ନଵଗ୍ରହ ମଂଗଳ ଶ୍ଲୋକାଃ (ନଵଗ୍ରହ ମଂଗଳାଷ୍ଟକମ୍)

navagraha mangala slokas navagraha mangalashtakam in odia

ଭାସ୍ଵାନ୍ କାଶ୍ୟପଗୋତ୍ରଜୋଽରୁଣରୁଚିର୍ୟଃ ସିଂହପୋଽର୍କଃ ସମି-
-ତ୍ଷଟ୍ତ୍ରିସ୍ଥୋଽଦଶଶୋଭନୋ ଗୁରୁଶଶୀ ଭୌମାଃ ସୁମିତ୍ରାଃ ସଦା ।
ଶୁକ୍ରୋ ମଂଦରିପୁଃ କଳିଂଗଜନପଶ୍ଚାଗ୍ନୀଶ୍ଵରୌ ଦେଵତେ
ମଧ୍ୟେଵର୍ତୁଲପୂର୍ଵଦିଗ୍ଦିନକରଃ କୁର୍ୟାତ୍ସଦା ମଂଗଳମ୍ ॥ 1 ॥

ଚଂଦ୍ରଃ କର୍କଟକପ୍ରଭୁଃ ସିତନିଭଶ୍ଚାତ୍ରେୟଗୋତ୍ରୋଦ୍ଭଵ-
-ଶ୍ଚାତ୍ରେୟଶ୍ଚତୁରଶ୍ରଵାରୁଣମୁଖଶ୍ଚାପେ ଉମାଧୀଶ୍ଵରଃ ।
ଷଟ୍ସପ୍ତାଗ୍ନି ଦଶୈକଶୋଭନଫଲୋ ନୋରିର୍ବୁଧାର୍କୌପ୍ରିୟୌ
ସ୍ଵାମୀ ୟାମୁନଜଶ୍ଚ ପର୍ଣସମିଧଃ କୁର୍ୟାତ୍ସଦା ମଂଗଳମ୍ ॥ 2 ॥

ଭୌମୋ ଦକ୍ଷିଣଦିକ୍ତ୍ରିକୋଣୟମଦିଗ୍ଵିଂଧ୍ୟେଶ୍ଵରଃ ଖାଦିରଃ
ସ୍ଵାମୀ ଵୃଶ୍ଚିକମେଷୟୋସ୍ତୁ ସୁଗୁରୁଶ୍ଚାର୍କଃ ଶଶୀ ସୌହୃଦଃ ।
ଜ୍ଞୋଽରିଃ ଷଟ୍ତ୍ରିଫଲପ୍ରଦଶ୍ଚ ଵସୁଧାସ୍କଂଦୌ କ୍ରମାଦ୍ଦେଵତେ
ଭାରଦ୍ଵାଜକୁଲୋଦ୍ଵହୋଽରୁଣରୁଚିଃ କୁର୍ୟାତ୍ସଦା ମଂଗଳମ୍ ॥ 3 ॥

ସୌମ୍ୟଃ ପୀତ ଉଦଙ୍ମୁଖଃ ସମିଦପାମାର୍ଗୋଽତ୍ରିଗୋତ୍ରୋଦ୍ଭଵୋ
ବାଣେଶାନଦିଶଃ ସୁହୃଦ୍ରଵିସୁତଃ ଶାଂତଃ ସୁତଃ ଶୀତଗୋଃ ।
କନ୍ୟାୟୁଗ୍ମପତିର୍ଦଶାଷ୍ଟଚତୁରଃ ଷଣ୍ଣେତ୍ରଗଃ ଶୋଭନୋ
ଵିଷ୍ଣୁର୍ଦେଵ୍ୟଧିଦେଵତେ ମଗଧପଃ କୁର୍ୟାତ୍ସଦା ମଂଗଳମ୍ ॥ 4 ॥

ଜୀଵଶ୍ଚାଂଗିରଗୋତ୍ରଜୋତ୍ତରମୁଖୋ ଦୀର୍ଘୋତ୍ତରାଶାସ୍ଥିତଃ
ପୀତୋଽଶ୍ଵତ୍ଥସମିଚ୍ଚ ସିଂଧୁଜନିତଶ୍ଚାପୋଽଥ ମୀନାଧିପଃ ।
ସୂର୍ୟେଂଦୁକ୍ଷିତିଜାଃ ପ୍ରିୟା ବୁଧସିତୌ ଶତ୍ରୂ ସମାଶ୍ଚାପରେ
ସପ୍ତଦ୍ଵେ ନଵପଂଚମେ ଶୁଭକରଃ କୁର୍ୟାତ୍ସଦା ମଂଗଳମ୍ ॥ 5 ॥

ଶୁକ୍ରୋ ଭାର୍ଗଵଗୋତ୍ରଜଃ ସିତରୁଚିଃ ପୂର୍ଵାମୁଖଃ ପୂର୍ଵଦିକ୍
ପାଂଚାଲସ୍ଥ ଵୃଷସ୍ତୁଲାଧିପମହାରାଷ୍ଟ୍ରାଧିପୌଦୁଂବରଃ ।
ଇଂଦ୍ରାଣୀମଘଵା ବୁଧଶ୍ଚ ରଵିଜୋ ମିତ୍ରୋର୍କ ଚଂଦ୍ରାଵରୀ
ଷଷ୍ଠତ୍ରିର୍ଦଶଵର୍ଜିତେ ଭୃଗୁସୁତଃ କୁର୍ୟାତ୍ସଦା ମଂଗଳମ୍ ॥ 6 ॥

ମଂଦଃ କୃଷ୍ଣନିଭଃ ସପଶ୍ଚିମମୁଖଃ ସୌରାଷ୍ଟ୍ରପଃ କାଶ୍ୟପଃ
ସ୍ଵାମୀ ନକ୍ରସୁକୁଂଭୟୋର୍ବୁଧସିତୌ ମିତ୍ରୌ କୁଜେଂଦୂ ଦ୍ଵିଷୌ ।
ସ୍ଥାନଂ ପଶ୍ଚିମଦିକ୍ ପ୍ରଜାପତିୟମୌ ଦେଵୌ ଧନୁର୍ଧାରକଃ
ଷଟ୍ତ୍ରିସ୍ଥଃ ଶୁଭକୃଚ୍ଛନୀ ରଵିସୁତଃ କୁର୍ୟାତ୍ସଦା ମଂଗଳମ୍ ॥ 7 ॥

ରାହୁଃ ସିଂହଳଦେଶପୋଽପି ସତମଃ କୃଷ୍ଣାଂଗଶୂର୍ପାସନୋ
ୟଃ ପୈଠୀନସଗୋତ୍ରସଂଭଵସମିଦ୍ଦୂର୍ଵାମୁଖୋ ଦକ୍ଷିଣଃ ।
ୟଃ ସର୍ପଃ ପଶୁଦୈଵତୋଽଖିଲଗତଃ ସୂର୍ୟଗ୍ରହେ ଛାଦକଃ
ଷଟ୍ତ୍ରିସ୍ଥଃ ଶୁଭକୃଚ୍ଚ ସିଂହକସୁତଃ କୁର୍ୟାତ୍ସଦା ମଂଗଳମ୍ ॥ 8 ॥

କେତୁର୍ଜୈମିନିଗୋତ୍ରଜଃ କୁଶସମିଦ୍ଵାୟଵ୍ୟକୋଣେସ୍ଥିତ-
-ଶ୍ଚିତ୍ରାଂକଧ୍ଵଜଲାଂଛନୋ ହି ଭଗଵାନ୍ ୟୋ ଦକ୍ଷିଣାଶାମୁଖଃ ।
ବ୍ରହ୍ମା ଚୈଵ ତୁ ଚିତ୍ରଗୁପ୍ତପତିମାନ୍ ପ୍ରୀତ୍ୟାଧିଦେଵଃ ସଦା
ଷଟ୍ତ୍ରିସ୍ଥଃ ଶୁଭକୃଚ୍ଚ ବର୍ବରପତିଃ କୁର୍ୟାତ୍ସଦା ମଂଗଳମ୍ ॥ 9 ॥

ଇତି ନଵଗ୍ରହ ମଂଗଳ ସ୍ତୋତ୍ରମ୍ ।

navagraha mangala slokas navagraha mangalashtakam in odia