ଶ୍ୟାମଲା ଦଂଡକମ୍

shyamala dandakam in odia

ଧ୍ୟାନମ୍
ମାଣିକ୍ୟଵୀଣାମୁପଲାଲୟଂତୀଂ ମଦାଲସାଂ ମଂଜୁଲଵାଗ୍ଵିଲାସାମ୍ ।
ମାହେଂଦ୍ରନୀଲଦ୍ୟୁତିକୋମଲାଂଗୀଂ ମାତଂଗକନ୍ୟାଂ ମନସା ସ୍ମରାମି ॥ 1 ॥

ଚତୁର୍ଭୁଜେ ଚଂଦ୍ରକଲାଵତଂସେ କୁଚୋନ୍ନତେ କୁଂକୁମରାଗଶୋଣେ ।
ପୁଂଡ୍ରେକ୍ଷୁପାଶାଂକୁଶପୁଷ୍ପବାଣହସ୍ତେ ନମସ୍ତେ ଜଗଦେକମାତଃ ॥ 2 ॥

ଵିନିୟୋଗଃ
ମାତା ମରକତଶ୍ୟାମା ମାତଂଗୀ ମଦଶାଲିନୀ ।
କୁର୍ୟାତ୍କଟାକ୍ଷଂ କଳ୍ୟାଣୀ କଦଂବଵନଵାସିନୀ ॥ 3 ॥

ସ୍ତୁତି
ଜୟ ମାତଂଗତନୟେ ଜୟ ନୀଲୋତ୍ପଲଦ୍ୟୁତେ ।
ଜୟ ସଂଗୀତରସିକେ ଜୟ ଲୀଲାଶୁକପ୍ରିୟେ ॥ 4 ॥

ଦଂଡକମ୍
ଜୟ ଜନନି ସୁଧାସମୁଦ୍ରାଂତରୁଦ୍ୟନ୍ମଣୀଦ୍ଵୀପସଂରୂଢ ବିଲ୍ଵାଟଵୀମଧ୍ୟକଲ୍ପଦ୍ରୁମାକଲ୍ପକାଦଂବକାଂତାରଵାସପ୍ରିୟେ କୃତ୍ତିଵାସପ୍ରିୟେ ସର୍ଵଲୋକପ୍ରିୟେ, ସାଦରାରବ୍ଧସଂଗୀତସଂଭାଵନାସଂଭ୍ରମାଲୋଲନୀପସ୍ରଗାବଦ୍ଧଚୂଲୀସନାଥତ୍ରିକେ ସାନୁମତ୍ପୁତ୍ରିକେ, ଶେଖରୀଭୂତଶୀତାଂଶୁରେଖାମୟୂଖାଵଲୀବଦ୍ଧସୁସ୍ନିଗ୍ଧନୀଲାଲକଶ୍ରେଣିଶୃଂଗାରିତେ ଲୋକସଂଭାଵିତେ କାମଲୀଲାଧନୁସ୍ସନ୍ନିଭଭ୍ରୂଲତାପୁଷ୍ପସଂଦୋହସଂଦେହକୃଲ୍ଲୋଚନେ ଵାକ୍ସୁଧାସେଚନେ ଚାରୁଗୋରୋଚନାପଂକକେଳୀଲଲାମାଭିରାମେ ସୁରାମେ ରମେ, ପ୍ରୋଲ୍ଲସଦ୍ଵାଲିକାମୌକ୍ତିକଶ୍ରେଣିକାଚଂଦ୍ରିକାମଂଡଲୋଦ୍ଭାସି ଲାଵଣ୍ୟଗଂଡସ୍ଥଲନ୍ୟସ୍ତକସ୍ତୂରିକାପତ୍ରରେଖାସମୁଦ୍ଭୂତ ସୌରଭ୍ୟସଂଭ୍ରାଂତଭୃଂଗାଂଗନାଗୀତସାଂଦ୍ରୀଭଵନ୍ମଂଦ୍ରତଂତ୍ରୀସ୍ଵରେ ସୁସ୍ଵରେ ଭାସ୍ଵରେ, ଵଲ୍ଲକୀଵାଦନପ୍ରକ୍ରିୟାଲୋଲତାଲୀଦଲାବଦ୍ଧ-ତାଟଂକଭୂଷାଵିଶେଷାନ୍ଵିତେ ସିଦ୍ଧସମ୍ମାନିତେ, ଦିଵ୍ୟହାଲାମଦୋଦ୍ଵେଲହେଲାଲସଚ୍ଚକ୍ଷୁରାଂଦୋଲନଶ୍ରୀସମାକ୍ଷିପ୍ତକର୍ଣୈକନୀଲୋତ୍ପଲେ ଶ୍ୟାମଲେ ପୂରିତାଶେଷଲୋକାଭିଵାଂଛାଫଲେ ଶ୍ରୀଫଲେ, ସ୍ଵେଦବିଂଦୂଲ୍ଲସଦ୍ଫାଲଲାଵଣ୍ୟ ନିଷ୍ୟଂଦସଂଦୋହସଂଦେହକୃନ୍ନାସିକାମୌକ୍ତିକେ ସର୍ଵଵିଶ୍ଵାତ୍ମିକେ ସର୍ଵସିଦ୍ଧ୍ୟାତ୍ମିକେ କାଲିକେ ମୁଗ୍ଧମଂଦସ୍ମିତୋଦାରଵକ୍ତ୍ରସ୍ଫୁରତ୍ ପୂଗତାଂବୂଲକର୍ପୂରଖଂଡୋତ୍କରେ ଜ୍ଞାନମୁଦ୍ରାକରେ ସର୍ଵସଂପତ୍କରେ ପଦ୍ମଭାସ୍ଵତ୍କରେ ଶ୍ରୀକରେ, କୁଂଦପୁଷ୍ପଦ୍ୟୁତିସ୍ନିଗ୍ଧଦଂତାଵଲୀନିର୍ମଲାଲୋଲକଲ୍ଲୋଲସମ୍ମେଲନ ସ୍ମେରଶୋଣାଧରେ ଚାରୁଵୀଣାଧରେ ପକ୍ଵବିଂବାଧରେ,

ସୁଲଲିତ ନଵୟୌଵନାରଂଭଚଂଦ୍ରୋଦୟୋଦ୍ଵେଲଲାଵଣ୍ୟଦୁଗ୍ଧାର୍ଣଵାଵିର୍ଭଵତ୍କଂବୁବିଂବୋକଭୃତ୍କଂଥରେ ସତ୍କଲାମଂଦିରେ ମଂଥରେ ଦିଵ୍ୟରତ୍ନପ୍ରଭାବଂଧୁରଚ୍ଛନ୍ନହାରାଦିଭୂଷାସମୁଦ୍ୟୋତମାନାନଵଦ୍ୟାଂଗଶୋଭେ ଶୁଭେ, ରତ୍ନକେୟୂରରଶ୍ମିଚ୍ଛଟାପଲ୍ଲଵପ୍ରୋଲ୍ଲସଦ୍ଦୋଲ୍ଲତାରାଜିତେ ୟୋଗିଭିଃ ପୂଜିତେ ଵିଶ୍ଵଦିଙ୍ମଂଡଲଵ୍ୟାପ୍ତମାଣିକ୍ୟତେଜସ୍ସ୍ଫୁରତ୍କଂକଣାଲଂକୃତେ ଵିଭ୍ରମାଲଂକୃତେ ସାଧୁଭିଃ ପୂଜିତେ ଵାସରାରଂଭଵେଲାସମୁଜ୍ଜୃଂଭ
ମାଣାରଵିଂଦପ୍ରତିଦ୍ଵଂଦ୍ଵିପାଣିଦ୍ଵୟେ ସଂତତୋଦ୍ୟଦ୍ଦୟେ ଅଦ୍ଵୟେ ଦିଵ୍ୟରତ୍ନୋର୍ମିକାଦୀଧିତିସ୍ତୋମ ସଂଧ୍ୟାୟମାନାଂଗୁଲୀପଲ୍ଲଵୋଦ୍ୟନ୍ନଖେଂଦୁପ୍ରଭାମଂଡଲେ ସନ୍ନୁତାଖଂଡଲେ ଚିତ୍ପ୍ରଭାମଂଡଲେ ପ୍ରୋଲ୍ଲସତ୍କୁଂଡଲେ,

ତାରକାରାଜିନୀକାଶହାରାଵଲିସ୍ମେର ଚାରୁସ୍ତନାଭୋଗଭାରାନମନ୍ମଧ୍ୟଵଲ୍ଲୀଵଲିଚ୍ଛେଦ ଵୀଚୀସମୁଦ୍ୟତ୍ସମୁଲ୍ଲାସସଂଦର୍ଶିତାକାରସୌଂଦର୍ୟରତ୍ନାକରେ ଵଲ୍ଲକୀଭୃତ୍କରେ କିଂକରଶ୍ରୀକରେ, ହେମକୁଂଭୋପମୋତ୍ତୁଂଗ ଵକ୍ଷୋଜଭାରାଵନମ୍ରେ ତ୍ରିଲୋକାଵନମ୍ରେ ଲସଦ୍ଵୃତ୍ତଗଂଭୀର ନାଭୀସରସ୍ତୀରଶୈଵାଲଶଂକାକରଶ୍ୟାମରୋମାଵଲୀଭୂଷଣେ ମଂଜୁସଂଭାଷଣେ, ଚାରୁଶିଂଚତ୍କଟୀସୂତ୍ରନିର୍ଭତ୍ସିତାନଂଗଲୀଲଧନୁଶ୍ଶିଂଚିନୀଡଂବରେ ଦିଵ୍ୟରତ୍ନାଂବରେ,

ପଦ୍ମରାଗୋଲ୍ଲସ ନ୍ମେଖଲାମୌକ୍ତିକଶ୍ରୋଣିଶୋଭାଜିତସ୍ଵର୍ଣଭୂଭୃତ୍ତଲେ ଚଂଦ୍ରିକାଶୀତଲେ ଵିକସିତନଵକିଂଶୁକାତାମ୍ରଦିଵ୍ୟାଂଶୁକଚ୍ଛନ୍ନ ଚାରୂରୁଶୋଭାପରାଭୂତସିଂଦୂରଶୋଣାୟମାନେଂଦ୍ରମାତଂଗ ହସ୍ତାର୍ଗଲେ ଵୈଭଵାନର୍ଗଲେ ଶ୍ୟାମଲେ କୋମଲସ୍ନିଗ୍ଧ ନୀଲୋତ୍ପଲୋତ୍ପାଦିତାନଂଗତୂଣୀରଶଂକାକରୋଦାର ଜଂଘାଲତେ ଚାରୁଲୀଲାଗତେ ନମ୍ରଦିକ୍ପାଲସୀମଂତିନୀ କୁଂତଲସ୍ନିଗ୍ଧନୀଲପ୍ରଭାପୁଂଚସଂଜାତଦୁର୍ଵାଂକୁରାଶଂକ ସାରଂଗସଂୟୋଗରିଂଖନ୍ନଖେଂଦୂଜ୍ଜ୍ଵଲେ ପ୍ରୋଜ୍ଜ୍ଵଲେ ନିର୍ମଲେ ପ୍ରହ୍ଵ ଦେଵେଶ ଲକ୍ଷ୍ମୀଶ ଭୂତେଶ ତୋୟେଶ ଵାଣୀଶ କୀନାଶ ଦୈତ୍ୟେଶ ୟକ୍ଷେଶ ଵାୟ୍ଵଗ୍ନିକୋଟୀରମାଣିକ୍ୟ ସଂହୃଷ୍ଟବାଲାତପୋଦ୍ଦାମ ଲାକ୍ଷାରସାରୁଣ୍ୟତାରୁଣ୍ୟ ଲକ୍ଷ୍ମୀଗୃହିତାଂଘ୍ରିପଦ୍ମେ ସୁପଦ୍ମେ ଉମେ,

ସୁରୁଚିରନଵରତ୍ନପୀଠସ୍ଥିତେ ସୁସ୍ଥିତେ ରତ୍ନପଦ୍ମାସନେ ରତ୍ନସିଂହାସନେ ଶଂଖପଦ୍ମଦ୍ଵୟୋପାଶ୍ରିତେ ଵିଶ୍ରୁତେ ତତ୍ର ଵିଘ୍ନେଶଦୁର୍ଗାଵଟୁକ୍ଷେତ୍ରପାଲୈର୍ୟୁତେ ମତ୍ତମାତଂଗ କନ୍ୟାସମୂହାନ୍ଵିତେ ଭୈରଵୈରଷ୍ଟଭିର୍ଵେଷ୍ଟିତେ ମଂଚୁଲାମେନକାଦ୍ୟଂଗନାମାନିତେ ଦେଵି ଵାମାଦିଭିଃ ଶକ୍ତିଭିସ୍ସେଵିତେ ଧାତ୍ରି ଲକ୍ଷ୍ମ୍ୟାଦିଶକ୍ତ୍ୟଷ୍ଟକୈଃ ସଂୟୁତେ ମାତୃକାମଂଡଲୈର୍ମଂଡିତେ ୟକ୍ଷଗଂଧର୍ଵସିଦ୍ଧାଂଗନା ମଂଡଲୈରର୍ଚିତେ, ଭୈରଵୀ ସଂଵୃତେ ପଂଚବାଣାତ୍ମିକେ ପଂଚବାଣେନ ରତ୍ୟା ଚ ସଂଭାଵିତେ ପ୍ରୀତିଭାଜା ଵସଂତେନ ଚାନଂଦିତେ ଭକ୍ତିଭାଜଂ ପରଂ ଶ୍ରେୟସେ କଲ୍ପସେ ୟୋଗିନାଂ ମାନସେ ଦ୍ୟୋତସେ ଛଂଦସାମୋଜସା ଭ୍ରାଜସେ ଗୀତଵିଦ୍ୟା ଵିନୋଦାତି ତୃଷ୍ଣେନ କୃଷ୍ଣେନ ସଂପୂଜ୍ୟସେ ଭକ୍ତିମଚ୍ଚେତସା ଵେଧସା ସ୍ତୂୟସେ ଵିଶ୍ଵହୃଦ୍ୟେନ ଵାଦ୍ୟେନ ଵିଦ୍ୟାଧରୈର୍ଗୀୟସେ, ଶ୍ରଵଣହରଦକ୍ଷିଣକ୍ଵାଣୟା ଵୀଣୟା କିନ୍ନରୈର୍ଗୀୟସେ ୟକ୍ଷଗଂଧର୍ଵସିଦ୍ଧାଂଗନା ମଂଡଲୈରର୍ଚ୍ୟସେ ସର୍ଵସୌଭାଗ୍ୟଵାଂଛାଵତୀଭିର୍ ଵଧୂଭିସ୍ସୁରାଣାଂ ସମାରାଧ୍ୟସେ ସର୍ଵଵିଦ୍ୟାଵିଶେଷତ୍ମକଂ ଚାଟୁଗାଥା ସମୁଚ୍ଚାରଣାକଂଠମୂଲୋଲ୍ଲସଦ୍ଵର୍ଣରାଜିତ୍ରୟଂ କୋମଲଶ୍ୟାମଲୋଦାରପକ୍ଷଦ୍ଵୟଂ ତୁଂଡଶୋଭାତିଦୂରୀଭଵତ୍ କିଂଶୁକଂ ତଂ ଶୁକଂ ଲାଲୟଂତୀ ପରିକ୍ରୀଡସେ,

ପାଣିପଦ୍ମଦ୍ଵୟେନାକ୍ଷମାଲାମପି ସ୍ଫାଟିକୀଂ ଜ୍ଞାନସାରାତ୍ମକଂ ପୁସ୍ତକଂଚଂକୁଶଂ ପାଶମାବିଭ୍ରତୀ ତେନ ସଂଚିଂତ୍ୟସେ ତସ୍ୟ ଵକ୍ତ୍ରାଂତରାତ୍ ଗଦ୍ୟପଦ୍ୟାତ୍ମିକା ଭାରତୀ ନିସ୍ସରେତ୍ ୟେନ ଵାଧ୍ଵଂସନାଦା କୃତିର୍ଭାଵ୍ୟସେ ତସ୍ୟ ଵଶ୍ୟା ଭଵଂତିସ୍ତିୟଃ ପୂରୁଷାଃ ୟେନ ଵା ଶାତକଂବଦ୍ୟୁତିର୍ଭାଵ୍ୟସେ ସୋପି ଲକ୍ଷ୍ମୀସହସ୍ରୈଃ ପରିକ୍ରୀଡତେ, କିନ୍ନ ସିଦ୍ଧ୍ୟେଦ୍ଵପୁଃ ଶ୍ୟାମଲଂ କୋମଲଂ ଚଂଦ୍ରଚୂଡାନ୍ଵିତଂ ତାଵକଂ ଧ୍ୟାୟତଃ ତସ୍ୟ ଲୀଲା ସରୋଵାରିଧୀଃ ତସ୍ୟ କେଲୀଵନଂ ନଂଦନଂ ତସ୍ୟ ଭଦ୍ରାସନଂ ଭୂତଲଂ ତସ୍ୟ ଗୀର୍ଦେଵତା କିଂକରି ତସ୍ୟ ଚାଜ୍ଞାକରୀ ଶ୍ରୀ ସ୍ଵୟଂ,

ସର୍ଵତୀର୍ଥାତ୍ମିକେ ସର୍ଵ ମଂତ୍ରାତ୍ମିକେ, ସର୍ଵ ୟଂତ୍ରାତ୍ମିକେ ସର୍ଵ ତଂତ୍ରାତ୍ମିକେ, ସର୍ଵ ଚକ୍ରାତ୍ମିକେ ସର୍ଵ ଶକ୍ତ୍ୟାତ୍ମିକେ, ସର୍ଵ ପୀଠାତ୍ମିକେ ସର୍ଵ ଵେଦାତ୍ମିକେ, ସର୍ଵ ଵିଦ୍ୟାତ୍ମିକେ ସର୍ଵ ୟୋଗାତ୍ମିକେ, ସର୍ଵ ଵର୍ଣାତ୍ମିକେ ସର୍ଵଗୀତାତ୍ମିକେ, ସର୍ଵ ନାଦାତ୍ମିକେ ସର୍ଵ ଶବ୍ଦାତ୍ମିକେ, ସର୍ଵ ଵିଶ୍ଵାତ୍ମିକେ ସର୍ଵ ଵର୍ଗାତ୍ମିକେ, ସର୍ଵ ସର୍ଵାତ୍ମିକେ ସର୍ଵଗେ ସର୍ଵ ରୂପେ, ଜଗନ୍ମାତୃକେ ପାହି ମାଂ ପାହି ମାଂ ପାହି ମାଂ ଦେଵି ତୁଭ୍ୟଂ ନମୋ ଦେଵି ତୁଭ୍ୟଂ ନମୋ ଦେଵି ତୁଭ୍ୟଂ ନମୋ ଦେଵି ତୁଭ୍ୟଂ ନମଃ ॥

shyamala dandakam in odia