ශ්රීමද්භගවද්ගීතා පාරායණ – ඒකාදශෝऽධ්යායඃ

bhagavadgita parayana chapter 11 in sinhala

ඕං ශ්රී පරමාත්මනේ නමඃ
අථ ඒකාදශෝऽධ්යායඃ
විශ්වරූපසංදර්ශනයෝගඃ

අර්ජුන උවාච
මදනුග්රහාය පරමං ගුහ්යමධ්යාත්මසංජ්ඤිතම් ।
යත්ත්වයෝක්තං වචස්තේන මෝහෝऽයං විගතෝ මම ॥1॥

භවාප්යයෞ හි භූතානාං ශ්රුතෞ විස්තරශෝ මයා ।
ත්වත්තඃ කමලපත්රාක්ෂ මාහාත්ම්යමපි චාව්යයම් ॥2॥

ඒවමේතද්යථාऽऽත්ථ ත්වම් ආත්මානං පරමේශ්වර ।
ද්රෂ්ටුමිච්ඡාමි තේ රූපම් ඓශ්වරං පුරුෂෝත්තම ॥3॥

මන්යසේ යදි තච්ඡක්යං මයා ද්රෂ්ටුමිති ප්රභෝ ।
යෝගේශ්වර තතෝ මේ ත්වං දර්ශයාත්මානමව්යයම් ॥4॥

ශ්රී භගවානුවාච
පශ්ය මේ පාර්ථ රූපාණි ශතශෝऽථ සහස්රශඃ ।
නානාවිධානි දිව්යානි නානාවර්ණාකෘතීනි ච ॥5॥

පශ්යාදිත්යාන්වසූන්රුද්රාන් අශ්විනෞ මරුතස්තථා ।
බහූන්යදෘෂ්ටපූර්වාණි පශ්යාශ්චර්යාණි භාරත ॥6॥

ඉහෛකස්ථං ජගත්කෘත්ස්නං පශ්යාද්ය සචරාචරම් ।
මම දේහේ ගුඩාකේශ යච්චාන්යත් ද්රෂ්ටුමිච්ඡසි ॥7॥

න තු මාං ශක්යසේ ද්රෂ්ටුම් අනේනෛව ස්වචක්ෂුෂා ।
දිව්යං දදාමි තේ චක්ෂුඃ පශ්ය මේ යෝගමෛශ්වරම් ॥8॥

සංජය උවාච
ඒවමුක්ත්වා තතෝ රාජන් මහායෝගේශ්වරෝ හරිඃ ।
දර්ශයාමාස පාර්ථාය පරමං රූපමෛශ්වරම් ॥9॥

අනේකවක්ත්රනයනම් අනේකාද්භුතදර්ශනම් ।
අනේකදිව්යාභරණං දිව්යානේකෝද්යතායුධම් ॥10॥

දිව්යමාල්යාංබරධරං දිව්යගංධානුලේපනම් ।
සර්වාශ්චර්යමයං දේවම් අනංතං විශ්වතෝමුඛම් ॥11॥

දිවි සූර්යසහස්රස්ය භවේද්යුගපදුත්ථිතා ।
යදි භාඃ සදෘශී සා ස්යාත් භාසස්තස්ය මහාත්මනඃ ॥12॥

තත්රෛකස්ථං ජගත්කෘත්ස්නං ප්රවිභක්තමනේකධා ।
අපශ්යද්දේවදේවස්ය ශරීරේ පාංඩවස්තදා ॥13॥

තතඃ ස විස්මයාවිෂ්ටඃ හෘෂ්ටරෝමා ධනංජයඃ ।
ප්රණම්ය ශිරසා දේවං කෘතාංජලිරභාෂත ॥14॥

අර්ජුන උවාච
පශ්යාමි දේවාංස්තව දේව දේහේ සර්වාංස්තථා භූතවිශේෂසංඝාන් ।
බ්රහ්මාණමීශං කමලාසනස්ථම් ඍෂීංශ්ච සර්වානුරගාංශ්ච දිව්යාන් ॥15॥

අනේකබාහූදරවක්ත්රනේත්රං පශ්යාමි ත්වා සර්වතෝऽනංතරූපම් ।
නාංතං න මධ්යං න පුනස්තවාදිං පශ්යාමි විශ්වේශ්වර විශ්වරූප ॥16॥

කිරීටිනං ගදිනං චක්රිණං ච තේජෝරාශිං සර්වතෝ දීප්තිමංතම් ।
පශ්යාමි ත්වාං දුර්නිරීක්ෂ්යං සමංතාත් දීප්තානලාර්කද්යුතිමප්රමේයම් ॥17॥

ත්වමක්ෂරං පරමං වේදිතව්යං ත්වමස්ය විශ්වස්ය පරං නිධානම් ।
ත්වමව්යයඃ ශාශ්වතධර්මගෝප්තා සනාතනස්ත්වං පුරුෂෝ මතෝ මේ ॥18॥

අනාදිමධ්යාංතමනංතවීර්යම් අනංතබාහුං ශශිසූර්යනේත්රම් ।
පශ්යාමි ත්වාං දීප්තහුතාශවක්ත්රං ස්වතේජසා විශ්වමිදං තපංතම් ॥19॥

ද්යාවාපෘථිව්යෝරිදමංතරං හි ව්යාප්තං ත්වයෛකේන දිශශ්ච සර්වාඃ ।
දෘෂ්ට්වාද්භුතං රූපමිදං තවෝග්රං ලෝකත්රයං ප්රව්යථිතං මහාත්මන් ॥20॥

අමී හි ත්වා සුරසංඝා විශංති කේචිද්භීතාඃ ප්රාංජලයෝ ගෘණංති ।
ස්වස්තීත්යුක්ත්වා මහර්ෂිසිද්ධසංඝාඃ ස්තුවංති ත්වාං ස්තුතිභිඃ පුෂ්කලාභිඃ ॥21॥

රුද්රාදිත්යා වසවෝ යේ ච සාධ්යාඃ විශ්වේऽශ්විනෞ මරුතශ්චෝෂ්මපාශ්ච ।
ගංධර්වයක්ෂාසුරසිද්ධසංඝාඃ වීක්ෂංතේ ත්වාං විස්මිතාශ්චෛව සර්වේ ॥22॥

රූපං මහත්තේ බහුවක්ත්ර නේත්රං මහාබාහෝ බහුබාහූරුපාදම් ।
බහූදරං බහුදංෂ්ට්රාකරාලං දෘෂ්ට්වා ලෝකාඃ ප්රව්යථිතාස්තථාऽහම් ॥23॥

නභඃ ස්පෘශං දීප්තමනේකවර්ණං ව්යාත්තානනං දීප්තවිශාලනේත්රම් ।
දෘෂ්ට්වා හි ත්වාං ප්රව්යථිතාංතරාත්මා ධෘතිං න විංදාමි ශමං ච විෂ්ණෝ ॥24॥

දංෂ්ට්රාකරාලානි ච තේ මුඛානි දෘෂ්ට්වෛව කාලානලසන්නිභානි ।
දිශෝ න ජානේ න ලභේ ච ශර්ම ප්රසීද දේවේශ ජගන්නිවාස ॥25॥

අමී ච ත්වාං ධෘතරාෂ්ට්රස්ය පුත්රාඃ සර්වේ සහෛවාවනිපාලසංඝෛඃ ।
භීෂ්මෝ ද්රෝණඃ සූතපුත්රස්තථාऽසෞ සහාස්මදීයෛරපි යෝධමුඛ්යෛඃ ॥26॥

වක්ත්රාණි තේ ත්වරමාණා විශංති දංෂ්ට්රාකරාලානි භයානකානි ।
කේචිද්විලග්නා දශනාංතරේෂු සංදෘශ්යංතේ චූර්ණිතෛරුත්තමාංගෛඃ ॥27॥

යථා නදීනාං බහවෝऽංබුවේගාඃ සමුද්රමේවාභිමුඛා ද්රවංති ।
තථා තවාමී නරලෝකවීරාඃ විශංති වක්ත්රාණ්යභිවිජ්වලංති ॥28॥

යථා ප්රදීප්තං ජ්වලනං පතංගාඃ විශංති නාශාය සමෘද්ධවේගාඃ ।
තථෛව නාශාය විශංති ලෝකාඃ තවාපි වක්ත්රාණි සමෘද්ධවේගාඃ ॥29॥

ලේලිහ්යසේ ග්රසමානඃ සමංතාත් ලෝකාන්සමග්රාන්වදනෛර්ජ්වලද්භිඃ ।
තේජෝභිරාපූර්ය ජගත්සමග්රං භාසස්තවෝග්රාඃ ප්රතපංති විෂ්ණෝ ॥30॥

ආඛ්යාහි මේ කෝ භවානුග්රරූපඃ නමෝऽස්තු තේ දේවවර ප්රසීද ।
විජ්ඤාතුමිච්ඡාමි භවංතමාද්යං න හි ප්රජානාමි තව ප්රවෘත්තිම් ॥31॥

ශ්රී භගවානුවාච
කාලෝऽස්මි ලෝකක්ෂයකෘත්ප්රවෘද්ධඃ ලෝකාන්සමාහර්තුමිහ ප්රවෘත්තඃ ।
ඍතේऽපි ත්වා න භවිෂ්යංති සර්වේ යේऽවස්ථිතාඃ ප්රත්යනීකේෂු යෝධාඃ ॥32॥

තස්මාත්ත්වමුත්තිෂ්ඨ යශෝ ලභස්ව ජිත්වා ශත්රූන්භුංක්ෂ්ව රාජ්යං සමෘද්ධම් ।
මයෛවෛතේ නිහතාඃ පූර්වමේව නිමිත්තමාත්රං භව සව්යසාචින් ॥33॥

ද්රෝණං ච භීෂ්මං ච ජයද්රථං ච කර්ණං තථාන්යානපි යෝධවීරාන් ।
මයා හතාංස්ත්වං ජහි මා ව්යථිෂ්ඨාඃ යුධ්යස්ව ජේතාසි රණේ සපත්නාන් ॥34॥

සංජය උවාච
ඒතච්ඡ්රුත්වා වචනං කේශවස්ය කෘතාංජලිර්වේපමානඃ කිරීටී ।
නමස්කෘත්වා භූය ඒවාහ කෘෂ්ණං සගද්ගදං භීතභීතඃ ප්රණම්ය ॥35॥

අර්ජුන උවාච
ස්ථානේ හෘෂීකේශ තව ප්රකීර්ත්යා ජගත්ප්රහෘෂ්යත්යනුරජ්යතේ ච ।
රක්ෂාංසි භීතානි දිශෝ ද්රවංති සර්වේ නමස්යංති ච සිද්ධසංඝාඃ ॥36॥

කස්මාච්ච තේ න නමේරන්මහාත්මන් ගරීයසේ බ්රහ්මණෝऽප්යාදිකර්ත්රේ ।
අනංත දේවේශ ජගන්නිවාස ත්වමක්ෂරං සදසත්තත්පරං යත් ॥37॥

ත්වමාදිදේවඃ පුරුෂඃ පුරාණඃ ත්වමස්ය විශ්වස්ය පරං නිධානම් ।
වේත්තාऽසි වේද්යං ච පරං ච ධාම ත්වයා තතං විශ්වමනංතරූප ॥38॥

වායුර්යමෝऽග්නිර්වරුණඃ ශශාංකඃ ප්රජාපතිස්ත්වං ප්රපිතාමහශ්ච ।
නමෝ නමස්තේऽස්තු සහස්රකෘත්වඃ පුනශ්ච භූයෝऽපි නමෝ නමස්තේ ॥39॥

නමඃ පුරස්තාදථ පෘෂ්ඨතස්තේ නමෝऽස්තු තේ සර්වත ඒව සර්ව ।
අනංතවීර්යාමිතවික්රමස්ත්වං සර්වං සමාප්නෝෂි තතෝऽසි සර්වඃ ॥40॥

සඛේති මත්වා ප්රසභං යදුක්තං හේ කෘෂ්ණ හේ යාදව හේ සඛේති ।
අජානතා මහිමානං තවේදං මයා ප්රමාදාත්ප්රණයේන වාऽපි ॥41॥

යච්චාපහාසාර්ථමසත්කෘතෝऽසි විහාරශය්යාසනභෝජනේෂු ।
ඒකෝऽථවාප්යච්යුත තත්සමක්ෂං තත්ක්ෂාමයේ ත්වාමහමප්රමේයම් ॥42॥

පිතාසි ලෝකස්ය චරාචරස්ය ත්වමස්ය පූජ්යශ්ච ගුරුර්ගරීයාන් ।
න ත්වත්සමෝऽස්ත්යභ්යධිකඃ කුතෝऽන්යඃ ලෝකත්රයේऽප්යප්රතිමප්රභාව ॥43॥

තස්මාත්ප්රණම්ය ප්රණිධාය කායං ප්රසාදයේ ත්වාමහමීශමීඩ්යම් ।
පිතේව පුත්රස්ය සඛේව සඛ්යුඃ ප්රියඃ ප්රියායාර්හසි දේව සෝඪුම් ॥44॥

අදෘෂ්ටපූර්වං හෘෂිතෝऽස්මි දෘෂ්ට්වා භයේන ච ප්රව්යථිතං මනෝ මේ ।
තදේව මේ දර්ශය දේවරූපං ප්රසීද දේවේශ ජගන්නිවාස ॥45॥

කිරීටිනං ගදිනං චක්රහස්තම් ඉච්ඡාමි ත්වාං ද්රෂ්ටුමහං තථෛව ।
තේනෛව රූපේණ චතුර්භුජේන සහස්රබාහෝ භව විශ්වමූර්තේ ॥46॥

ශ්රී භගවානුවාච –
මයා ප්රසන්නේන තවාර්ජුනේදං රූපං පරං දර්ශිතමාත්මයෝගාත් ।
තේජෝමයං විශ්වමනංතමාද්යං යන්මේ ත්වදන්යේන න දෘෂ්ටපූර්වම් ॥47॥

න වේදයජ්ඤාධ්යයනෛර්න දානෛඃ න ච ක්රියාභිර්න තපෝභිරුග්රෛඃ ।
ඒවංරූපඃ ශක්ය අහං නෘලෝකේ ද්රෂ්ටුං ත්වදන්යේන කුරුප්රවීර ॥48॥

මා තේ ව්යථා මා ච විමූඪභාවඃ දෘෂ්ට්වා රූපං ඝෝරමීදෘඞ්මමේදම් ।
ව්යපේතභීඃ ප්රීතමනාඃ පුනස්ත්වං තදේව මේ රූපමිදං ප්රපශ්ය ॥49॥

සංජය උවාච
ඉත්යර්ජුනං වාසුදේවස්තථෝක්ත්වා ස්වකං රූපං දර්ශයාමාස භූයඃ ।
ආශ්වාසයාමාස ච භීතමේනං භූත්වා පුනඃ සෞම්යවපුර්මහාත්මා ॥50॥

අර්ජුන උවාච
දෘෂ්ට්වේදං මානුෂං රූපං තව සෞම්යං ජනාර්දන ।
ඉදානීමස්මි සංවෘත්තඃ සචේතාඃ ප්රකෘතිං ගතඃ ॥51॥

ශ්රී භගවානුවාච
සුදුර්දර්ශමිදං රූපං දෘෂ්ටවානසි යන්මම ।
දේවා අප්යස්ය රූපස්ය නිත්යං දර්ශනකාංක්ෂිණඃ ॥52॥

නාහං වේදෛර්න තපසා න දානේන න චේජ්යයා ।
ශක්ය ඒවංවිධෝ ද්රෂ්ටුං දෘෂ්ටවානසි මාං යථා ॥53॥

භක්ත්යා ත්වනන්යයා ශක්යඃ අහමේවංවිධෝऽර්ජුන ।
ජ්ඤාතුං ද්රෂ්ටුං ච තත්ත්වේන ප්රවේෂ්ටුං ච පරංතප ॥54॥

මත්කර්මකෘන්මත්පරමඃ මද්භක්තඃ සංගවර්ජිතඃ ।
නිර්වෛරඃ සර්වභූතේෂු යඃ ස මාමේති පාංඩව ॥55॥

॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ විශ්වරූපසංදර්ශනයෝගෝ නාම ඒකාදශෝऽධ්යායඃ ॥

bhagavadgita parayana chapter 11 in sinhala