ශ්රී සුබ්රහ්මණ්ය හෘදය ස්තෝත්රම්

sri subrahmanya hrudaya stotram in sinhala

අස්ය ශ්රීසුබ්රහ්මණ්යහෘදයස්තෝත්රමහාමංත්රස්ය, අගස්ත්යෝ භගවාන් ඍෂිඃ, අනුෂ්ටුප්ඡංදඃ, ශ්රීසුබ්රහ්මණ්යෝ දේවතා, සෞං බීජං, ස්වාහා ශක්තිඃ, ශ්රීං කීලකං, ශ්රීසුබ්රහ්මණ්ය ප්රසාදසිද්ධ්යර්ථේ ජපේ විනියෝගඃ ॥

කරන්යාසඃ –
සුබ්රහ්මණ්යාය අංගුෂ්ඨාභ්යාං නමඃ ।
ෂණ්මුඛාය තර්ජනීභ්යාං නමඃ ।
ශක්තිධරාය මධ්යමාභ්යාං නමඃ ।
ෂට්කෝණසංස්ථිතාය අනාමිකාභ්යාං නමඃ ।
සර්වතෝමුඛාය කනිෂ්ඨිකාභ්යාං නමඃ ।
තාරකාංතකාය කරතලකරපෘෂ්ඨාභ්යාං නමඃ ॥
හෘදයාදි න්යාසඃ –
සුබ්රහ්මණ්යාය හෘදයාය නමඃ ।
ෂණ්මුඛාය ශිරසේ ස්වාහා ।
ශක්තිධරාය ශිඛායෛ වෂට් ।
ෂට්කෝණසංස්ථිතාය කවචාය හුම් ।
සර්වතෝමුඛාය නේත්රත්රයාය වෞෂට් ।
තාරකාංතකාය අස්ත්රාය ඵට් ।
භූර්භුවස්සුවරෝමිති දිග්බංධඃ ॥

ධ්යානම් ।
ෂඩ්වක්ත්රං ශිඛිවාහනං ත්රිනයනං චිත්රාංබරාලංකෘතං
වජ්රං ශක්තිමසිං ත්රිශූලමභයං ඛේටං ධනුශ්චක්රකම් ।
පාශං කුක්කුටමංකුශං ච වරදං දෝර්භිර්දධානං සදා
ධ්යායාමීප්සිත සිද්ධිදං ශිවසුතං ශ්රීද්වාදශාක්ෂං ගුහම් ॥

ලමිත්යාදි පංචපූජාං කුර්යාත් ।

පීඨිකා ।
සත්යලෝකේ සදානංදේ මුනිභිඃ පරිවේෂ්ටිතම් ।
පප්රච්ඡුර්මුනයඃ සර්වේ බ්රහ්මාණං ජගතාං ගුරුම් ॥ 1 ॥

භගවන් සර්වලෝකේශ සර්වජ්ඤ කමලාසන ।
සදානංද ජ්ඤානමූර්තේ සර්වභූතහිතේ රත ॥ 2 ॥

බහුධා ප්රෝක්තමේතස්ය ගුහස්ය චරිතං මහත් ।
හෘදයං ශ්රෝතුමිච්ඡාමඃ තස්යෛව ක්රෞංචභේදිනඃ ॥ 3 ॥

බ්රහ්මෝවාච ।
ශෘණ්වංතු මුනයඃ සර්වේ ගුහ්යාද්ගුහ්යතරං මහත් ।
සුබ්රහ්මණ්යස්ය හෘදයං සර්වභූතහිතෝදයම් ॥ 4 ॥

සර්වාර්ථසිද්ධිදං පුණ්යං සර්වකාර්යෛක සාධනම් ।
ධර්මාර්ථකාමදං ගුහ්යං ධනධාන්යප්රවර්ධනම් ॥ 5 ॥

රහස්යමේතද්දේවානාං අදේයං යස්ය කස්යචිත් ।
සර්වමිත්රකරං ගෝප්යං තේජෝබලසමන්විතම් ॥ 6 ॥

ප්රවක්ෂ්යාමි හිතාර්ථං වඃ පරිතුෂ්ටේන චේතසා ।
හෘත්පද්මකර්ණිකාමධ්යේ ධ්යායේත්සර්වමනෝහරම් ॥ 7 ॥

අථ හෘදයම් ।
සුවර්ණමංඩපං දිව්යං රත්නතෝරණරාජිතම් ।
රත්නස්තංභසහස්රෛශ්ච ශෝභිතං පරමාද්භුතම් ॥ 8 ॥

පරමානංදනිලයං භාස්වත්සූර්යසමප්රභම් ।
දේවදානවගංධර්වගරුඩෛර්යක්ෂකින්නරෛඃ । ॥ 9 ॥

සේවාර්ථමාගතෛඃ සිද්ධෛඃ සාධ්යෛරධ්යුෂිතං සදා ।
මහායෝගීංද්රසංසේව්යං මංදාරතරුමංඩිතම් ॥ 10 ॥

මණිවිද්රුමවේදීභිර්මහතීභිරුදංචිතම් ।
තන්මධ්යේऽනංතරත්න ශ්රීච්ඡටාමංඩලශෝභිතම් ॥ 11 ॥

රත්නසිංහාසනං දිව්යං රවිකෝටිසමප්රභම් ।
සර්වාශ්චර්යමයං පුණ්යං සර්වතඃ සුපරිෂ්කෘතම් ॥ 12 ॥

තන්මධ්යේऽෂ්ටදලං පද්මං උද්යදර්කප්රභෝදයම් ।
නිගමාගමරෝලංබලංබිතං චින්මයෝදයම් ॥ 13 ॥

දිව්යං තේජෝමයං දිව්යං දේවතාභිර්නමස්කෘතම් ।
දේදීප්යමානං රුචිභිර්විශාලං සුමනෝහරම් ॥ 14 ॥

තන්මධ්යේ සර්වලෝකේශං ධ්යායේත්සර්වාංගසුංදරම් ।
අනංතාදිත්යසංකාශං ආශ්රිතාභීෂ්ටදායකම් ॥ 15 ॥

අචිංත්යජ්ඤානවිජ්ඤානතේජෝබලසමන්විතම් ।
සර්වායුධධරං දිව්යං සර්වාශ්චර්යමයං ගුහම් ॥ 16 ॥

මහාර්හ රත්නඛචිත ෂට්කිරීටවිරාජිතම් ।
ශශාංකාර්ධකලාරම්ය සමුද්යන්මෞළිභූෂණම් ॥ 17 ॥

මදනෝජ්ජ්වලකෝදංඩමංගළභ්රූවිරාජිතම් ।
විස්තීර්ණාරුණපද්මශ්රී විලසද්ද්වාදශේක්ෂණම් ॥ 18 ॥

චාරුශ්රීවර්ණසංපූර්ණමුඛශෝභාවිභාසුරම් ।
මණිප්රභාසමග්රශ්රීස්ඵුරන්මකරකුංඩලම් ॥ 19 ॥

ලසද්දර්පණදර්පාඪ්ය ගංඩස්ථලවිරාජිතම් ।
දිව්යකාංචනපුෂ්පශ්රීනාසාපුටවිරාජිතම් ॥ 20 ॥

මංදහාසප්රභාජාලමධුරාධර ශෝභිතම් ।
සර්වලක්ෂණලක්ෂ්මීභෘත්කංබුකංධර සුංදරම් ॥ 21 ॥

මහානර්ඝමහාරත්නදිව්යහාරවිරාජිතම් ।
සමග්රනාගකේයූරසන්නද්ධභුජමංඩලම් ॥ 22 ॥

රත්නකංකණසංභාස්වත්කරාග්ර ශ්රීමහෝජ්ජ්වලම් ।
මහාමණිකවාටාභවක්ෂඃස්ථලවිරාජිතම් ॥ 23 ॥

අතිගාංභීර්යසංභාව්යනාභීනවසරෝරුහම් ।
රත්නශ්රීකලිතාබද්ධලසන්මධ්යප්රදේශකම් ॥ 24 ॥

ස්ඵුරත්කනකසංවීතපීතාංබරසමාවෘතම් ।
ශෘංගාරරසසංපූර්ණ රත්නස්තංභෝපමෝරුකම් ॥ 25 ॥

ස්වර්ණකාහලරෝචිෂ්ණු ජංඝායුගළමංඩලම් ।
රත්නමංජීරසන්නද්ධ රමණීය පදාංබුජම් ॥ 26 ॥

භක්තාභීෂ්ටප්රදං දේවං බ්රහ්මවිෂ්ණ්වාදිසංස්තුතම් ।
කටාක්ෂෛඃ කරුණාදක්ෂෛස්තෝෂයංතං ජගත්පතිම් ॥ 27 ॥

චිදානංදජ්ඤානමූර්තිං සර්වලෝකප්රියංකරම් ।
ශංකරස්යාත්මජං දේවං ධ්යායේච්ඡරවණෝද්භවම් ॥ 28 ॥

අනංතාදිත්යචංද්රාග්නි තේජඃ සංපූර්ණවිග්රහම් ।
සර්වලෝකෛකවරදං සර්වවිද්යාර්ථතත්ත්වකම් ॥ 29 ॥

සර්වේශ්වරං සර්වවිභුං සර්වභූතහිතේ රතම් ।
ඒවං ධ්යාත්වා තු හෘදයං ෂණ්මුඛස්ය මහාත්මනඃ ॥ 30 ॥

සර්වාන්කාමානවාප්නෝති සම්යක් ජ්ඤානං ච විංදති ।
ශුචෞ දේශේ සමාසීනඃ ශුද්ධාත්මා චරිතාහ්නිකඃ ॥ 31 ॥

ප්රාඞ්මුඛෝ යතචිත්තශ්ච ජපේද්ධෘදයමුත්තමම් ।
සකෘදේව මනුං ජප්ත්වා සංප්රාප්නෝත්යඛිලං ශුභම් ॥ 32 ॥

ඉදං සර්වාඝහරණං මෘත්යුදාරිද්ර්යනාශනම් ।
සර්වසංපත්කරං පුණ්යං සර්වරෝගනිවාරණම් ॥ 33 ॥

සර්වකාමකරං දිව්යං සර්වාභීෂ්ටප්රදායකම් ।
ප්රජාකරං රාජ්යකරං භාග්යදං බහුපුණ්යදම් ॥ 34 ॥

ගුහ්යාද්ගුහ්යතරං භූයෝ දේවානාමපි දුර්ලභම් ।
ඉදං තු නාතපස්කාය නාභක්තාය කදාචන ॥ 35 ॥

න චාශුශ්රූෂවේ දේයං න මදාංධාය කර්හිචිත් ।
සච්ඡිෂ්යාය කුලීනාය ස්කංදභක්තිරතාය ච ॥ 36 ॥

සතාමභිමතායේදං දාතව්යං ධර්මවර්ධනම් ।
ය ඉදං පරමං පුණ්යං නිත්යං ජපති මානවඃ ।
තස්ය ශ්රී භගවාන් ස්කංදඃ ප්රසන්නෝ භවති ධ්රුවම් ॥ 37 ॥

ඉති ශ්රීස්කාංදපුරාණේ සුබ්රහ්මණ්යහෘදයස්තෝත්රම් ॥

sri subrahmanya hrudaya stotram in sinhala