මණිකර්ණිකාෂ්ටකම්

mani karnika ashtakam in sinhala

ත්වත්තීරේ මණිකර්ණිකේ හරිහරෞ සායුජ්යමුක්තිප්රදෞ
වාදංතෞ කුරුතඃ පරස්පරමුභෞ ජංතෝඃ ප්රයාණෝත්සවේ ।
මද්රූපෝ මනුජෝऽයමස්තු හරිණා ප්රෝක්තඃ ශිවස්තත්ක්ෂණා-
ත්තන්මධ්යාද්භෘගුලාංඡනෝ ගරුඩගඃ පීතාංබරෝ නිර්ගතඃ ॥ 1 ॥

ඉංද්රාද්යාස්ත්රිදශාඃ පතංති නියතං භෝගක්ෂයේ යේ පුන-
ර්ජායංතේ මනුජාස්තතෝපි පශවඃ කීටාඃ පතංගාදයඃ ।
යේ මාතර්මණිකර්ණිකේ තව ජලේ මජ්ජංති නිෂ්කල්මෂාඃ
සායුජ්යේऽපි කිරීටකෞස්තුභධරා නාරායණාඃ ස්යුර්නරාඃ ॥ 2 ॥

කාශී ධන්යතමා විමුක්තනගරී සාලංකෘතා ගංගයා
තත්රේයං මණිකර්ණිකා සුඛකරී මුක්තිර්හි තත්කිංකරී ।
ස්වර්ලෝකස්තුලිතඃ සහෛව විබුධෛඃ කාශ්යා සමං බ්රහ්මණා
කාශී ක්ෂෝණිතලේ ස්ථිතා ගුරුතරා ස්වර්ගෝ ලඝුත්වං ගතඃ ॥ 3 ॥

ගංගාතීරමනුත්තමං හි සකලං තත්රාපි කාශ්යුත්තමා
තස්යාං සා මණිකර්ණිකෝත්තමතමා යේත්රේශ්වරෝ මුක්තිදඃ ।
දේවානාමපි දුර්ලභං ස්ථලමිදං පාපෞඝනාශක්ෂමං
පූර්වෝපාර්ජිතපුණ්යපුංජගමකං පුණ්යෛර්ජනෛඃ ප්රාප්යතේ ॥ 4 ॥

දුඃඛාංභෝධිගතෝ හි ජංතුනිවහස්තේෂාං කථං නිෂ්කෘතිඃ
ජ්ඤාත්වා තද්ධි විරිංචිනා විරචිතා වාරාණසී ශර්මදා ।
ලෝකාඃස්වර්ගසුඛාස්තතෝऽපි ලඝවෝ භෝගාංතපාතප්රදාඃ
කාශී මුක්තිපුරී සදා ශිවකරී ධර්මාර්ථමෝක්ෂප්රදා ॥ 5 ॥

ඒකෝ වේණුධරෝ ධරාධරධරඃ ශ්රීවත්සභූෂාධරඃ
යෝऽප්යේකඃ කිල ශංකරෝ විෂධරෝ ගංගාධරෝ මාධවඃ ।
යේ මාතර්මණිකර්ණිකේ තව ජලේ මජ්ජංති තේ මානවාඃ
රුද්රා වා හරයෝ භවංති බහවස්තේෂාං බහුත්වං කථම් ॥ 6 ॥

ත්වත්තීරේ මරණං තු මංගළකරං දේවෛරපි ශ්ලාඝ්යතේ
ශක්රස්තං මනුජං සහස්රනයනෛර්ද්රෂ්ටුං සදා තත්පරඃ ।
ආයාංතං සවිතා සහස්රකිරණෛඃ ප්රත්යුද්ගතෝऽභූත්සදා
පුණ්යෝऽසෞ වෘෂගෝऽථවා ගරුඩගඃ කිං මංදිරං යාස්යති ॥ 7 ॥

මධ්යාහ්නේ මණිකර්ණිකාස්නපනජං පුණ්යං න වක්තුං ක්ෂමඃ
ස්වීයෛරබ්ධශතෛශ්චතුර්මුඛධරෝ වේදාර්ථදීක්ෂාගුරුඃ ।
යෝගාභ්යාසබලේන චංද්රශිඛරස්තත්පුණ්යපාරංගත-
ස්ත්වත්තීරේ ප්රකරෝති සුප්තපුරුෂං නාරායණං වා ශිවම් ॥ 8 ॥

කෘච්ඡ්රෛ කෝටිශතෛඃ ස්වපාපනිධනං යච්චාශ්වමේධෛඃ ඵලං
තත්සර්වේ මණිකර්ණිකාස්නපනජේ පුණ්යේ ප්රවිෂ්ටං භවේත් ।
ස්නාත්වා ස්තෝත්රමිදං නරඃ පඨති චේත්සංසාරපාථෝනිධිං
තීර්ත්වා පල්වලවත්ප්රයාති සදනං තේජෝමයං බ්රහ්මණඃ ॥ 9 ॥

mani karnika ashtakam in sinhala