শ্রীমদ্ভগবদ্গীতা পারাযণ – একাদশোঽধ্য়ায়ঃ

bhagavadgita parayana chapter 11 in bengali

ওং শ্রী পরমাত্মনে নমঃ
অথ একাদশোঽধ্য়ায়ঃ
বিশ্বরূপসংদর্শনয়োগঃ

অর্জুন উবাচ
মদনুগ্রহায় পরমং গুহ্যমধ্য়াত্মসংজ্ঞিতম্ ।
যত্ত্বয়োক্তং বচস্তেন মোহোঽয়ং বিগতো মম ॥1॥

ভবাপ্যয়ৌ হি ভূতানাং শ্রুতৌ বিস্তরশো ময়া ।
ত্বত্তঃ কমলপত্রাক্ষ মাহাত্ম্যমপি চাব্যযম্ ॥2॥

এবমেতদ্যথাঽঽত্থ ত্বম্ আত্মানং পরমেশ্বর ।
দ্রষ্টুমিচ্ছামি তে রূপম্ ঐশ্বরং পুরুষোত্তম ॥3॥

মন্যসে যদি তচ্ছক্য়ং ময়া দ্রষ্টুমিতি প্রভো ।
যোগেশ্বর ততো মে ত্বং দর্শয়াত্মানমব্যযম্ ॥4॥

শ্রী ভগবানুবাচ
পশ্য় মে পার্থ রূপাণি শতশোঽথ সহস্রশঃ ।
নানাবিধানি দিব্য়ানি নানাবর্ণাকৃতীনি চ ॥5॥

পশ্য়াদিত্য়ান্বসূন্রুদ্রান্ অশ্বিনৌ মরুতস্তথা ।
বহূন্যদৃষ্টপূর্বাণি পশ্য়াশ্চর্য়াণি ভারত ॥6॥

ইহৈকস্থং জগত্কৃত্স্নং পশ্য়াদ্য় সচরাচরম্ ।
মম দেহে গুডাকেশ যচ্চান্যত্ দ্রষ্টুমিচ্ছসি ॥7॥

ন তু মাং শক্যসে দ্রষ্টুম্ অনেনৈব স্বচক্ষুষা ।
দিব্য়ং দদামি তে চক্ষুঃ পশ্য় মে যোগমৈশ্বরম্ ॥8॥

সংজয় উবাচ
এবমুক্ত্বা ততো রাজন্ মহায়োগেশ্বরো হরিঃ ।
দর্শয়ামাস পার্থায় পরমং রূপমৈশ্বরম্ ॥9॥

অনেকবক্ত্রনযনম্ অনেকাদ্ভুতদর্শনম্ ।
অনেকদিব্য়াভরণং দিব্য়ানেকোদ্যতায়ুধম্ ॥10॥

দিব্যমাল্য়াংবরধরং দিব্যগংধানুলেপনম্ ।
সর্বাশ্চর্যময়ং দেবম্ অনংতং বিশ্বতোমুখম্ ॥11॥

দিবি সূর্যসহস্রস্য় ভবেদ্য়ুগপদুত্থিতা ।
যদি ভাঃ সদৃশী সা স্য়াত্ ভাসস্তস্য় মহাত্মনঃ ॥12॥

তত্রৈকস্থং জগত্কৃত্স্নং প্রবিভক্তমনেকধা ।
অপশ্যদ্দেবদেবস্য় শরীরে পাংডবস্তদা ॥13॥

ততঃ স বিস্ময়াবিষ্টঃ হৃষ্টরোমা ধনংজয়ঃ ।
প্রণম্য় শিরসা দেবং কৃতাংজলিরভাষত ॥14॥

অর্জুন উবাচ
পশ্য়ামি দেবাংস্তব দেব দেহে সর্বাংস্তথা ভূতবিশেষসংঘান্ ।
ব্রহ্মাণমীশং কমলাসনস্থম্ ঋষীংশ্চ সর্বানুরগাংশ্চ দিব্য়ান্ ॥15॥

অনেকবাহূদরবক্ত্রনেত্রং পশ্য়ামি ত্বা সর্বতোঽনংতরূপম্ ।
নাংতং ন মধ্য়ং ন পুনস্তবাদিং পশ্য়ামি বিশ্বেশ্বর বিশ্বরূপ ॥16॥

কিরীটিনং গদিনং চক্রিণং চ তেজোরাশিং সর্বতো দীপ্তিমংতম্ ।
পশ্য়ামি ত্বাং দুর্নিরীক্ষ্য়ং সমংতাত্ দীপ্তানলার্কদ্য়ুতিমপ্রমেযম্ ॥17॥

ত্বমক্ষরং পরমং বেদিতব্য়ং ত্বমস্য় বিশ্বস্য় পরং নিধানম্ ।
ত্বমব্যয়ঃ শাশ্বতধর্মগোপ্তা সনাতনস্ত্বং পুরুষো মতো মে ॥18॥

অনাদিমধ্য়াংতমনংতবীর্যম্ অনংতবাহুং শশিসূর্যনেত্রম্ ।
পশ্য়ামি ত্বাং দীপ্তহুতাশবক্ত্রং স্বতেজসা বিশ্বমিদং তপংতম্ ॥19॥

দ্য়াবাপৃথিব্য়োরিদমংতরং হি ব্য়াপ্তং ত্বয়ৈকেন দিশশ্চ সর্বাঃ ।
দৃষ্ট্বাদ্ভুতং রূপমিদং তবোগ্রং লোকত্রয়ং প্রব্যথিতং মহাত্মন্ ॥20॥

অমী হি ত্বা সুরসংঘা বিশংতি কেচিদ্ভীতাঃ প্রাংজলয়ো গৃণংতি ।
স্বস্তীত্য়ুক্ত্বা মহর্ষিসিদ্ধসংঘাঃ স্তুবংতি ত্বাং স্তুতিভিঃ পুষ্কলাভিঃ ॥21॥

রুদ্রাদিত্য়া বসবো যে চ সাধ্য়াঃ বিশ্বেঽশ্বিনৌ মরুতশ্চোষ্মপাশ্চ ।
গংধর্বযক্ষাসুরসিদ্ধসংঘাঃ বীক্ষংতে ত্বাং বিস্মিতাশ্চৈব সর্বে ॥22॥

রূপং মহত্তে বহুবক্ত্র নেত্রং মহাবাহো বহুবাহূরুপাদম্ ।
বহূদরং বহুদংষ্ট্রাকরালং দৃষ্ট্বা লোকাঃ প্রব্যথিতাস্তথাঽহম্ ॥23॥

নভঃ স্পৃশং দীপ্তমনেকবর্ণং ব্য়াত্তাননং দীপ্তবিশালনেত্রম্ ।
দৃষ্ট্বা হি ত্বাং প্রব্যথিতাংতরাত্মা ধৃতিং ন বিংদামি শমং চ বিষ্ণো ॥24॥

দংষ্ট্রাকরালানি চ তে মুখানি দৃষ্ট্বৈব কালানলসন্নিভানি ।
দিশো ন জানে ন লভে চ শর্ম প্রসীদ দেবেশ জগন্নিবাস ॥25॥

অমী চ ত্বাং ধৃতরাষ্ট্রস্য় পুত্রাঃ সর্বে সহৈবাবনিপালসংঘৈঃ ।
ভীষ্মো দ্রোণঃ সূতপুত্রস্তথাঽসৌ সহাস্মদীয়ৈরপি যোধমুখ্য়ৈঃ ॥26॥

বক্ত্রাণি তে ত্বরমাণা বিশংতি দংষ্ট্রাকরালানি ভয়ানকানি ।
কেচিদ্বিলগ্না দশনাংতরেষু সংদৃশ্য়ংতে চূর্ণিতৈরুত্তমাংগৈঃ ॥27॥

যথা নদীনাং বহবোঽংবুবেগাঃ সমুদ্রমেবাভিমুখা দ্রবংতি ।
তথা তবামী নরলোকবীরাঃ বিশংতি বক্ত্রাণ্যভিবিজ্বলংতি ॥28॥

যথা প্রদীপ্তং জ্বলনং পতংগাঃ বিশংতি নাশায় সমৃদ্ধবেগাঃ ।
তথৈব নাশায় বিশংতি লোকাঃ তবাপি বক্ত্রাণি সমৃদ্ধবেগাঃ ॥29॥

লেলিহ্যসে গ্রসমানঃ সমংতাত্ লোকান্সমগ্রান্বদনৈর্জ্বলদ্ভিঃ ।
তেজোভিরাপূর্য় জগত্সমগ্রং ভাসস্তবোগ্রাঃ প্রতপংতি বিষ্ণো ॥30॥

আখ্য়াহি মে কো ভবানুগ্ররূপঃ নমোঽস্তু তে দেববর প্রসীদ ।
বিজ্ঞাতুমিচ্ছামি ভবংতমাদ্য়ং ন হি প্রজানামি তব প্রবৃত্তিম্ ॥31॥

শ্রী ভগবানুবাচ
কালোঽস্মি লোকক্ষযকৃত্প্রবৃদ্ধঃ লোকান্সমাহর্তুমিহ প্রবৃত্তঃ ।
ঋতেঽপি ত্বা ন ভবিষ্য়ংতি সর্বে যেঽবস্থিতাঃ প্রত্যনীকেষু যোধাঃ ॥32॥

তস্মাত্ত্বমুত্তিষ্ঠ যশো লভস্ব জিত্বা শত্রূন্ভুংক্ষ্ব রাজ্য়ং সমৃদ্ধম্ ।
ময়ৈবৈতে নিহতাঃ পূর্বমেব নিমিত্তমাত্রং ভব সব্যসাচিন্ ॥33॥

দ্রোণং চ ভীষ্মং চ জযদ্রথং চ কর্ণং তথান্য়ানপি যোধবীরান্ ।
ময়া হতাংস্ত্বং জহি মা ব্যথিষ্ঠাঃ যুধ্যস্ব জেতাসি রণে সপত্নান্ ॥34॥

সংজয় উবাচ
এতচ্ছ্রুত্বা বচনং কেশবস্য় কৃতাংজলির্বেপমানঃ কিরীটী ।
নমস্কৃত্বা ভূয় এবাহ কৃষ্ণং সগদ্গদং ভীতভীতঃ প্রণম্য় ॥35॥

অর্জুন উবাচ
স্থানে হৃষীকেশ তব প্রকীর্ত্য়া জগত্প্রহৃষ্যত্যনুরজ্যতে চ ।
রক্ষাংসি ভীতানি দিশো দ্রবংতি সর্বে নমস্য়ংতি চ সিদ্ধসংঘাঃ ॥36॥

কস্মাচ্চ তে ন নমেরন্মহাত্মন্ গরীযসে ব্রহ্মণোঽপ্য়াদিকর্ত্রে ।
অনংত দেবেশ জগন্নিবাস ত্বমক্ষরং সদসত্তত্পরং যত্ ॥37॥

ত্বমাদিদেবঃ পুরুষঃ পুরাণঃ ত্বমস্য় বিশ্বস্য় পরং নিধানম্ ।
বেত্তাঽসি বেদ্য়ং চ পরং চ ধাম ত্বয়া ততং বিশ্বমনংতরূপ ॥38॥

বায়ুর্যমোঽগ্নির্বরুণঃ শশাংকঃ প্রজাপতিস্ত্বং প্রপিতামহশ্চ ।
নমো নমস্তেঽস্তু সহস্রকৃত্বঃ পুনশ্চ ভূয়োঽপি নমো নমস্তে ॥39॥

নমঃ পুরস্তাদথ পৃষ্ঠতস্তে নমোঽস্তু তে সর্বত এব সর্ব ।
অনংতবীর্য়ামিতবিক্রমস্ত্বং সর্বং সমাপ্নোষি ততোঽসি সর্বঃ ॥40॥

সখেতি মত্বা প্রসভং যদুক্তং হে কৃষ্ণ হে যাদব হে সখেতি ।
অজানতা মহিমানং তবেদং ময়া প্রমাদাত্প্রণয়েন বাঽপি ॥41॥

যচ্চাপহাসার্থমসত্কৃতোঽসি বিহারশয়্য়াসনভোজনেষু ।
একোঽথবাপ্যচ্য়ুত তত্সমক্ষং তত্ক্ষাময়ে ত্বামহমপ্রমেযম্ ॥42॥

পিতাসি লোকস্য় চরাচরস্য় ত্বমস্য় পূজ্যশ্চ গুরুর্গরীয়ান্ ।
ন ত্বত্সমোঽস্ত্যভ্যধিকঃ কুতোঽন্য়ঃ লোকত্রয়েঽপ্যপ্রতিমপ্রভাব ॥43॥

তস্মাত্প্রণম্য় প্রণিধায় কায়ং প্রসাদয়ে ত্বামহমীশমীড্যম্ ।
পিতেব পুত্রস্য় সখেব সখ্য়ুঃ প্রিয়ঃ প্রিয়ায়ার্হসি দেব সোঢুম্ ॥44॥

অদৃষ্টপূর্বং হৃষিতোঽস্মি দৃষ্ট্বা ভয়েন চ প্রব্যথিতং মনো মে ।
তদেব মে দর্শয় দেবরূপং প্রসীদ দেবেশ জগন্নিবাস ॥45॥

কিরীটিনং গদিনং চক্রহস্তম্ ইচ্ছামি ত্বাং দ্রষ্টুমহং তথৈব ।
তেনৈব রূপেণ চতুর্ভুজেন সহস্রবাহো ভব বিশ্বমূর্তে ॥46॥

শ্রী ভগবানুবাচ –
ময়া প্রসন্নেন তবার্জুনেদং রূপং পরং দর্শিতমাত্ময়োগাত্ ।
তেজোময়ং বিশ্বমনংতমাদ্য়ং যন্মে ত্বদন্য়েন ন দৃষ্টপূর্বম্ ॥47॥

ন বেদযজ্ঞাধ্যযনৈর্ন দানৈঃ ন চ ক্রিয়াভির্ন তপোভিরুগ্রৈঃ ।
এবংরূপঃ শক্য় অহং নৃলোকে দ্রষ্টুং ত্বদন্য়েন কুরুপ্রবীর ॥48॥

মা তে ব্যথা মা চ বিমূঢভাবঃ দৃষ্ট্বা রূপং ঘোরমীদৃঙ্মমেদম্ ।
ব্যপেতভীঃ প্রীতমনাঃ পুনস্ত্বং তদেব মে রূপমিদং প্রপশ্য় ॥49॥

সংজয় উবাচ
ইত্যর্জুনং বাসুদেবস্তথোক্ত্বা স্বকং রূপং দর্শয়ামাস ভূয়ঃ ।
আশ্বাসয়ামাস চ ভীতমেনং ভূত্বা পুনঃ সৌম্যবপুর্মহাত্মা ॥50॥

অর্জুন উবাচ
দৃষ্ট্বেদং মানুষং রূপং তব সৌম্য়ং জনার্দন ।
ইদানীমস্মি সংবৃত্তঃ সচেতাঃ প্রকৃতিং গতঃ ॥51॥

শ্রী ভগবানুবাচ
সুদুর্দর্শমিদং রূপং দৃষ্টবানসি যন্মম ।
দেবা অপ্যস্য় রূপস্য় নিত্য়ং দর্শনকাংক্ষিণঃ ॥52॥

নাহং বেদৈর্ন তপসা ন দানেন ন চেজ্যয়া ।
শক্য় এবংবিধো দ্রষ্টুং দৃষ্টবানসি মাং যথা ॥53॥

ভক্ত্য়া ত্বনন্যয়া শক্য়ঃ অহমেবংবিধোঽর্জুন ।
জ্ঞাতুং দ্রষ্টুং চ তত্ত্বেন প্রবেষ্টুং চ পরংতপ ॥54॥

মত্কর্মকৃন্মত্পরমঃ মদ্ভক্তঃ সংগবর্জিতঃ ।
নির্বৈরঃ সর্বভূতেষু যঃ স মামেতি পাংডব ॥55॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং
যোগশাস্ত্রে শ্রীকৃষ্ণার্জুনসংবাদে বিশ্বরূপসংদর্শনয়োগো নাম একাদশোঽধ্য়ায়ঃ ॥

bhagavadgita parayana chapter 11 in bengali