නවග්රහ මංගළ ශ්ලොකාඃ (නවග්රහ මංගළාෂ්ටකම්)

navagraha mangala slokas navagraha mangalashtakam in sinhala

භාස්වාන් කාශ්යපගෝත්රජෝऽරුණරුචිර්යඃ සිංහපෝऽර්කඃ සමි-
-ත්ෂට්ත්රිස්ථෝऽදශශෝභනෝ ගුරුශශී භෞමාඃ සුමිත්රාඃ සදා ।
ශුක්රෝ මංදරිපුඃ කළිංගජනපශ්චාග්නීශ්වරෞ දේවතේ
මධ්යේවර්තුලපූර්වදිග්දිනකරඃ කුර්යාත්සදා මංගළම් ॥ 1 ॥

චංද්රඃ කර්කටකප්රභුඃ සිතනිභශ්චාත්රේයගෝත්රෝද්භව-
-ශ්චාත්රේයශ්චතුරශ්රවාරුණමුඛශ්චාපේ උමාධීශ්වරඃ ।
ෂට්සප්තාග්නි දශෛකශෝභනඵලෝ නෝරිර්බුධාර්කෞප්රියෞ
ස්වාමී යාමුනජශ්ච පර්ණසමිධඃ කුර්යාත්සදා මංගළම් ॥ 2 ॥

භෞමෝ දක්ෂිණදික්ත්රිකෝණයමදිග්විංධ්යේශ්වරඃ ඛාදිරඃ
ස්වාමී වෘශ්චිකමේෂයෝස්තු සුගුරුශ්චාර්කඃ ශශී සෞහෘදඃ ।
ජ්ඤෝऽරිඃ ෂට්ත්රිඵලප්රදශ්ච වසුධාස්කංදෞ ක්රමාද්දේවතේ
භාරද්වාජකුලෝද්වහෝऽරුණරුචිඃ කුර්යාත්සදා මංගළම් ॥ 3 ॥

සෞම්යඃ පීත උදඞ්මුඛඃ සමිදපාමාර්ගෝऽත්රිගෝත්රෝද්භවෝ
බාණේශානදිශඃ සුහෘද්රවිසුතඃ ශාංතඃ සුතඃ ශීතගෝඃ ।
කන්යායුග්මපතිර්දශාෂ්ටචතුරඃ ෂණ්ණේත්රගඃ ශෝභනෝ
විෂ්ණුර්දේව්යධිදේවතේ මගධපඃ කුර්යාත්සදා මංගළම් ॥ 4 ॥

ජීවශ්චාංගිරගෝත්රජෝත්තරමුඛෝ දීර්ඝෝත්තරාශාස්ථිතඃ
පීතෝऽශ්වත්ථසමිච්ච සිංධුජනිතශ්චාපෝऽථ මීනාධිපඃ ।
සූර්යේංදුක්ෂිතිජාඃ ප්රියා බුධසිතෞ ශත්රූ සමාශ්චාපරේ
සප්තද්වේ නවපංචමේ ශුභකරඃ කුර්යාත්සදා මංගළම් ॥ 5 ॥

ශුක්රෝ භාර්ගවගෝත්රජඃ සිතරුචිඃ පූර්වාමුඛඃ පූර්වදික්
පාංචාලස්ථ වෘෂස්තුලාධිපමහාරාෂ්ට්රාධිපෞදුංබරඃ ।
ඉංද්රාණීමඝවා බුධශ්ච රවිජෝ මිත්රෝර්ක චංද්රාවරී
ෂෂ්ඨත්රිර්දශවර්ජිතේ භෘගුසුතඃ කුර්යාත්සදා මංගළම් ॥ 6 ॥

මංදඃ කෘෂ්ණනිභඃ සපශ්චිමමුඛඃ සෞරාෂ්ට්රපඃ කාශ්යපඃ
ස්වාමී නක්රසුකුංභයෝර්බුධසිතෞ මිත්රෞ කුජේංදූ ද්විෂෞ ।
ස්ථානං පශ්චිමදික් ප්රජාපතියමෞ දේවෞ ධනුර්ධාරකඃ
ෂට්ත්රිස්ථඃ ශුභකෘච්ඡනී රවිසුතඃ කුර්යාත්සදා මංගළම් ॥ 7 ॥

රාහුඃ සිංහළදේශපෝऽපි සතමඃ කෘෂ්ණාංගශූර්පාසනෝ
යඃ පෛඨීනසගෝත්රසංභවසමිද්දූර්වාමුඛෝ දක්ෂිණඃ ।
යඃ සර්පඃ පශුදෛවතෝऽඛිලගතඃ සූර්යග්රහේ ඡාදකඃ
ෂට්ත්රිස්ථඃ ශුභකෘච්ච සිංහකසුතඃ කුර්යාත්සදා මංගළම් ॥ 8 ॥

කේතුර්ජෛමිනිගෝත්රජඃ කුශසමිද්වායව්යකෝණේස්ථිත-
-ශ්චිත්රාංකධ්වජලාංඡනෝ හි භගවාන් යෝ දක්ෂිණාශාමුඛඃ ।
බ්රහ්මා චෛව තු චිත්රගුප්තපතිමාන් ප්රීත්යාධිදේවඃ සදා
ෂට්ත්රිස්ථඃ ශුභකෘච්ච බර්බරපතිඃ කුර්යාත්සදා මංගළම් ॥ 9 ॥

ඉති නවග්රහ මංගළ ස්තෝත්රම් ।

navagraha mangala slokas navagraha mangalashtakam in sinhala