ශ්යාමලා දංඩකම්

shyamala dandakam in sinhala

ධ්යානම්
මාණික්යවීණාමුපලාලයංතීං මදාලසාං මංජුලවාග්විලාසාම් ।
මාහේංද්රනීලද්යුතිකෝමලාංගීං මාතංගකන්යාං මනසා ස්මරාමි ॥ 1 ॥

චතුර්භුජේ චංද්රකලාවතංසේ කුචෝන්නතේ කුංකුමරාගශෝණේ ।
පුංඩ්රේක්ෂුපාශාංකුශපුෂ්පබාණහස්තේ නමස්තේ ජගදේකමාතඃ ॥ 2 ॥

විනියෝගඃ
මාතා මරකතශ්යාමා මාතංගී මදශාලිනී ।
කුර්යාත්කටාක්ෂං කළ්යාණී කදංබවනවාසිනී ॥ 3 ॥

ස්තුති
ජය මාතංගතනයේ ජය නීලෝත්පලද්යුතේ ।
ජය සංගීතරසිකේ ජය ලීලාශුකප්රියේ ॥ 4 ॥

දංඩකම්
ජය ජනනි සුධාසමුද්රාංතරුද්යන්මණීද්වීපසංරූඪ බිල්වාටවීමධ්යකල්පද්රුමාකල්පකාදංබකාංතාරවාසප්රියේ කෘත්තිවාසප්රියේ සර්වලෝකප්රියේ, සාදරාරබ්ධසංගීතසංභාවනාසංභ්රමාලෝලනීපස්රගාබද්ධචූලීසනාථත්රිකේ සානුමත්පුත්රිකේ, ශේඛරීභූතශීතාංශුරේඛාමයූඛාවලීබද්ධසුස්නිග්ධනීලාලකශ්රේණිශෘංගාරිතේ ලෝකසංභාවිතේ කාමලීලාධනුස්සන්නිභභ්රූලතාපුෂ්පසංදෝහසංදේහකෘල්ලෝචනේ වාක්සුධාසේචනේ චාරුගෝරෝචනාපංකකේළීලලාමාභිරාමේ සුරාමේ රමේ, ප්රෝල්ලසද්වාලිකාමෞක්තිකශ්රේණිකාචංද්රිකාමංඩලෝද්භාසි ලාවණ්යගංඩස්ථලන්යස්තකස්තූරිකාපත්රරේඛාසමුද්භූත සෞරභ්යසංභ්රාංතභෘංගාංගනාගීතසාංද්රීභවන්මංද්රතංත්රීස්වරේ සුස්වරේ භාස්වරේ, වල්ලකීවාදනප්රක්රියාලෝලතාලීදලාබද්ධ-තාටංකභූෂාවිශේෂාන්විතේ සිද්ධසම්මානිතේ, දිව්යහාලාමදෝද්වේලහේලාලසච්චක්ෂුරාංදෝලනශ්රීසමාක්ෂිප්තකර්ණෛකනීලෝත්පලේ ශ්යාමලේ පූරිතාශේෂලෝකාභිවාංඡාඵලේ ශ්රීඵලේ, ස්වේදබිංදූල්ලසද්ඵාලලාවණ්ය නිෂ්යංදසංදෝහසංදේහකෘන්නාසිකාමෞක්තිකේ සර්වවිශ්වාත්මිකේ සර්වසිද්ධ්යාත්මිකේ කාලිකේ මුග්ධමංදස්මිතෝදාරවක්ත්රස්ඵුරත් පූගතාංබූලකර්පූරඛංඩෝත්කරේ ජ්ඤානමුද්රාකරේ සර්වසංපත්කරේ පද්මභාස්වත්කරේ ශ්රීකරේ, කුංදපුෂ්පද්යුතිස්නිග්ධදංතාවලීනිර්මලාලෝලකල්ලෝලසම්මේලන ස්මේරශෝණාධරේ චාරුවීණාධරේ පක්වබිංබාධරේ,

සුලලිත නවයෞවනාරංභචංද්රෝදයෝද්වේලලාවණ්යදුග්ධාර්ණවාවිර්භවත්කංබුබිංබෝකභෘත්කංථරේ සත්කලාමංදිරේ මංථරේ දිව්යරත්නප්රභාබංධුරච්ඡන්නහාරාදිභූෂාසමුද්යෝතමානානවද්යාංගශෝභේ ශුභේ, රත්නකේයූරරශ්මිච්ඡටාපල්ලවප්රෝල්ලසද්දෝල්ලතාරාජිතේ යෝගිභිඃ පූජිතේ විශ්වදිඞ්මංඩලව්යාප්තමාණික්යතේජස්ස්ඵුරත්කංකණාලංකෘතේ විභ්රමාලංකෘතේ සාධුභිඃ පූජිතේ වාසරාරංභවේලාසමුජ්ජෘංභ
මාණාරවිංදප්රතිද්වංද්විපාණිද්වයේ සංතතෝද්යද්දයේ අද්වයේ දිව්යරත්නෝර්මිකාදීධිතිස්තෝම සංධ්යායමානාංගුලීපල්ලවෝද්යන්නඛේංදුප්රභාමංඩලේ සන්නුතාඛංඩලේ චිත්ප්රභාමංඩලේ ප්රෝල්ලසත්කුංඩලේ,

තාරකාරාජිනීකාශහාරාවලිස්මේර චාරුස්තනාභෝගභාරානමන්මධ්යවල්ලීවලිච්ඡේද වීචීසමුද්යත්සමුල්ලාසසංදර්ශිතාකාරසෞංදර්යරත්නාකරේ වල්ලකීභෘත්කරේ කිංකරශ්රීකරේ, හේමකුංභෝපමෝත්තුංග වක්ෂෝජභාරාවනම්රේ ත්රිලෝකාවනම්රේ ලසද්වෘත්තගංභීර නාභීසරස්තීරශෛවාලශංකාකරශ්යාමරෝමාවලීභූෂණේ මංජුසංභාෂණේ, චාරුශිංචත්කටීසූත්රනිර්භත්සිතානංගලීලධනුශ්ශිංචිනීඩංබරේ දිව්යරත්නාංබරේ,

පද්මරාගෝල්ලස න්මේඛලාමෞක්තිකශ්රෝණිශෝභාජිතස්වර්ණභූභෘත්තලේ චංද්රිකාශීතලේ විකසිතනවකිංශුකාතාම්රදිව්යාංශුකච්ඡන්න චාරූරුශෝභාපරාභූතසිංදූරශෝණායමානේංද්රමාතංග හස්තාර්ගලේ වෛභවානර්ගලේ ශ්යාමලේ කෝමලස්නිග්ධ නීලෝත්පලෝත්පාදිතානංගතූණීරශංකාකරෝදාර ජංඝාලතේ චාරුලීලාගතේ නම්රදික්පාලසීමංතිනී කුංතලස්නිග්ධනීලප්රභාපුංචසංජාතදුර්වාංකුරාශංක සාරංගසංයෝගරිංඛන්නඛේංදූජ්ජ්වලේ ප්රෝජ්ජ්වලේ නිර්මලේ ප්රහ්ව දේවේශ ලක්ෂ්මීශ භූතේශ තෝයේශ වාණීශ කීනාශ දෛත්යේශ යක්ෂේශ වාය්වග්නිකෝටීරමාණික්ය සංහෘෂ්ටබාලාතපෝද්දාම ලාක්ෂාරසාරුණ්යතාරුණ්ය ලක්ෂ්මීගෘහිතාංඝ්රිපද්මේ සුපද්මේ උමේ,

සුරුචිරනවරත්නපීඨස්ථිතේ සුස්ථිතේ රත්නපද්මාසනේ රත්නසිංහාසනේ ශංඛපද්මද්වයෝපාශ්රිතේ විශ්රුතේ තත්ර විඝ්නේශදුර්ගාවටුක්ෂේත්රපාලෛර්යුතේ මත්තමාතංග කන්යාසමූහාන්විතේ භෛරවෛරෂ්ටභිර්වේෂ්ටිතේ මංචුලාමේනකාද්යංගනාමානිතේ දේවි වාමාදිභිඃ ශක්තිභිස්සේවිතේ ධාත්රි ලක්ෂ්ම්යාදිශක්ත්යෂ්ටකෛඃ සංයුතේ මාතෘකාමංඩලෛර්මංඩිතේ යක්ෂගංධර්වසිද්ධාංගනා මංඩලෛරර්චිතේ, භෛරවී සංවෘතේ පංචබාණාත්මිකේ පංචබාණේන රත්යා ච සංභාවිතේ ප්රීතිභාජා වසංතේන චානංදිතේ භක්තිභාජං පරං ශ්රේයසේ කල්පසේ යෝගිනාං මානසේ ද්යෝතසේ ඡංදසාමෝජසා භ්රාජසේ ගීතවිද්යා විනෝදාති තෘෂ්ණේන කෘෂ්ණේන සංපූජ්යසේ භක්තිමච්චේතසා වේධසා ස්තූයසේ විශ්වහෘද්යේන වාද්යේන විද්යාධරෛර්ගීයසේ, ශ්රවණහරදක්ෂිණක්වාණයා වීණයා කින්නරෛර්ගීයසේ යක්ෂගංධර්වසිද්ධාංගනා මංඩලෛරර්ච්යසේ සර්වසෞභාග්යවාංඡාවතීභිර් වධූභිස්සුරාණාං සමාරාධ්යසේ සර්වවිද්යාවිශේෂත්මකං චාටුගාථා සමුච්චාරණාකංඨමූලෝල්ලසද්වර්ණරාජිත්රයං කෝමලශ්යාමලෝදාරපක්ෂද්වයං තුංඩශෝභාතිදූරීභවත් කිංශුකං තං ශුකං ලාලයංතී පරික්රීඩසේ,

පාණිපද්මද්වයේනාක්ෂමාලාමපි ස්ඵාටිකීං ජ්ඤානසාරාත්මකං පුස්තකංචංකුශං පාශමාබිභ්රතී තේන සංචිංත්යසේ තස්ය වක්ත්රාංතරාත් ගද්යපද්යාත්මිකා භාරතී නිස්සරේත් යේන වාධ්වංසනාදා කෘතිර්භාව්යසේ තස්ය වශ්යා භවංතිස්තියඃ පූරුෂාඃ යේන වා ශාතකංබද්යුතිර්භාව්යසේ සෝපි ලක්ෂ්මීසහස්රෛඃ පරික්රීඩතේ, කින්න සිද්ධ්යේද්වපුඃ ශ්යාමලං කෝමලං චංද්රචූඩාන්විතං තාවකං ධ්යායතඃ තස්ය ලීලා සරෝවාරිධීඃ තස්ය කේලීවනං නංදනං තස්ය භද්රාසනං භූතලං තස්ය ගීර්දේවතා කිංකරි තස්ය චාජ්ඤාකරී ශ්රී ස්වයං,

සර්වතීර්ථාත්මිකේ සර්ව මංත්රාත්මිකේ, සර්ව යංත්රාත්මිකේ සර්ව තංත්රාත්මිකේ, සර්ව චක්රාත්මිකේ සර්ව ශක්ත්යාත්මිකේ, සර්ව පීඨාත්මිකේ සර්ව වේදාත්මිකේ, සර්ව විද්යාත්මිකේ සර්ව යෝගාත්මිකේ, සර්ව වර්ණාත්මිකේ සර්වගීතාත්මිකේ, සර්ව නාදාත්මිකේ සර්ව ශබ්දාත්මිකේ, සර්ව විශ්වාත්මිකේ සර්ව වර්ගාත්මිකේ, සර්ව සර්වාත්මිකේ සර්වගේ සර්ව රූපේ, ජගන්මාතෘකේ පාහි මාං පාහි මාං පාහි මාං දේවි තුභ්යං නමෝ දේවි තුභ්යං නමෝ දේවි තුභ්යං නමෝ දේවි තුභ්යං නමඃ ॥

shyamala dandakam in sinhala