සරස්වතී ස්තවම්

saraswati stavam in sinhala

යාජ්ඤවල්ක්යකෘත සරස්වතී ස්තවම්

යාජ්ඤවල්ක්ය උවාච
කෘපාං කුරු ජගන්මාතර්‌-මාමේවං හතතේජසම්‌ ।
ගුරුශාපාත් ස්මෘතිභ්රෂ්ටං විද්යාහීනං ච දුඃඛිතම්‌ ॥ 1 ॥

ජ්ඤානං දේහි ස්මෘතිං විද්යාං ශක්තිං ශිෂ්ය ප්රබෝධිනීම්‌ ।
ග්රංථකර්තෘත්ව ශක්තිං ච සුශිෂ්යං සුප්රතිෂ්ඨිතම්‌ ॥ 2 ॥

ප්රතිභාං සත්සභායාං ච විචාරක්ෂමතාං ශුභාම්‌ ।
ලුප්තං සර්වං දෛව යෝගා-න්නවීභූතං පුනඃ කුරු ॥ 3 ॥

යථාංකුරං භස්මනි ච කරෝති දේවතා පුනඃ ।
බ්රහ්මස්වරූපා පරමා ජ්යෝතීරූපා සනාතනී ॥ 4 ॥

සර්වවිද්යාධිදේවී යා තස්යෛ වාණ්යෛ නමෝ නමඃ ।
විසර්ග බිංදුමාත්රාසු යදධිෂ්ඨානමේවච ॥ 5 ॥

තදධිෂ්ඨාත්රී යා දේවී තස්යෛ වාණ්යෛ නමෝ නමඃ ।
ව්යාඛ්යාස්වරූපා සා දේවී ව්යාඛ්යාධිෂ්ඨාතෘරූපිණී ॥ 6 ॥

යයා විනා ප්රසංඛ්යාවාන් සංඛ්යාං කර්තුං න ශක්යතේ ।
කාලසංඛ්යා ස්වරූපා යා තස්යෛ දේව්යෛ නමෝ නමඃ ॥ 7 ॥

භ්රම සිද්ධාංතරූපා යා තස්යෛ දේව්යෛ නමෝ නමඃ ।
ස්මෘතිශක්ති ජ්ඤානශක්ති බුද්ධිශක්ති ස්වරූපිණී ॥ 8 ॥

ප්රතිභාකල්පනාශක්තිර්‌-යා ච තස්යෛ නමෝනමඃ ।
සනත්කුමාරෝ බ්රහ්මාණං ජ්ඤානං පප්රච්ඡ යත්ර වෛ ॥ 9 ॥

බභූව මූකවත්සෝස්පි සිද්ධාංතං කර්තු මක්ෂමඃ ।
තදාෂ්ජගාම භගවා-නාත්මා ශ්රීකෘෂ්ණ ඊශ්වරඃ ॥ 10 ॥

උවාච ස ච තාං ස්තෞහි වාණී මිෂ්ටාං ප්රජාපතේ ।
ස ච තුෂ්ටාව තාං බ්රහ්මා චාජ්ඤයා පරමාත්මනඃ ॥ 11 ॥

චකාර තත්ප්රසාදේන තදා සිද්ධාංත මුත්තමම්‌ ।
යදාප්යනංතං පප්රච්ඡ ජ්ඤානමේකං වසුංධරා ॥ 12 ॥

බභූව මූකවත්සෝස්පි සිද්ධාංතං කර්තු මක්ෂමඃ ।
තදා තාං ච ස තුෂ්ටාව සංත්රස්තඃ කශ්යපාජ්ඤයා ॥ 13 ॥

තත ශ්චකාර සිද්ධාංතං නිර්මලං භ්රම භංජනම්‌ ।
ව්යාසඃ පුරාණසූත්රං ච පප්රච්ඡ වාල්මීකිං යදා ॥ 14 ॥

මෞනීභූත ශ්ච සස්මාර තාමේව ජගදංබිකාම්‌ ।
තදා චකාර සිද්ධාංතං තද්වරේණ මුනීශ්වරඃ ॥ 15 ॥

සංප්රාප්ය නිර්මලං ජ්ඤානං භ්රමාංධ්ය ධ්වංසදීපකම්‌ ।
පුරාණසූත්රං ශ්රුත්වා ච ව්යාසඃ කෘෂ්ණකලෝද්භවඃ ॥ 16 ॥

තාං ශිවාං වේද දධ්යෞ ච ශතවර්ෂං ච පුෂ්කරේ ।
තදා ත්වත්තෝ වරං ප්රාප්ය සත්කවීංද්රෝ බභූව හ ॥ 17 ॥

තදා වේදවිභාගං ච පුරාණං ච චකාර සඃ ।
යදා මහේංද්රඃ පප්රච්ඡ තත්ත්වජ්ඤානං සදාශිවම්‌ ॥ 18 ॥

ක්ෂණං තාමේව සංචිංත්ය තස්මෛ ජ්ඤානං දදෞ විභුඃ ।
පප්රච්ඡ ශබ්දශාස්ත්රං ච මහේංද්ර ශ්ච බෘහස්පතිම්‌ ॥ 19 ॥

දිව්ය වර්ෂ සහස්රං ච ස ත්වාං දධ්යෞ ච පුෂ්කරේ ।
තදා ත්වත්තෝ වරං ප්රාප්ය දිව්යවර්ෂසහස්රකම්‌ ॥ 20 ॥

උවාච ශබ්ද ශාස්ත්රං ච තදර්ථං ච සුරේශ්වරම්‌ ।
අධ්යාපිතාශ්ච යේ ශිෂ්යා යෛරධීතං මුනීශ්වරෛඃ ॥ 21 ॥

තේ ච තාං පරිසංචිත්ය ප්රවර්තංතේ සුරේශ්වරීම්‌ ।
ත්වං සංස්තුතා පූජිතා ච මුනීංද්රෛ ර්මනු මානවෛඃ ॥ 22 ॥

දෛත්යේංද්රෛ ශ්ච සුරෛශ්චාපි බ්රහ්ම විෂ්ණුශිවාදිභිඃ ।
ජඩීභූත ස්සහස්රාස්යඃ පංචවක්ත්ර ශ්චතුර්මුඛඃ ॥ 23 ॥

යාං ස්තෝතුං කි මහං ස්තෞමි තාමේකාස්යේන මානවඃ ।
ඉත්යුක්ත්වා යාජ්ඤවල්ක්ය ශ්ච භක්තිනම්රාත්ම කංධරඃ ॥ 24 ॥

ප්රණනාම නිරාහාරෝ රුරෝද ච මුහුර්මුහුඃ ।
ජ්යෝතීරූපා මහාමායා තේන දෘෂ්ටා7ප්යුවාච තම්‌ ॥ 25 ॥

සුකවීංද්රෝ භවේත්යුක්ත්වා වෛකුංඨං ච ජගාම හ ।
යාජ්ඤවල්ක්ය කෘතං වාණී ස්තෝත්රමේතත්තු යඃ පඨේත්‌ ॥ 26 ॥

ස කවීංද්රෝ මහාවාග්මී බෘහස්පතිසමෝ භවේත්‌ ।
මහා මූර්ඛශ්ච දුර්බුද්ධිර්‌-වර්ෂමේකං යදා පඨේත්‌ ।
ස පංඩිතශ්ච මේධාවී සුකවීංද්රෝ භවේද්ධ්රුවම්‌ ॥ 27 ॥

ඉති ශ්රී දේවී භාගවතේ මහාපුරාණේ නවමස්කංධේ
සරස්වතීස්තවං නාම පංචමෝධ්යායඃ ।
සරස්වතී කටාක්ෂ සිද්ධිරස්තු ।

ඉදං මයාකෘතං පාරායණං
ශ්රීසද්ගුරු චරණාරවිංදාර්පණමස්තු ।

saraswati stavam in sinhala