර්මුකරුජා චක්රාබ්ජපාශෝත්පල-
-ව්රීහ්යග්රස්වවිෂාණරත්නකලශප්රෝද්යත්කරාංභෝරුහඃ ।
ධ්යේයෝ වල්ලභයා සපද්මකරයාශ්ලිෂ්ටෝජ්ජ්වලද්භූෂයා
විශ්වෝත්පත්තිවිපත්තිසංස්ථිතිකරෝ විඝ්නේශ ඉෂ්ටාර්ථදඃ ॥ 1 ॥

නමස්තේ සිද්ධිලක්ෂ්මීශ ගණාධිප මහාප්රභෝ ।
විඝ්නේශ්වර ජගන්නාථ ගෞරීපුත්ර ජගත්ප්රභෝ ॥ 2 ॥

ජය විඝ්නේශ්වර විභෝ විනායක මහේශ්වර ।
ලංබෝදර මහාබාහෝ සර්වදා ත්වං ප්රසීද මේ ॥ 3 ॥

මහාදේව ජගත්ස්වාමින් මූෂිකාරූඪ ශංකර ।
විශාලාක්ෂ මහාකාය මාං ත්රාහි පරමේශ්වර ॥ 4 ॥

කුංජරාස්ය සුරාධීශ මහේශ කරුණානිධේ ।
මාතුලුංගධර ස්වාමින් ගදාචක්රසමන්විත ॥ 5 ॥

දශබාහෝ මහාරාජ ගජවක්ත්ර චතුර්භුජ ।
ශූර්පකර්ණ මහාකර්ණ ගණනාථ ප්රසීද මේ ॥ 6 ॥

ශංඛශූලසමායුක්ත බීජාපූරසමන්විත ।
ඉක්ෂුකාර්මුකසංයුක්ත පද්මහස්ත ප්රසීද මේ ॥ 7 ॥

නානාභරණසංයුක්ත රත්නකුංභකර ප්රභෝ ।
සර්ගස්ථිතිලයාධීශ පරමාත්මන් ජය ප්රභෝ ॥ 8 ॥

අනාථනාථ විශ්වේශ විඝ්නසංඝවිනාශන ।
ත්රයීමූර්තේ සුරපතේ බ්රහ්මවිෂ්ණුශිවාත්මක ॥ 9 ॥

ත්රයීගුණ මහාදේව පාහි මාං සර්වපාලක ।
අණිමාදිගුණාධාර ලක්ෂ්මීශ්රීවිෂ්ණුපූජිත ॥ 10 ॥

ගෞරීශංකරසංපූජ්ය ජය ත්වං ගණනායක ।
රතිමන්මථසංසේව්ය මහීභූදාරසංස්තුත ॥ 11 ॥

ඍද්ධ්යාමෝදාදිසංසේව්ය මහාගණපතේ ජය ।
ශංඛපද්මාදිසංසේව්ය නිරාලංබ නිරීශ්වර ॥ 12 ॥

නිෂ්කලංක නිරාධාර පාහි මාං නිත්යමව්යය ।
අනාද්ය ජගතාමාද්ය පිතාමහසුපූජිත ॥ 13 ॥

ධූමකේතෝ ගණාධ්යක්ෂ මහාමූෂකවාහන ।
අනංතපරමානංද ජය විඝ්නේශ්වරේශ්වර ॥ 14 ॥

රත්නසිංහාසනාසීන කිරීටේන සුශෝභිත ।
පරාත්පර පරේශාන පරපූරුෂ පාහි මාම් ॥ 15 ॥

නිර්ද්වංද්ව නිර්ගුණාභාස ජපාපුෂ්පසමප්රභ ।
සර්වප්රමථසංස්තුත්ය ත්රාහි මාං විඝ්නනායක ॥ 16 ॥

කුමාරස්ය ගුරෝ දේව සර්වෛශ්වර්යප්රදායක ।
සර්වාභීෂ්ටප්රද ස්වාමින් සර්වප්රත්යූහනාශක ॥ 17 ॥

ශරණ්ය සර්වලෝකානාං ශරණාගතවත්සල ।
මහාගණපතේ නිත්යං මාං පාලය කෘපානිධේ ॥ 18 ॥

ඒවං ශ්රීගණනාථස්ය ස්තවරාජමනුත්තමම් ।
යඃ පඨේච්ඡෘණුයාන්නිත්යං ප්රත්යූහෛඃ ස විමුච්යතේ ॥ 19 ॥

අශ්වමේධසමං පුණ්යඵලං ප්රාප්නෝත්යනුත්තමම් ।
වශීකරෝති ත්රෛලෝක්යං ප්රාප්ය සෞභාග්යමුත්තමම් ॥ 20 ॥

සර්වාභීෂ්ටමවාප්නෝති ශීඝ්රමේව සුදුර්ලභම් ।
මහාගණේශසාන්නිධ්යං ප්රාප්නෝත්යේව න සංශයඃ ॥ 21 ॥

ඉති ශ්රීරුද්රයාමලේ ශ්රීවිනායකස්තවරාජඃ සංපූර්ණම් ।

sri vinayaka stavaraja stotram in sinhala