শ্যামলা দংডকম্

shyamala dandakam in assamese

ধ্যানম্
মাণিক্যবীণামুপলালযংতীং মদালসাং মংজুলবাগ্বিলাসাম্ ।
মাহেংদ্রনীলদ্যুতিকোমলাংগীং মাতংগকন্যাং মনসা স্মরামি ॥ 1 ॥

চতুর্ভুজে চংদ্রকলাবতংসে কুচোন্নতে কুংকুমরাগশোণে ।
পুংড্রেক্ষুপাশাংকুশপুষ্পবাণহস্তে নমস্তে জগদেকমাতঃ ॥ 2 ॥

বিনিযোগঃ
মাতা মরকতশ্যামা মাতংগী মদশালিনী ।
কুর্যাত্কটাক্ষং কল্যাণী কদংববনবাসিনী ॥ 3 ॥

স্তুতি
জয মাতংগতনযে জয নীলোত্পলদ্যুতে ।
জয সংগীতরসিকে জয লীলাশুকপ্রিযে ॥ 4 ॥

দংডকম্
জয জননি সুধাসমুদ্রাংতরুদ্যন্মণীদ্বীপসংরূঢ বিল্বাটবীমধ্যকল্পদ্রুমাকল্পকাদংবকাংতারবাসপ্রিযে কৃত্তিবাসপ্রিযে সর্বলোকপ্রিযে, সাদরারব্ধসংগীতসংভাবনাসংভ্রমালোলনীপস্রগাবদ্ধচূলীসনাথত্রিকে সানুমত্পুত্রিকে, শেখরীভূতশীতাংশুরেখামযূখাবলীবদ্ধসুস্নিগ্ধনীলালকশ্রেণিশৃংগারিতে লোকসংভাবিতে কামলীলাধনুস্সন্নিভভ্রূলতাপুষ্পসংদোহসংদেহকৃল্লোচনে বাক্সুধাসেচনে চারুগোরোচনাপংককেলীললামাভিরামে সুরামে রমে, প্রোল্লসদ্বালিকামৌক্তিকশ্রেণিকাচংদ্রিকামংডলোদ্ভাসি লাবণ্যগংডস্থলন্যস্তকস্তূরিকাপত্ররেখাসমুদ্ভূত সৌরভ্যসংভ্রাংতভৃংগাংগনাগীতসাংদ্রীভবন্মংদ্রতংত্রীস্বরে সুস্বরে ভাস্বরে, বল্লকীবাদনপ্রক্রিযালোলতালীদলাবদ্ধ-তাটংকভূষাবিশেষান্বিতে সিদ্ধসম্মানিতে, দিব্যহালামদোদ্বেলহেলালসচ্চক্ষুরাংদোলনশ্রীসমাক্ষিপ্তকর্ণৈকনীলোত্পলে শ্যামলে পূরিতাশেষলোকাভিবাংছাফলে শ্রীফলে, স্বেদবিংদূল্লসদ্ফাললাবণ্য নিষ্যংদসংদোহসংদেহকৃন্নাসিকামৌক্তিকে সর্ববিশ্বাত্মিকে সর্বসিদ্ধ্যাত্মিকে কালিকে মুগ্ধমংদস্মিতোদারবক্ত্রস্ফুরত্ পূগতাংবূলকর্পূরখংডোত্করে জ্ঞানমুদ্রাকরে সর্বসংপত্করে পদ্মভাস্বত্করে শ্রীকরে, কুংদপুষ্পদ্যুতিস্নিগ্ধদংতাবলীনির্মলালোলকল্লোলসম্মেলন স্মেরশোণাধরে চারুবীণাধরে পক্ববিংবাধরে,

সুললিত নবযৌবনারংভচংদ্রোদযোদ্বেললাবণ্যদুগ্ধার্ণবাবির্ভবত্কংবুবিংবোকভৃত্কংথরে সত্কলামংদিরে মংথরে দিব্যরত্নপ্রভাবংধুরচ্ছন্নহারাদিভূষাসমুদ্যোতমানানবদ্যাংগশোভে শুভে, রত্নকেযূররশ্মিচ্ছটাপল্লবপ্রোল্লসদ্দোল্লতারাজিতে যোগিভিঃ পূজিতে বিশ্বদিঙ্মংডলব্যাপ্তমাণিক্যতেজস্স্ফুরত্কংকণালংকৃতে বিভ্রমালংকৃতে সাধুভিঃ পূজিতে বাসরারংভবেলাসমুজ্জৃংভ
মাণারবিংদপ্রতিদ্বংদ্বিপাণিদ্বযে সংততোদ্যদ্দযে অদ্বযে দিব্যরত্নোর্মিকাদীধিতিস্তোম সংধ্যাযমানাংগুলীপল্লবোদ্যন্নখেংদুপ্রভামংডলে সন্নুতাখংডলে চিত্প্রভামংডলে প্রোল্লসত্কুংডলে,

তারকারাজিনীকাশহারাবলিস্মের চারুস্তনাভোগভারানমন্মধ্যবল্লীবলিচ্ছেদ বীচীসমুদ্যত্সমুল্লাসসংদর্শিতাকারসৌংদর্যরত্নাকরে বল্লকীভৃত্করে কিংকরশ্রীকরে, হেমকুংভোপমোত্তুংগ বক্ষোজভারাবনম্রে ত্রিলোকাবনম্রে লসদ্বৃত্তগংভীর নাভীসরস্তীরশৈবালশংকাকরশ্যামরোমাবলীভূষণে মংজুসংভাষণে, চারুশিংচত্কটীসূত্রনির্ভত্সিতানংগলীলধনুশ্শিংচিনীডংবরে দিব্যরত্নাংবরে,

পদ্মরাগোল্লস ন্মেখলামৌক্তিকশ্রোণিশোভাজিতস্বর্ণভূভৃত্তলে চংদ্রিকাশীতলে বিকসিতনবকিংশুকাতাম্রদিব্যাংশুকচ্ছন্ন চারূরুশোভাপরাভূতসিংদূরশোণাযমানেংদ্রমাতংগ হস্তার্গলে বৈভবানর্গলে শ্যামলে কোমলস্নিগ্ধ নীলোত্পলোত্পাদিতানংগতূণীরশংকাকরোদার জংঘালতে চারুলীলাগতে নম্রদিক্পালসীমংতিনী কুংতলস্নিগ্ধনীলপ্রভাপুংচসংজাতদুর্বাংকুরাশংক সারংগসংযোগরিংখন্নখেংদূজ্জ্বলে প্রোজ্জ্বলে নির্মলে প্রহ্ব দেবেশ লক্ষ্মীশ ভূতেশ তোযেশ বাণীশ কীনাশ দৈত্যেশ যক্ষেশ বায্বগ্নিকোটীরমাণিক্য সংহৃষ্টবালাতপোদ্দাম লাক্ষারসারুণ্যতারুণ্য লক্ষ্মীগৃহিতাংঘ্রিপদ্মে সুপদ্মে উমে,

সুরুচিরনবরত্নপীঠস্থিতে সুস্থিতে রত্নপদ্মাসনে রত্নসিংহাসনে শংখপদ্মদ্বযোপাশ্রিতে বিশ্রুতে তত্র বিঘ্নেশদুর্গাবটুক্ষেত্রপালৈর্যুতে মত্তমাতংগ কন্যাসমূহান্বিতে ভৈরবৈরষ্টভির্বেষ্টিতে মংচুলামেনকাদ্যংগনামানিতে দেবি বামাদিভিঃ শক্তিভিস্সেবিতে ধাত্রি লক্ষ্ম্যাদিশক্ত্যষ্টকৈঃ সংযুতে মাতৃকামংডলৈর্মংডিতে যক্ষগংধর্বসিদ্ধাংগনা মংডলৈরর্চিতে, ভৈরবী সংবৃতে পংচবাণাত্মিকে পংচবাণেন রত্যা চ সংভাবিতে প্রীতিভাজা বসংতেন চানংদিতে ভক্তিভাজং পরং শ্রেযসে কল্পসে যোগিনাং মানসে দ্যোতসে ছংদসামোজসা ভ্রাজসে গীতবিদ্যা বিনোদাতি তৃষ্ণেন কৃষ্ণেন সংপূজ্যসে ভক্তিমচ্চেতসা বেধসা স্তূযসে বিশ্বহৃদ্যেন বাদ্যেন বিদ্যাধরৈর্গীযসে, শ্রবণহরদক্ষিণক্বাণযা বীণযা কিন্নরৈর্গীযসে যক্ষগংধর্বসিদ্ধাংগনা মংডলৈরর্চ্যসে সর্বসৌভাগ্যবাংছাবতীভির্ বধূভিস্সুরাণাং সমারাধ্যসে সর্ববিদ্যাবিশেষত্মকং চাটুগাথা সমুচ্চারণাকংঠমূলোল্লসদ্বর্ণরাজিত্রযং কোমলশ্যামলোদারপক্ষদ্বযং তুংডশোভাতিদূরীভবত্ কিংশুকং তং শুকং লালযংতী পরিক্রীডসে,

পাণিপদ্মদ্বযেনাক্ষমালামপি স্ফাটিকীং জ্ঞানসারাত্মকং পুস্তকংচংকুশং পাশমাবিভ্রতী তেন সংচিংত্যসে তস্য বক্ত্রাংতরাত্ গদ্যপদ্যাত্মিকা ভারতী নিস্সরেত্ যেন বাধ্বংসনাদা কৃতির্ভাব্যসে তস্য বশ্যা ভবংতিস্তিযঃ পূরুষাঃ যেন বা শাতকংবদ্যুতির্ভাব্যসে সোপি লক্ষ্মীসহস্রৈঃ পরিক্রীডতে, কিন্ন সিদ্ধ্যেদ্বপুঃ শ্যামলং কোমলং চংদ্রচূডান্বিতং তাবকং ধ্যাযতঃ তস্য লীলা সরোবারিধীঃ তস্য কেলীবনং নংদনং তস্য ভদ্রাসনং ভূতলং তস্য গীর্দেবতা কিংকরি তস্য চাজ্ঞাকরী শ্রী স্বযং,

সর্বতীর্থাত্মিকে সর্ব মংত্রাত্মিকে, সর্ব যংত্রাত্মিকে সর্ব তংত্রাত্মিকে, সর্ব চক্রাত্মিকে সর্ব শক্ত্যাত্মিকে, সর্ব পীঠাত্মিকে সর্ব বেদাত্মিকে, সর্ব বিদ্যাত্মিকে সর্ব যোগাত্মিকে, সর্ব বর্ণাত্মিকে সর্বগীতাত্মিকে, সর্ব নাদাত্মিকে সর্ব শব্দাত্মিকে, সর্ব বিশ্বাত্মিকে সর্ব বর্গাত্মিকে, সর্ব সর্বাত্মিকে সর্বগে সর্ব রূপে, জগন্মাতৃকে পাহি মাং পাহি মাং পাহি মাং দেবি তুভ্যং নমো দেবি তুভ্যং নমো দেবি তুভ্যং নমো দেবি তুভ্যং নমঃ ॥

shyamala dandakam in assamese