නාරායණීයං දශක 95 – ධ්යානයෝගඃ – මෝක්ෂප්රාප්තිමාර්ගඃ

narayaniyam dashaka 95 in sinhala

ආදෞ හෛරණ්යගර්භීං තනුමවිකලජීවාත්මිකාමාස්ථිතස්ත්වං
ජීවත්වං ප්රාප්ය මායාගුණගණඛචිතෝ වර්තසේ විශ්වයෝනේ ।
තත්රෝද්වෘද්ධේන සත්ත්වේන තු ගුණයුගලං භක්තිභාවං ගතේන
ඡිත්වා සත්ත්වං ච හිත්වා පුනරනුපහිතෝ වර්තිතාහේ ත්වමේව ॥1॥

සත්ත්වෝන්මේෂාත් කදාචිත් ඛලු විෂයරසේ දෝෂබෝධේऽපි භූමන්
භූයෝऽප්යේෂු ප්රවෘත්තිස්සතමසි රජසි ප්රෝද්ධතේ දුර්නිවාරා ।
චිත්තං තාවද්ගුණාශ්ච ග්රථිතමිහ මිථස්තානි සර්වාණි රෝද්ධුං
තුර්යේ ත්වය්යේකභක්තිශ්ශරණමිති භවාන් හංසරූපී න්යගාදීත් ॥2॥

සංති ශ්රේයාංසි භූයාංස්යපි රුචිභිදයා කර්මිණාං නිර්මිතානි
ක්ෂුද්රානංදාශ්ච සාංතා බහුවිධගතයඃ කෘෂ්ණ තේභ්යෝ භවේයුඃ ।
ත්වං චාචඛ්යාථ සඛ්යේ නනු මහිතතමාං ශ්රේයසාං භක්තිමේකාං
ත්වද්භක්ත්යානංදතුල්යඃ ඛලු විෂයජුෂාං සම්මදඃ කේන වා ස්යාත් ॥3॥

ත්වත්භක්ත්යා තුෂ්ටබුද්ධේඃ සුඛමිහ චරතෝ විච්යුතාශස්ය චාශාඃ
සර්වාඃ ස්යුඃ සෞඛ්යමය්යඃ සලිලකුහරගස්යේව තෝයෛකමය්යඃ ।
සෝऽයං ඛල්විංද්රලෝකං කමලජභවනං යෝගසිද්ධීශ්ච හෘද්යාඃ
නාකාංක්ෂත්යේතදාස්තාං ස්වයමනුපතිතේ මෝක්ෂසෞඛ්යේऽප්යනීහඃ ॥4॥

ත්වද්භක්තෝ බාධ්යමානෝऽපි ච විෂයරසෛරිංද්රියාශාංතිහේතෝ-
ර්භක්ත්යෛවාක්රම්යමාණෛඃ පුනරපි ඛලු තෛර්දුර්බලෛර්නාභිජය්යඃ ।
සප්තාර්චිර්දීපිතාර්චිර්දහති කිල යථා භූරිදාරුප්රපංචං
ත්වද්භක්ත්යෝඝේ තථෛව ප්රදහති දුරිතං දුර්මදඃ ක්වේංද්රියාණාම් ॥5॥

චිත්තාර්ද්රීභාවමුච්චෛර්වපුෂි ච පුලකං හර්ෂවාෂ්පං ච හිත්වා
චිත්තං ශුද්ධ්යේත්කථං වා කිමු බහුතපසා විද්යයා වීතභක්තේඃ ।
ත්වද්ගාථාස්වාදසිද්ධාංජනසතතමරීමෘජ්යමානෝऽයමාත්මා
චක්ෂුර්වත්තත්ත්වසූක්ෂ්මං භජති න තු තථාऽභ්යස්තයා තර්කකෝට්යා॥6॥

ධ්යානං තේ ශීලයේයං සමතනුසුඛබද්ධාසනෝ නාසිකාග්ර-
න්යස්තාක්ෂඃ පූරකාද්යෛර්ජිතපවනපථශ්චිත්තපද්මං ත්වවාංචම්।
ඌර්ධ්වාග්රං භාවයිත්වා රවිවිධුශිඛිනඃ සංවිචිංත්යෝපරිෂ්ටාත්
තත්රස්ථං භාවයේ ත්වාං සජලජලධරශ්යාමලං කෝමලාංගම් ॥7॥

ආනීලශ්ලක්ෂ්ණකේශං ජ්වලිතමකරසත්කුංඩලං මංදහාස-
ස්යංදාර්ද්රං කෞස්තුභශ්රීපරිගතවනමාලෝරුහාරාභිරාමම් ।
ශ්රීවත්සාංකං සුබාහුං මෘදුලසදුදරං කාංචනච්ඡායචේලං
චාරුස්නිග්ධෝරුමංභෝරුහලලිතපදං භාවයේऽහං භවංතම් ॥8॥

සර්වාංගේෂ්වංග රංගත්කුතුකමිති මුහුර්ධාරයන්නීශ චිත්තං
තත්රාප්යේකත්ර යුංජේ වදනසරසිජේ සුංදරේ මංදහාසේ
තත්රාලීනං තු චේතඃ පරමසුඛචිදද්වෛතරූපේ විතන්ව-
න්නන්යන්නෝ චිංතයේයං මුහුරිති සමුපාරූඪයෝගෝ භවේයම් ॥9॥

ඉත්ථං ත්වද්ධ්යානයෝගේ සති පුනරණිමාද්යෂ්ටසංසිද්ධයස්තාඃ
දූරශ්රුත්යාදයෝऽපි හ්යහමහමිකයා සංපතේයුර්මුරාරේ ।
ත්වත්සංප්රාප්තෞ විලංබාවහමඛිලමිදං නාද්රියේ කාමයේऽහං
ත්වාමේවානංදපූර්ණං පවනපුරපතේ පාහි මාං සර්වතාපාත් ॥10॥

narayaniyam dashaka 95 in sinhala