શ્રી માતંગી અષ્ટોત્તર શત નામા સ્તોત્રં

sri matangi ashtottara satanama stotram in gujarati

શ્રીભૈરવ્યુવાચ
ભગવન્ શ્રોતુમિચ્છામિ માતંગ્યાઃ શતનામકમ્ ।
યદ્ગુહ્યં સર્વતંત્રેષુ કેનાપિ ન પ્રકાશિતમ્ ॥ 1 ॥

શ્રીભૈરવ ઉવાચ
શૃણુ દેવિ પ્રવક્ષ્યામિ રહસ્યાતિરહસ્યકમ્ ।
નાખ્યેયં યત્ર કુત્રાપિ પઠનીયં પરાત્પરમ્ ॥ 2 ॥

યસ્યૈકવારપઠનાત્સર્વે વિઘ્ના ઉપદ્રવાઃ ।
નશ્યંતિ તત્ક્ષણાદ્દેવિ વહ્નિના તૂલરાશિવત્ ॥ 3 ॥

પ્રસન્ના જાયતે દેવી માતંગી ચાસ્ય પાઠતઃ ।
સહસ્રનામપઠને યત્ફલં પરિકીર્તિતમ્ ।
તત્કોટિગુણિતં દેવીનામાષ્ટશતકં શુભમ્ ॥ 4 ॥

અસ્ય શ્રીમાતંગ્યષ્ટોત્તરશતનામસ્તોત્રસ્ય ભગવાન્મતંગ ઋષિઃ અનુષ્ટુપ્છંદઃ શ્રીમાતંગી દેવતા શ્રીમાતંગી પ્રીતયે જપે વિનિયોગઃ ।

મહામત્તમાતંગિની સિદ્ધિરૂપા
તથા યોગિની ભદ્રકાળી રમા ચ ।
ભવાની ભવપ્રીતિદા ભૂતિયુક્તા
ભવારાધિતા ભૂતિસંપત્કરી ચ ॥ 1 ॥

ધનાધીશમાતા ધનાગારદૃષ્ટિ-
-ર્ધનેશાર્ચિતા ધીરવાપી વરાંગી ।
પ્રકૃષ્ટા પ્રભારૂપિણી કામરૂપા
પ્રહૃષ્ટા મહાકીર્તિદા કર્ણનાલી ॥ 2 ॥

કરાળી ભગા ઘોરરૂપા ભગાંગી
ભગાહ્વા ભગપ્રીતિદા ભીમરૂપા ।
ભવાની મહાકૌશિકી કોશપૂર્ણા
કિશોરી કિશોરપ્રિયા નંદીહા ॥ 3 ॥

મહાકારણાઽકારણા કર્મશીલા
કપાલી પ્રસિદ્ધા મહાસિદ્ધખંડા ।
મકારપ્રિયા માનરૂપા મહેશી
મલોલ્લાસિની લાસ્યલીલાલયાંગી ॥ 4 ॥

ક્ષમા ક્ષેમશીલા ક્ષપાકારિણી ચા-
-ઽક્ષયપ્રીતિદા ભૂતિયુક્તા ભવાની ।
ભવારાધિતા ભૂતિસત્યાત્મિકા ચ
પ્રભોદ્ભાસિતા ભાનુભાસ્વત્કરા ચ ॥ 5 ॥

ધરાધીશમાતા ધરાગારદૃષ્ટિ-
-ર્ધરેશાર્ચિતા ધીવરા ધીવરાંગી ।
પ્રકૃષ્ટા પ્રભારૂપિણી પ્રાણરૂપા
પ્રકૃષ્ટસ્વરૂપા સ્વરૂપપ્રિયા ચ ॥ 6 ॥

ચલત્કુંડલા કામિની કાંતયુક્તા
કપાલાઽચલા કાલકોદ્ધારિણી ચ ।
કદંબપ્રિયા કોટરી કોટદેહા
ક્રમા કીર્તિદા કર્ણરૂપા ચ કાક્ષ્મીઃ ॥ 7 ॥

ક્ષમાંગી ક્ષયપ્રેમરૂપા ક્ષયા ચ
ક્ષયાક્ષા ક્ષયાહ્વા ક્ષયપ્રાંતરા ચ ।
ક્ષવત્કામિની ક્ષારિણી ક્ષીરપૂર્ણા
શિવાંગી ચ શાકંભરી શાકદેહા ॥ 8 ॥

મહાશાકયજ્ઞા ફલપ્રાશકા ચ
શકાહ્વાઽશકાહ્વા શકાખ્યા શકા ચ ।
શકાક્ષાંતરોષા સુરોષા સુરેખા
મહાશેષયજ્ઞોપવીતપ્રિયા ચ ॥ 9 ॥

જયંતી જયા જાગ્રતી યોગ્યરૂપા
જયાંગા જપધ્યાનસંતુષ્ટસંજ્ઞા ।
જયપ્રાણરૂપા જયસ્વર્ણદેહા
જયજ્વાલિની યામિની યામ્યરૂપા ॥ 10 ॥

જગન્માતૃરૂપા જગદ્રક્ષણા ચ
સ્વધાવૌષડંતા વિલંબાઽવિલંબા ।
ષડંગા મહાલંબરૂપાસિહસ્તા-
પદાહારિણીહારિણી હારિણી ચ ॥ 11 ॥

મહામંગળા મંગળપ્રેમકીર્તિ-
-ર્નિશુંભચ્છિદા શુંભદર્પાપહા ચ ।
તથાઽઽનંદબીજાદિમુક્તિસ્વરૂપા
તથા ચંડમુંડાપદા મુખ્યચંડા ॥ 12 ॥

પ્રચંડાઽપ્રચંડા મહાચંડવેગા
ચલચ્ચામરા ચામરા ચંદ્રકીર્તિઃ ।
સુચામીકરા ચિત્રભૂષોજ્જ્વલાંગી
સુસંગીતગીતા ચ પાયાદપાયાત્ ॥ 13 ॥

ઇતિ તે કથિતં દેવિ નામ્નામષ્ટોત્તરં શતમ્ ।
ગોપ્યં ચ સર્વતંત્રેષુ ગોપનીયં ચ સર્વદા ॥ 14 ॥

એતસ્ય સતતાભ્યાસાત્સાક્ષાદ્દેવો મહેશ્વરઃ ।
ત્રિસંધ્યં ચ મહાભક્ત્યા પઠનીયં સુખોદયમ્ ॥ 15 ॥

ન તસ્ય દુષ્કરં કિંચિજ્જાયતે સ્પર્શતઃ ક્ષણાત્ ।
સુકૃતં યત્તદેવાપ્તં તસ્માદાવર્તયેત્સદા ॥ 16 ॥

સદૈવ સન્નિધૌ તસ્ય દેવી વસતિ સાદરમ્ ।
અયોગા યે ત એવાગ્રે સુયોગાશ્ચ ભવંતિ વૈ ॥ 17 ॥

ત એવ મિત્રભૂતાશ્ચ ભવંતિ તત્પ્રસાદતઃ ।
વિષાણિ નોપસર્પંતિ વ્યાધયો ન સ્પૃશંતિ તાન્ ॥ 18 ॥

લૂતાવિસ્ફોટકાઃ સર્વે શમં યાંતિ ચ તત્ક્ષણાત્ ।
જરાપલિતનિર્મુક્તઃ કલ્પજીવી ભવેન્નરઃ ॥ 19 ॥

અપિ કિં બહુનોક્તેન સાન્નિધ્યં ફલમાપ્નુયાત્ ।
યાવન્મયા પુરા પ્રોક્તં ફલં સાહસ્રનામકમ્ ।
તત્સર્વં લભતે મર્ત્યો મહામાયાપ્રસાદતઃ ॥ 20 ॥

ઇતિ શ્રીરુદ્રયામલે શ્રીમાતંગીશતનામસ્તોત્રમ્ ।

sri matangi ashtottara satanama stotram in gujarati