শ্রী সুব্রহ্মণ্য হৃদয স্তোত্রম্

sri subrahmanya hrudaya stotram in assamese

অস্য শ্রীসুব্রহ্মণ্যহৃদযস্তোত্রমহামংত্রস্য, অগস্ত্যো ভগবান্ ঋষিঃ, অনুষ্টুপ্ছংদঃ, শ্রীসুব্রহ্মণ্যো দেবতা, সৌং বীজং, স্বাহা শক্তিঃ, শ্রীং কীলকং, শ্রীসুব্রহ্মণ্য প্রসাদসিদ্ধ্যর্থে জপে বিনিযোগঃ ॥

করন্যাসঃ –
সুব্রহ্মণ্যায অংগুষ্ঠাভ্যাং নমঃ ।
ষণ্মুখায তর্জনীভ্যাং নমঃ ।
শক্তিধরায মধ্যমাভ্যাং নমঃ ।
ষট্কোণসংস্থিতায অনামিকাভ্যাং নমঃ ।
সর্বতোমুখায কনিষ্ঠিকাভ্যাং নমঃ ।
তারকাংতকায করতলকরপৃষ্ঠাভ্যাং নমঃ ॥
হৃদযাদি ন্যাসঃ –
সুব্রহ্মণ্যায হৃদযায নমঃ ।
ষণ্মুখায শিরসে স্বাহা ।
শক্তিধরায শিখাযৈ বষট্ ।
ষট্কোণসংস্থিতায কবচায হুম্ ।
সর্বতোমুখায নেত্রত্রযায বৌষট্ ।
তারকাংতকায অস্ত্রায ফট্ ।
ভূর্ভুবস্সুবরোমিতি দিগ্বংধঃ ॥

ধ্যানম্ ।
ষড্বক্ত্রং শিখিবাহনং ত্রিনযনং চিত্রাংবরালংকৃতং
বজ্রং শক্তিমসিং ত্রিশূলমভযং খেটং ধনুশ্চক্রকম্ ।
পাশং কুক্কুটমংকুশং চ বরদং দোর্ভির্দধানং সদা
ধ্যাযামীপ্সিত সিদ্ধিদং শিবসুতং শ্রীদ্বাদশাক্ষং গুহম্ ॥

লমিত্যাদি পংচপূজাং কুর্যাত্ ।

পীঠিকা ।
সত্যলোকে সদানংদে মুনিভিঃ পরিবেষ্টিতম্ ।
পপ্রচ্ছুর্মুনযঃ সর্বে ব্রহ্মাণং জগতাং গুরুম্ ॥ 1 ॥

ভগবন্ সর্বলোকেশ সর্বজ্ঞ কমলাসন ।
সদানংদ জ্ঞানমূর্তে সর্বভূতহিতে রত ॥ 2 ॥

বহুধা প্রোক্তমেতস্য গুহস্য চরিতং মহত্ ।
হৃদযং শ্রোতুমিচ্ছামঃ তস্যৈব ক্রৌংচভেদিনঃ ॥ 3 ॥

ব্রহ্মোবাচ ।
শৃণ্বংতু মুনযঃ সর্বে গুহ্যাদ্গুহ্যতরং মহত্ ।
সুব্রহ্মণ্যস্য হৃদযং সর্বভূতহিতোদযম্ ॥ 4 ॥

সর্বার্থসিদ্ধিদং পুণ্যং সর্বকার্যৈক সাধনম্ ।
ধর্মার্থকামদং গুহ্যং ধনধান্যপ্রবর্ধনম্ ॥ 5 ॥

রহস্যমেতদ্দেবানাং অদেযং যস্য কস্যচিত্ ।
সর্বমিত্রকরং গোপ্যং তেজোবলসমন্বিতম্ ॥ 6 ॥

প্রবক্ষ্যামি হিতার্থং বঃ পরিতুষ্টেন চেতসা ।
হৃত্পদ্মকর্ণিকামধ্যে ধ্যাযেত্সর্বমনোহরম্ ॥ 7 ॥

অথ হৃদযম্ ।
সুবর্ণমংডপং দিব্যং রত্নতোরণরাজিতম্ ।
রত্নস্তংভসহস্রৈশ্চ শোভিতং পরমাদ্ভুতম্ ॥ 8 ॥

পরমানংদনিলযং ভাস্বত্সূর্যসমপ্রভম্ ।
দেবদানবগংধর্বগরুডৈর্যক্ষকিন্নরৈঃ । ॥ 9 ॥

সেবার্থমাগতৈঃ সিদ্ধৈঃ সাধ্যৈরধ্যুষিতং সদা ।
মহাযোগীংদ্রসংসেব্যং মংদারতরুমংডিতম্ ॥ 10 ॥

মণিবিদ্রুমবেদীভির্মহতীভিরুদংচিতম্ ।
তন্মধ্যেঽনংতরত্ন শ্রীচ্ছটামংডলশোভিতম্ ॥ 11 ॥

রত্নসিংহাসনং দিব্যং রবিকোটিসমপ্রভম্ ।
সর্বাশ্চর্যমযং পুণ্যং সর্বতঃ সুপরিষ্কৃতম্ ॥ 12 ॥

তন্মধ্যেঽষ্টদলং পদ্মং উদ্যদর্কপ্রভোদযম্ ।
নিগমাগমরোলংবলংবিতং চিন্মযোদযম্ ॥ 13 ॥

দিব্যং তেজোমযং দিব্যং দেবতাভির্নমস্কৃতম্ ।
দেদীপ্যমানং রুচিভির্বিশালং সুমনোহরম্ ॥ 14 ॥

তন্মধ্যে সর্বলোকেশং ধ্যাযেত্সর্বাংগসুংদরম্ ।
অনংতাদিত্যসংকাশং আশ্রিতাভীষ্টদাযকম্ ॥ 15 ॥

অচিংত্যজ্ঞানবিজ্ঞানতেজোবলসমন্বিতম্ ।
সর্বাযুধধরং দিব্যং সর্বাশ্চর্যমযং গুহম্ ॥ 16 ॥

মহার্হ রত্নখচিত ষট্কিরীটবিরাজিতম্ ।
শশাংকার্ধকলারম্য সমুদ্যন্মৌলিভূষণম্ ॥ 17 ॥

মদনোজ্জ্বলকোদংডমংগলভ্রূবিরাজিতম্ ।
বিস্তীর্ণারুণপদ্মশ্রী বিলসদ্দ্বাদশেক্ষণম্ ॥ 18 ॥

চারুশ্রীবর্ণসংপূর্ণমুখশোভাবিভাসুরম্ ।
মণিপ্রভাসমগ্রশ্রীস্ফুরন্মকরকুংডলম্ ॥ 19 ॥

লসদ্দর্পণদর্পাঢ্য গংডস্থলবিরাজিতম্ ।
দিব্যকাংচনপুষ্পশ্রীনাসাপুটবিরাজিতম্ ॥ 20 ॥

মংদহাসপ্রভাজালমধুরাধর শোভিতম্ ।
সর্বলক্ষণলক্ষ্মীভৃত্কংবুকংধর সুংদরম্ ॥ 21 ॥

মহানর্ঘমহারত্নদিব্যহারবিরাজিতম্ ।
সমগ্রনাগকেযূরসন্নদ্ধভুজমংডলম্ ॥ 22 ॥

রত্নকংকণসংভাস্বত্করাগ্র শ্রীমহোজ্জ্বলম্ ।
মহামণিকবাটাভবক্ষঃস্থলবিরাজিতম্ ॥ 23 ॥

অতিগাংভীর্যসংভাব্যনাভীনবসরোরুহম্ ।
রত্নশ্রীকলিতাবদ্ধলসন্মধ্যপ্রদেশকম্ ॥ 24 ॥

স্ফুরত্কনকসংবীতপীতাংবরসমাবৃতম্ ।
শৃংগাররসসংপূর্ণ রত্নস্তংভোপমোরুকম্ ॥ 25 ॥

স্বর্ণকাহলরোচিষ্ণু জংঘাযুগলমংডলম্ ।
রত্নমংজীরসন্নদ্ধ রমণীয পদাংবুজম্ ॥ 26 ॥

ভক্তাভীষ্টপ্রদং দেবং ব্রহ্মবিষ্ণ্বাদিসংস্তুতম্ ।
কটাক্ষৈঃ করুণাদক্ষৈস্তোষযংতং জগত্পতিম্ ॥ 27 ॥

চিদানংদজ্ঞানমূর্তিং সর্বলোকপ্রিযংকরম্ ।
শংকরস্যাত্মজং দেবং ধ্যাযেচ্ছরবণোদ্ভবম্ ॥ 28 ॥

অনংতাদিত্যচংদ্রাগ্নি তেজঃ সংপূর্ণবিগ্রহম্ ।
সর্বলোকৈকবরদং সর্ববিদ্যার্থতত্ত্বকম্ ॥ 29 ॥

সর্বেশ্বরং সর্ববিভুং সর্বভূতহিতে রতম্ ।
এবং ধ্যাত্বা তু হৃদযং ষণ্মুখস্য মহাত্মনঃ ॥ 30 ॥

সর্বান্কামানবাপ্নোতি সম্যক্ জ্ঞানং চ বিংদতি ।
শুচৌ দেশে সমাসীনঃ শুদ্ধাত্মা চরিতাহ্নিকঃ ॥ 31 ॥

প্রাঙ্মুখো যতচিত্তশ্চ জপেদ্ধৃদযমুত্তমম্ ।
সকৃদেব মনুং জপ্ত্বা সংপ্রাপ্নোত্যখিলং শুভম্ ॥ 32 ॥

ইদং সর্বাঘহরণং মৃত্যুদারিদ্র্যনাশনম্ ।
সর্বসংপত্করং পুণ্যং সর্বরোগনিবারণম্ ॥ 33 ॥

সর্বকামকরং দিব্যং সর্বাভীষ্টপ্রদাযকম্ ।
প্রজাকরং রাজ্যকরং ভাগ্যদং বহুপুণ্যদম্ ॥ 34 ॥

গুহ্যাদ্গুহ্যতরং ভূযো দেবানামপি দুর্লভম্ ।
ইদং তু নাতপস্কায নাভক্তায কদাচন ॥ 35 ॥

ন চাশুশ্রূষবে দেযং ন মদাংধায কর্হিচিত্ ।
সচ্ছিষ্যায কুলীনায স্কংদভক্তিরতায চ ॥ 36 ॥

সতামভিমতাযেদং দাতব্যং ধর্মবর্ধনম্ ।
য ইদং পরমং পুণ্যং নিত্যং জপতি মানবঃ ।
তস্য শ্রী ভগবান্ স্কংদঃ প্রসন্নো ভবতি ধ্রুবম্ ॥ 37 ॥

ইতি শ্রীস্কাংদপুরাণে সুব্রহ্মণ্যহৃদযস্তোত্রম্ ॥

sri subrahmanya hrudaya stotram in assamese