അഷ്ടാവക്ര ഗീതാ വിംശതിതമോഽധ്യായഃ

ashtavakra gita chapter 20 in malayalam

ജനക ഉവാച ॥

ക്വ ഭൂതാനി ക്വ ദേഹോ വാ ക്വേംദ്രിയാണി ക്വ വാ മനഃ ।
ക്വ ശൂന്യം ക്വ ച നൈരാശ്യം മത്സ്വരൂപേ നിരംജനേ ॥ 20-1॥

ക്വ ശാസ്ത്രം ക്വാത്മവിജ്ഞാനം ക്വ വാ നിർവിഷയം മനഃ ।
ക്വ തൃപ്തിഃ ക്വ വിതൃഷ്ണാത്വം ഗതദ്വംദ്വസ്യ മേ സദാ ॥ 20-2॥

ക്വ വിദ്യാ ക്വ ച വാവിദ്യാ ക്വാഹം ക്വേദം മമ ക്വ വാ ।
ക്വ ബംധ ക്വ ച വാ മോക്ഷഃ സ്വരൂപസ്യ ക്വ രൂപിതാ ॥ 20-3॥

ക്വ പ്രാരബ്ധാനി കര്മാണി ജീവന്മുക്തിരപി ക്വ വാ ।
ക്വ തദ് വിദേഹകൈവല്യം നിർവിശേഷസ്യ സർവദാ ॥ 20-4॥

ക്വ കര്താ ക്വ ച വാ ഭോക്താ നിഷ്ക്രിയം സ്ഫുരണം ക്വ വാ ।
ക്വാപരോക്ഷം ഫലം വാ ക്വ നിഃസ്വഭാവസ്യ മേ സദാ ॥ 20-5॥

ക്വ ലോകം ക്വ മുമുക്ഷുർവാ ക്വ യോഗീ ജ്ഞാനവാന് ക്വ വാ ।
ക്വ ബദ്ധഃ ക്വ ച വാ മുക്തഃ സ്വസ്വരൂപേഽഹമദ്വയേ ॥ 20-6॥

ക്വ സൃഷ്ടിഃ ക്വ ച സംഹാരഃ ക്വ സാധ്യം ക്വ ച സാധനമ് ।
ക്വ സാധകഃ ക്വ സിദ്ധിർവാ സ്വസ്വരൂപേഽഹമദ്വയേ ॥ 20-7॥

ക്വ പ്രമാതാ പ്രമാണം വാ ക്വ പ്രമേയം ക്വ ച പ്രമാ ।
ക്വ കിംചിത് ക്വ ന കിംചിദ് വാ സർവദാ വിമലസ്യ മേ ॥ 20-8॥

ക്വ വിക്ഷേപഃ ക്വ ചൈകാഗ്ര്യം ക്വ നിര്ബോധഃ ക്വ മൂഢതാ ।
ക്വ ഹര്ഷഃ ക്വ വിഷാദോ വാ സർവദാ നിഷ്ക്രിയസ്യ മേ ॥ 20-9॥

ക്വ ചൈഷ വ്യവഹാരോ വാ ക്വ ച സാ പരമാര്ഥതാ ।
ക്വ സുഖം ക്വ ച വാ ദുഖം നിർവിമര്ശസ്യ മേ സദാ ॥ 20-10॥

ക്വ മായാ ക്വ ച സംസാരഃ ക്വ പ്രീതിർവിരതിഃ ക്വ വാ ।
ക്വ ജീവഃ ക്വ ച തദ്ബ്രഹ്മ സർവദാ വിമലസ്യ മേ ॥ 20-11॥

ക്വ പ്രവൃത്തിര്നിർവൃത്തിർവാ ക്വ മുക്തിഃ ക്വ ച ബംധനമ് ।
കൂടസ്ഥനിർവിഭാഗസ്യ സ്വസ്ഥസ്യ മമ സർവദാ ॥ 20-12॥

ക്വോപദേശഃ ക്വ വാ ശാസ്ത്രം ക്വ ശിഷ്യഃ ക്വ ച വാ ഗുരുഃ ।
ക്വ ചാസ്തി പുരുഷാര്ഥോ വാ നിരുപാധേഃ ശിവസ്യ മേ ॥ 20-13॥

ക്വ ചാസ്തി ക്വ ച വാ നാസ്തി ക്വാസ്തി ചൈകം ക്വ ച ദ്വയമ് ।
ബഹുനാത്ര കിമുക്തേന കിംചിന്നോത്തിഷ്ഠതേ മമ ॥ 20-14॥

ഇതി അഷ്ടാവക്രഗീതാ സമാപ്താ ।
॥ ഓം തത്സത് ॥

ashtavakra gita chapter 20 in malayalam