ශ්රී මාතංගී අෂ්ටෝත්තර ශත නාමා ස්තෝත්රං

sri matangi ashtottara satanama stotram in sinhala

ශ්රීභෛරව්යුවාච
භගවන් ශ්රෝතුමිච්ඡාමි මාතංග්යාඃ ශතනාමකම් ।
යද්ගුහ්යං සර්වතංත්රේෂු කේනාපි න ප්රකාශිතම් ॥ 1 ॥

ශ්රීභෛරව උවාච
ශෘණු දේවි ප්රවක්ෂ්යාමි රහස්යාතිරහස්යකම් ।
නාඛ්යේයං යත්ර කුත්රාපි පඨනීයං පරාත්පරම් ॥ 2 ॥

යස්යෛකවාරපඨනාත්සර්වේ විඝ්නා උපද්රවාඃ ।
නශ්යංති තත්ක්ෂණාද්දේවි වහ්නිනා තූලරාශිවත් ॥ 3 ॥

ප්රසන්නා ජායතේ දේවී මාතංගී චාස්ය පාඨතඃ ।
සහස්රනාමපඨනේ යත්ඵලං පරිකීර්තිතම් ।
තත්කෝටිගුණිතං දේවීනාමාෂ්ටශතකං ශුභම් ॥ 4 ॥

අස්ය ශ්රීමාතංග්යෂ්ටෝත්තරශතනාමස්තෝත්රස්ය භගවාන්මතංග ඍෂිඃ අනුෂ්ටුප්ඡංදඃ ශ්රීමාතංගී දේවතා ශ්රීමාතංගී ප්රීතයේ ජපේ විනියෝගඃ ।

මහාමත්තමාතංගිනී සිද්ධිරූපා
තථා යෝගිනී භද්රකාළී රමා ච ।
භවානී භවප්රීතිදා භූතියුක්තා
භවාරාධිතා භූතිසංපත්කරී ච ॥ 1 ॥

ධනාධීශමාතා ධනාගාරදෘෂ්ටි-
-ර්ධනේශාර්චිතා ධීරවාපී වරාංගී ।
ප්රකෘෂ්ටා ප්රභාරූපිණී කාමරූපා
ප්රහෘෂ්ටා මහාකීර්තිදා කර්ණනාලී ॥ 2 ॥

කරාළී භගා ඝෝරරූපා භගාංගී
භගාහ්වා භගප්රීතිදා භීමරූපා ।
භවානී මහාකෞශිකී කෝශපූර්ණා
කිශෝරී කිශෝරප්රියා නංදීහා ॥ 3 ॥

මහාකාරණාऽකාරණා කර්මශීලා
කපාලී ප්රසිද්ධා මහාසිද්ධඛංඩා ।
මකාරප්රියා මානරූපා මහේශී
මලෝල්ලාසිනී ලාස්යලීලාලයාංගී ॥ 4 ॥

ක්ෂමා ක්ෂේමශීලා ක්ෂපාකාරිණී චා-
-ऽක්ෂයප්රීතිදා භූතියුක්තා භවානී ।
භවාරාධිතා භූතිසත්යාත්මිකා ච
ප්රභෝද්භාසිතා භානුභාස්වත්කරා ච ॥ 5 ॥

ධරාධීශමාතා ධරාගාරදෘෂ්ටි-
-ර්ධරේශාර්චිතා ධීවරා ධීවරාංගී ।
ප්රකෘෂ්ටා ප්රභාරූපිණී ප්රාණරූපා
ප්රකෘෂ්ටස්වරූපා ස්වරූපප්රියා ච ॥ 6 ॥

චලත්කුංඩලා කාමිනී කාංතයුක්තා
කපාලාऽචලා කාලකෝද්ධාරිණී ච ।
කදංබප්රියා කෝටරී කෝටදේහා
ක්රමා කීර්තිදා කර්ණරූපා ච කාක්ෂ්මීඃ ॥ 7 ॥

ක්ෂමාංගී ක්ෂයප්රේමරූපා ක්ෂයා ච
ක්ෂයාක්ෂා ක්ෂයාහ්වා ක්ෂයප්රාංතරා ච ।
ක්ෂවත්කාමිනී ක්ෂාරිණී ක්ෂීරපූර්ණා
ශිවාංගී ච ශාකංභරී ශාකදේහා ॥ 8 ॥

මහාශාකයජ්ඤා ඵලප්රාශකා ච
ශකාහ්වාऽශකාහ්වා ශකාඛ්යා ශකා ච ।
ශකාක්ෂාංතරෝෂා සුරෝෂා සුරේඛා
මහාශේෂයජ්ඤෝපවීතප්රියා ච ॥ 9 ॥

ජයංතී ජයා ජාග්රතී යෝග්යරූපා
ජයාංගා ජපධ්යානසංතුෂ්ටසංජ්ඤා ।
ජයප්රාණරූපා ජයස්වර්ණදේහා
ජයජ්වාලිනී යාමිනී යාම්යරූපා ॥ 10 ॥

ජගන්මාතෘරූපා ජගද්රක්ෂණා ච
ස්වධාවෞෂඩංතා විලංබාऽවිලංබා ।
ෂඩංගා මහාලංබරූපාසිහස්තා-
පදාහාරිණීහාරිණී හාරිණී ච ॥ 11 ॥

මහාමංගළා මංගළප්රේමකීර්ති-
-ර්නිශුංභච්ඡිදා ශුංභදර්පාපහා ච ।
තථාऽऽනංදබීජාදිමුක්තිස්වරූපා
තථා චංඩමුංඩාපදා මුඛ්යචංඩා ॥ 12 ॥

ප්රචංඩාऽප්රචංඩා මහාචංඩවේගා
චලච්චාමරා චාමරා චංද්රකීර්තිඃ ।
සුචාමීකරා චිත්රභූෂෝජ්ජ්වලාංගී
සුසංගීතගීතා ච පායාදපායාත් ॥ 13 ॥

ඉති තේ කථිතං දේවි නාම්නාමෂ්ටෝත්තරං ශතම් ।
ගෝප්යං ච සර්වතංත්රේෂු ගෝපනීයං ච සර්වදා ॥ 14 ॥

ඒතස්ය සතතාභ්යාසාත්සාක්ෂාද්දේවෝ මහේශ්වරඃ ।
ත්රිසංධ්යං ච මහාභක්ත්යා පඨනීයං සුඛෝදයම් ॥ 15 ॥

න තස්ය දුෂ්කරං කිංචිජ්ජායතේ ස්පර්ශතඃ ක්ෂණාත් ।
සුකෘතං යත්තදේවාප්තං තස්මාදාවර්තයේත්සදා ॥ 16 ॥

සදෛව සන්නිධෞ තස්ය දේවී වසති සාදරම් ।
අයෝගා යේ ත ඒවාග්රේ සුයෝගාශ්ච භවංති වෛ ॥ 17 ॥

ත ඒව මිත්රභූතාශ්ච භවංති තත්ප්රසාදතඃ ।
විෂාණි නෝපසර්පංති ව්යාධයෝ න ස්පෘශංති තාන් ॥ 18 ॥

ලූතාවිස්ඵෝටකාඃ සර්වේ ශමං යාංති ච තත්ක්ෂණාත් ।
ජරාපලිතනිර්මුක්තඃ කල්පජීවී භවේන්නරඃ ॥ 19 ॥

අපි කිං බහුනෝක්තේන සාන්නිධ්යං ඵලමාප්නුයාත් ।
යාවන්මයා පුරා ප්රෝක්තං ඵලං සාහස්රනාමකම් ।
තත්සර්වං ලභතේ මර්ත්යෝ මහාමායාප්රසාදතඃ ॥ 20 ॥

ඉති ශ්රීරුද්රයාමලේ ශ්රීමාතංගීශතනාමස්තෝත්රම් ।

sri matangi ashtottara satanama stotram in sinhala