අෂ්ටාවක්ර ගීතා විංශතිතමෝऽධ්යායඃ

ashtavakra gita chapter 20 in sinhala

ජනක උවාච ॥

ක්ව භූතානි ක්ව දේහෝ වා ක්වේංද්රියාණි ක්ව වා මනඃ ।
ක්ව ශූන්යං ක්ව ච නෛරාශ්යං මත්ස්වරූපේ නිරංජනේ ॥ 20-1॥

ක්ව ශාස්ත්රං ක්වාත්මවිජ්ඤානං ක්ව වා නිර්විෂයං මනඃ ।
ක්ව තෘප්තිඃ ක්ව විතෘෂ්ණාත්වං ගතද්වංද්වස්ය මේ සදා ॥ 20-2॥

ක්ව විද්යා ක්ව ච වාවිද්යා ක්වාහං ක්වේදං මම ක්ව වා ।
ක්ව බංධ ක්ව ච වා මෝක්ෂඃ ස්වරූපස්ය ක්ව රූපිතා ॥ 20-3॥

ක්ව ප්රාරබ්ධානි කර්මාණි ජීවන්මුක්තිරපි ක්ව වා ।
ක්ව තද් විදේහකෛවල්යං නිර්විශේෂස්ය සර්වදා ॥ 20-4॥

ක්ව කර්තා ක්ව ච වා භෝක්තා නිෂ්ක්රියං ස්ඵුරණං ක්ව වා ।
ක්වාපරෝක්ෂං ඵලං වා ක්ව නිඃස්වභාවස්ය මේ සදා ॥ 20-5॥

ක්ව ලෝකං ක්ව මුමුක්ෂුර්වා ක්ව යෝගී ජ්ඤානවාන් ක්ව වා ।
ක්ව බද්ධඃ ක්ව ච වා මුක්තඃ ස්වස්වරූපේऽහමද්වයේ ॥ 20-6॥

ක්ව සෘෂ්ටිඃ ක්ව ච සංහාරඃ ක්ව සාධ්යං ක්ව ච සාධනම් ।
ක්ව සාධකඃ ක්ව සිද්ධිර්වා ස්වස්වරූපේऽහමද්වයේ ॥ 20-7॥

ක්ව ප්රමාතා ප්රමාණං වා ක්ව ප්රමේයං ක්ව ච ප්රමා ।
ක්ව කිංචිත් ක්ව න කිංචිද් වා සර්වදා විමලස්ය මේ ॥ 20-8॥

ක්ව වික්ෂේපඃ ක්ව චෛකාග්ර්යං ක්ව නිර්බෝධඃ ක්ව මූඪතා ।
ක්ව හර්ෂඃ ක්ව විෂාදෝ වා සර්වදා නිෂ්ක්රියස්ය මේ ॥ 20-9॥

ක්ව චෛෂ ව්යවහාරෝ වා ක්ව ච සා පරමාර්ථතා ।
ක්ව සුඛං ක්ව ච වා දුඛං නිර්විමර්ශස්ය මේ සදා ॥ 20-10॥

ක්ව මායා ක්ව ච සංසාරඃ ක්ව ප්රීතිර්විරතිඃ ක්ව වා ।
ක්ව ජීවඃ ක්ව ච තද්බ්රහ්ම සර්වදා විමලස්ය මේ ॥ 20-11॥

ක්ව ප්රවෘත්තිර්නිර්වෘත්තිර්වා ක්ව මුක්තිඃ ක්ව ච බංධනම් ।
කූටස්ථනිර්විභාගස්ය ස්වස්ථස්ය මම සර්වදා ॥ 20-12॥

ක්වෝපදේශඃ ක්ව වා ශාස්ත්රං ක්ව ශිෂ්යඃ ක්ව ච වා ගුරුඃ ।
ක්ව චාස්ති පුරුෂාර්ථෝ වා නිරුපාධේඃ ශිවස්ය මේ ॥ 20-13॥

ක්ව චාස්ති ක්ව ච වා නාස්ති ක්වාස්ති චෛකං ක්ව ච ද්වයම් ।
බහුනාත්ර කිමුක්තේන කිංචින්නෝත්තිෂ්ඨතේ මම ॥ 20-14॥

ඉති අෂ්ටාවක්රගීතා සමාප්තා ।
॥ ඕං තත්සත් ॥

ashtavakra gita chapter 20 in sinhala