নবগ্রহ মংগল শ্লোকাঃ (নবগ্রহ মংগলাষ্টকম্)

navagraha mangala slokas navagraha mangalashtakam in assamese

ভাস্বান্ কাশ্যপগোত্রজোঽরুণরুচির্যঃ সিংহপোঽর্কঃ সমি-
-ত্ষট্ত্রিস্থোঽদশশোভনো গুরুশশী ভৌমাঃ সুমিত্রাঃ সদা ।
শুক্রো মংদরিপুঃ কলিংগজনপশ্চাগ্নীশ্বরৌ দেবতে
মধ্যেবর্তুলপূর্বদিগ্দিনকরঃ কুর্যাত্সদা মংগলম্ ॥ 1 ॥

চংদ্রঃ কর্কটকপ্রভুঃ সিতনিভশ্চাত্রেযগোত্রোদ্ভব-
-শ্চাত্রেযশ্চতুরশ্রবারুণমুখশ্চাপে উমাধীশ্বরঃ ।
ষট্সপ্তাগ্নি দশৈকশোভনফলো নোরির্বুধার্কৌপ্রিযৌ
স্বামী যামুনজশ্চ পর্ণসমিধঃ কুর্যাত্সদা মংগলম্ ॥ 2 ॥

ভৌমো দক্ষিণদিক্ত্রিকোণযমদিগ্বিংধ্যেশ্বরঃ খাদিরঃ
স্বামী বৃশ্চিকমেষযোস্তু সুগুরুশ্চার্কঃ শশী সৌহৃদঃ ।
জ্ঞোঽরিঃ ষট্ত্রিফলপ্রদশ্চ বসুধাস্কংদৌ ক্রমাদ্দেবতে
ভারদ্বাজকুলোদ্বহোঽরুণরুচিঃ কুর্যাত্সদা মংগলম্ ॥ 3 ॥

সৌম্যঃ পীত উদঙ্মুখঃ সমিদপামার্গোঽত্রিগোত্রোদ্ভবো
বাণেশানদিশঃ সুহৃদ্রবিসুতঃ শাংতঃ সুতঃ শীতগোঃ ।
কন্যাযুগ্মপতির্দশাষ্টচতুরঃ ষণ্ণেত্রগঃ শোভনো
বিষ্ণুর্দেব্যধিদেবতে মগধপঃ কুর্যাত্সদা মংগলম্ ॥ 4 ॥

জীবশ্চাংগিরগোত্রজোত্তরমুখো দীর্ঘোত্তরাশাস্থিতঃ
পীতোঽশ্বত্থসমিচ্চ সিংধুজনিতশ্চাপোঽথ মীনাধিপঃ ।
সূর্যেংদুক্ষিতিজাঃ প্রিযা বুধসিতৌ শত্রূ সমাশ্চাপরে
সপ্তদ্বে নবপংচমে শুভকরঃ কুর্যাত্সদা মংগলম্ ॥ 5 ॥

শুক্রো ভার্গবগোত্রজঃ সিতরুচিঃ পূর্বামুখঃ পূর্বদিক্
পাংচালস্থ বৃষস্তুলাধিপমহারাষ্ট্রাধিপৌদুংবরঃ ।
ইংদ্রাণীমঘবা বুধশ্চ রবিজো মিত্রোর্ক চংদ্রাবরী
ষষ্ঠত্রির্দশবর্জিতে ভৃগুসুতঃ কুর্যাত্সদা মংগলম্ ॥ 6 ॥

মংদঃ কৃষ্ণনিভঃ সপশ্চিমমুখঃ সৌরাষ্ট্রপঃ কাশ্যপঃ
স্বামী নক্রসুকুংভযোর্বুধসিতৌ মিত্রৌ কুজেংদূ দ্বিষৌ ।
স্থানং পশ্চিমদিক্ প্রজাপতিযমৌ দেবৌ ধনুর্ধারকঃ
ষট্ত্রিস্থঃ শুভকৃচ্ছনী রবিসুতঃ কুর্যাত্সদা মংগলম্ ॥ 7 ॥

রাহুঃ সিংহলদেশপোঽপি সতমঃ কৃষ্ণাংগশূর্পাসনো
যঃ পৈঠীনসগোত্রসংভবসমিদ্দূর্বামুখো দক্ষিণঃ ।
যঃ সর্পঃ পশুদৈবতোঽখিলগতঃ সূর্যগ্রহে ছাদকঃ
ষট্ত্রিস্থঃ শুভকৃচ্চ সিংহকসুতঃ কুর্যাত্সদা মংগলম্ ॥ 8 ॥

কেতুর্জৈমিনিগোত্রজঃ কুশসমিদ্বাযব্যকোণেস্থিত-
-শ্চিত্রাংকধ্বজলাংছনো হি ভগবান্ যো দক্ষিণাশামুখঃ ।
ব্রহ্মা চৈব তু চিত্রগুপ্তপতিমান্ প্রীত্যাধিদেবঃ সদা
ষট্ত্রিস্থঃ শুভকৃচ্চ বর্বরপতিঃ কুর্যাত্সদা মংগলম্ ॥ 9 ॥

ইতি নবগ্রহ মংগল স্তোত্রম্ ।

navagraha mangala slokas navagraha mangalashtakam in assamese