ସରସ୍ଵତୀ ସ୍ତଵମ୍

saraswati stavam in odia

ୟାଜ୍ଞଵଲ୍କ୍ୟକୃତ ସରସ୍ଵତୀ ସ୍ତଵମ୍

ୟାଜ୍ଞଵଲ୍କ୍ୟ ଉଵାଚ
କୃପାଂ କୁରୁ ଜଗନ୍ମାତର୍‌-ମାମେଵଂ ହତତେଜସମ୍‌ ।
ଗୁରୁଶାପାତ୍ ସ୍ମୃତିଭ୍ରଷ୍ଟଂ ଵିଦ୍ୟାହୀନଂ ଚ ଦୁଃଖିତମ୍‌ ॥ 1 ॥

ଜ୍ଞାନଂ ଦେହି ସ୍ମୃତିଂ ଵିଦ୍ୟାଂ ଶକ୍ତିଂ ଶିଷ୍ୟ ପ୍ରବୋଧିନୀମ୍‌ ।
ଗ୍ରଂଥକର୍ତୃତ୍ଵ ଶକ୍ତିଂ ଚ ସୁଶିଷ୍ୟଂ ସୁପ୍ରତିଷ୍ଠିତମ୍‌ ॥ 2 ॥

ପ୍ରତିଭାଂ ସତ୍ସଭାୟାଂ ଚ ଵିଚାରକ୍ଷମତାଂ ଶୁଭାମ୍‌ ।
ଲୁପ୍ତଂ ସର୍ଵଂ ଦୈଵ ୟୋଗା-ନ୍ନଵୀଭୂତଂ ପୁନଃ କୁରୁ ॥ 3 ॥

ୟଥାଂକୁରଂ ଭସ୍ମନି ଚ କରୋତି ଦେଵତା ପୁନଃ ।
ବ୍ରହ୍ମସ୍ଵରୂପା ପରମା ଜ୍ୟୋତୀରୂପା ସନାତନୀ ॥ 4 ॥

ସର୍ଵଵିଦ୍ୟାଧିଦେଵୀ ୟା ତସ୍ୟୈ ଵାଣ୍ୟୈ ନମୋ ନମଃ ।
ଵିସର୍ଗ ବିଂଦୁମାତ୍ରାସୁ ୟଦଧିଷ୍ଠାନମେଵଚ ॥ 5 ॥

ତଦଧିଷ୍ଠାତ୍ରୀ ୟା ଦେଵୀ ତସ୍ୟୈ ଵାଣ୍ୟୈ ନମୋ ନମଃ ।
ଵ୍ୟାଖ୍ୟାସ୍ଵରୂପା ସା ଦେଵୀ ଵ୍ୟାଖ୍ୟାଧିଷ୍ଠାତୃରୂପିଣୀ ॥ 6 ॥

ୟୟା ଵିନା ପ୍ରସଂଖ୍ୟାଵାନ୍ ସଂଖ୍ୟାଂ କର୍ତୁଂ ନ ଶକ୍ୟତେ ।
କାଲସଂଖ୍ୟା ସ୍ଵରୂପା ୟା ତସ୍ୟୈ ଦେଵ୍ୟୈ ନମୋ ନମଃ ॥ 7 ॥

ଭ୍ରମ ସିଦ୍ଧାଂତରୂପା ୟା ତସ୍ୟୈ ଦେଵ୍ୟୈ ନମୋ ନମଃ ।
ସ୍ମୃତିଶକ୍ତି ଜ୍ଞାନଶକ୍ତି ବୁଦ୍ଧିଶକ୍ତି ସ୍ଵରୂପିଣୀ ॥ 8 ॥

ପ୍ରତିଭାକଲ୍ପନାଶକ୍ତିର୍‌-ୟା ଚ ତସ୍ୟୈ ନମୋନମଃ ।
ସନତ୍କୁମାରୋ ବ୍ରହ୍ମାଣଂ ଜ୍ଞାନଂ ପପ୍ରଚ୍ଛ ୟତ୍ର ଵୈ ॥ 9 ॥

ବଭୂଵ ମୂକଵତ୍ସୋସ୍ପି ସିଦ୍ଧାଂତଂ କର୍ତୁ ମକ୍ଷମଃ ।
ତଦାଷ୍ଜଗାମ ଭଗଵା-ନାତ୍ମା ଶ୍ରୀକୃଷ୍ଣ ଈଶ୍ଵରଃ ॥ 10 ॥

ଉଵାଚ ସ ଚ ତାଂ ସ୍ତୌହି ଵାଣୀ ମିଷ୍ଟାଂ ପ୍ରଜାପତେ ।
ସ ଚ ତୁଷ୍ଟାଵ ତାଂ ବ୍ରହ୍ମା ଚାଜ୍ଞୟା ପରମାତ୍ମନଃ ॥ 11 ॥

ଚକାର ତତ୍ପ୍ରସାଦେନ ତଦା ସିଦ୍ଧାଂତ ମୁତ୍ତମମ୍‌ ।
ୟଦାପ୍ୟନଂତଂ ପପ୍ରଚ୍ଛ ଜ୍ଞାନମେକଂ ଵସୁଂଧରା ॥ 12 ॥

ବଭୂଵ ମୂକଵତ୍ସୋସ୍ପି ସିଦ୍ଧାଂତଂ କର୍ତୁ ମକ୍ଷମଃ ।
ତଦା ତାଂ ଚ ସ ତୁଷ୍ଟାଵ ସଂତ୍ରସ୍ତଃ କଶ୍ୟପାଜ୍ଞୟା ॥ 13 ॥

ତତ ଶ୍ଚକାର ସିଦ୍ଧାଂତଂ ନିର୍ମଲଂ ଭ୍ରମ ଭଂଜନମ୍‌ ।
ଵ୍ୟାସଃ ପୁରାଣସୂତ୍ରଂ ଚ ପପ୍ରଚ୍ଛ ଵାଲ୍ମୀକିଂ ୟଦା ॥ 14 ॥

ମୌନୀଭୂତ ଶ୍ଚ ସସ୍ମାର ତାମେଵ ଜଗଦଂବିକାମ୍‌ ।
ତଦା ଚକାର ସିଦ୍ଧାଂତଂ ତଦ୍ଵରେଣ ମୁନୀଶ୍ଵରଃ ॥ 15 ॥

ସଂପ୍ରାପ୍ୟ ନିର୍ମଲଂ ଜ୍ଞାନଂ ଭ୍ରମାଂଧ୍ୟ ଧ୍ଵଂସଦୀପକମ୍‌ ।
ପୁରାଣସୂତ୍ରଂ ଶ୍ରୁତ୍ଵା ଚ ଵ୍ୟାସଃ କୃଷ୍ଣକଲୋଦ୍ଭଵଃ ॥ 16 ॥

ତାଂ ଶିଵାଂ ଵେଦ ଦଧ୍ୟୌ ଚ ଶତଵର୍ଷଂ ଚ ପୁଷ୍କରେ ।
ତଦା ତ୍ଵତ୍ତୋ ଵରଂ ପ୍ରାପ୍ୟ ସତ୍କଵୀଂଦ୍ରୋ ବଭୂଵ ହ ॥ 17 ॥

ତଦା ଵେଦଵିଭାଗଂ ଚ ପୁରାଣଂ ଚ ଚକାର ସଃ ।
ୟଦା ମହେଂଦ୍ରଃ ପପ୍ରଚ୍ଛ ତତ୍ତ୍ଵଜ୍ଞାନଂ ସଦାଶିଵମ୍‌ ॥ 18 ॥

କ୍ଷଣଂ ତାମେଵ ସଂଚିଂତ୍ୟ ତସ୍ମୈ ଜ୍ଞାନଂ ଦଦୌ ଵିଭୁଃ ।
ପପ୍ରଚ୍ଛ ଶବ୍ଦଶାସ୍ତ୍ରଂ ଚ ମହେଂଦ୍ର ଶ୍ଚ ବୃହସ୍ପତିମ୍‌ ॥ 19 ॥

ଦିଵ୍ୟ ଵର୍ଷ ସହସ୍ରଂ ଚ ସ ତ୍ଵାଂ ଦଧ୍ୟୌ ଚ ପୁଷ୍କରେ ।
ତଦା ତ୍ଵତ୍ତୋ ଵରଂ ପ୍ରାପ୍ୟ ଦିଵ୍ୟଵର୍ଷସହସ୍ରକମ୍‌ ॥ 20 ॥

ଉଵାଚ ଶବ୍ଦ ଶାସ୍ତ୍ରଂ ଚ ତଦର୍ଥଂ ଚ ସୁରେଶ୍ଵରମ୍‌ ।
ଅଧ୍ୟାପିତାଶ୍ଚ ୟେ ଶିଷ୍ୟା ୟୈରଧୀତଂ ମୁନୀଶ୍ଵରୈଃ ॥ 21 ॥

ତେ ଚ ତାଂ ପରିସଂଚିତ୍ୟ ପ୍ରଵର୍ତଂତେ ସୁରେଶ୍ଵରୀମ୍‌ ।
ତ୍ଵଂ ସଂସ୍ତୁତା ପୂଜିତା ଚ ମୁନୀଂଦ୍ରୈ ର୍ମନୁ ମାନଵୈଃ ॥ 22 ॥

ଦୈତ୍ୟେଂଦ୍ରୈ ଶ୍ଚ ସୁରୈଶ୍ଚାପି ବ୍ରହ୍ମ ଵିଷ୍ଣୁଶିଵାଦିଭିଃ ।
ଜଡୀଭୂତ ସ୍ସହସ୍ରାସ୍ୟଃ ପଂଚଵକ୍ତ୍ର ଶ୍ଚତୁର୍ମୁଖଃ ॥ 23 ॥

ୟାଂ ସ୍ତୋତୁଂ କି ମହଂ ସ୍ତୌମି ତାମେକାସ୍ୟେନ ମାନଵଃ ।
ଇତ୍ୟୁକ୍ତ୍ଵା ୟାଜ୍ଞଵଲ୍କ୍ୟ ଶ୍ଚ ଭକ୍ତିନମ୍ରାତ୍ମ କଂଧରଃ ॥ 24 ॥

ପ୍ରଣନାମ ନିରାହାରୋ ରୁରୋଦ ଚ ମୁହୁର୍ମୁହୁଃ ।
ଜ୍ୟୋତୀରୂପା ମହାମାୟା ତେନ ଦୃଷ୍ଟା7ପ୍ୟୁଵାଚ ତମ୍‌ ॥ 25 ॥

ସୁକଵୀଂଦ୍ରୋ ଭଵେତ୍ୟୁକ୍ତ୍ଵା ଵୈକୁଂଠଂ ଚ ଜଗାମ ହ ।
ୟାଜ୍ଞଵଲ୍କ୍ୟ କୃତଂ ଵାଣୀ ସ୍ତୋତ୍ରମେତତ୍ତୁ ୟଃ ପଠେତ୍‌ ॥ 26 ॥

ସ କଵୀଂଦ୍ରୋ ମହାଵାଗ୍ମୀ ବୃହସ୍ପତିସମୋ ଭଵେତ୍‌ ।
ମହା ମୂର୍ଖଶ୍ଚ ଦୁର୍ବୁଦ୍ଧିର୍‌-ଵର୍ଷମେକଂ ୟଦା ପଠେତ୍‌ ।
ସ ପଂଡିତଶ୍ଚ ମେଧାଵୀ ସୁକଵୀଂଦ୍ରୋ ଭଵେଦ୍ଧ୍ରୁଵମ୍‌ ॥ 27 ॥

ଇତି ଶ୍ରୀ ଦେଵୀ ଭାଗଵତେ ମହାପୁରାଣେ ନଵମସ୍କଂଧେ
ସରସ୍ଵତୀସ୍ତଵଂ ନାମ ପଂଚମୋଧ୍ୟାୟଃ ।
ସରସ୍ଵତୀ କଟାକ୍ଷ ସିଦ୍ଧିରସ୍ତୁ ।

ଇଦଂ ମୟାକୃତଂ ପାରାୟଣଂ
ଶ୍ରୀସଦ୍ଗୁରୁ ଚରଣାରଵିଂଦାର୍ପଣମସ୍ତୁ ।

saraswati stavam in odia